Hatolka Wali Ta Ukkupareha Taurat Ledege Tauna Kristus ¹ Miyo wallemmu tada' mawe, ta olebayigu (oroge nauwa tak'i gimige tabara dayi'da katadawe ukkupareha Taurat), oroge ukkupareha Taurat bana tailoguge tawumu kawali katau'da ngara duka'da ata baenga hoge morha? ² Oronyiduwela, wulawayi kanika memakatti waige ukkupareha tabara laina bana morha ho; tabollo bana mate kalaina, nyio nahilpa walita ukkupareha nikah da. ³ Nyi, na'dolawayi bana ole ummani kabani wa'deka bana morha ho laina li'dani lona laiolena, tabollo tanyiduwe banakole hamateka laina nyio walle hiltakki mayi kalona lai olena bana nika dangana kabani heka. ⁴ Oro batauda dage, ngaradukkami olebayigu, midummu matemi tutge uppareha Taurat ledege tanai Kristus tannam miyo kanada'di bana daugemi wade'ka na'de Nyio bepahaka'de walita mate kaha yitta pada kolege ngihhige tabarai Allah. ⁵ Oroge, yitta ba'da morha ta ka nayo, kama'na ate kajapata pahadoina ukkupareha Taurat narai ullawe tangngage tauwu dayitta nauwuge mate. ⁶ Tanyiduwe, batauge yitta da'ha lohat be'da walta ukku pareha Taurat, kamatebe walta agayi kaullu kakoda yitta tomage yitta batauge da ullage ta tillu hada kaberu waige Wad katengna, walle waidamage hok mema kama tolha. ⁷ Batauda'da ge, aga dawe hatakda yitta? Inne uk Pareha Turat dokuwe? Walle dahingmana? Gabbage, nauwa walleg hil tada'mawe doku helege ledege uk Pareha Taurat, oroge nauwa walleg yappa mawe ngihge hamakna dauwu ata heka nyi uk pereha Taurat ailinakawe, "iyam kamak'kanna." ⁸ Tanyiduwe, doku nangalawe mahiggo ledege uk hareha tannam kana ngihge tangngage kamak'na inne lari ta tauwugu; oroge aidaka uk pareha Taurat doku namatewe. ⁹ Ulluge nauwag morha walle waimana uk pareha Taurat, tabollo kole hok nuttu ba amge, doku na morha monno nauwa mate dalwa; ¹⁰ monno pareha inne, nyi dahowe katomage ngidwa tabara morha, tabbollo nyiduwe kakodoga tabara kamate. ¹¹ Oroge, doku nangalawe mahiggo ledege hok nuttu tannamu ma tip monno naha matewa. ¹² Nyi nuttu uk pareha Taurat na teng ge, monno hok na teng ge, tenawe monno kadahhawe. ¹³ Nyi batauda dage, ma aga dahingwe na ka dahha na ngidwe ha mate dangnga ta baragu? Tabollo Walle dahingmana! Doku nyiwe kaha huddage mate tabaragu ledege agawe kadahha kanna dedowe neddo doku ba'ka dokuwe, monno ledege hok nuttu doku naha rehi dedowe tuttu doku jalana. Kama gabba inne lari ta Tauda Yitta ¹⁴ Oroge yitta da tawe uk pareha Taurat kanogo katena, tabollo nauwa kanogo pata tanah, hama lajabe takabu doku. ¹⁵ Oroge, nauwag walleg yappa mawe agawe harayigu oroge nauwa walleg rayimage agawe hakabbu ategu, tabollo rayi dalmoguge ba agawe aiha baigu. ¹⁶ Tanyiduwe, tabollo nauwag baggu rayi kage wu harayi aiha baiyigu rayige aika dahha, nauwga hadokuwa ba uk pereha Taurat na dahhawe. ¹⁷ Na batauge, tabollo walle hillu nauwa'kma karayige, tabollo doku nyiwe kamorha inne lari tabaragu. ¹⁸ Oronage, nauwag tadawe ba hillu dayo hada kadahha ka morha tatillu tabaragu, inne lari kamorha tahada tau atagu, oroge ha kabbu ate nuttu dage ta baragu, tabollo rayige kadahha walle dalma. ¹⁹ Oroge, walleg rayi mage harayi kadahha ha kabbu ategu, tabollo nauwag rayige kajapata, aiha kabbu ategu! ²⁰ Nyiduwe, nauwa iggu rayige aiha kabbu ategu, nuttu walle hil nauwa dak'ma karayige, tabollo doku kamorha inne lari tabaragu. ²¹ Nyiduwe, nauwag tabbowe inne hok, nuttu: nedo kaggu rayige hada kadahha ba lugguwa, kajapata da'jalage bana olega. ²² Oroge, nauwag baiyige uk Parehai Allah ta dawa ategu, ²³ tabollo nauwag etawa hoku wadeka ta tillu tuba tauwugu karunnige gabage hok hada paha ngadagu monno kaka bunyiga ta hoku jala kadana tatuba tauwugu. ²⁴ Nauwa ata ka lilokowa! Iya da'kayi kaha tolkawa nauwa wali ta tauwu mategu inne? ²⁵ Wai tabaranai Allah ledeni Morida yitta, Kristus Yesus! ²⁶ Nyiduwe, waige ha ngadagu, nauwag ullage harenai Allah, tabollo waige tuba tau atagu bagu ullage doku jala.