Tullun Olebaiyi mu Kana da'di Rehi Kulha Taha Tena ¹ Bege, yitta naka kulha da tagu hodi rada kaloja mawala ata na aika kulha, monno walle hadahawe tutuge dau - dauda. ² Lodoge la tangngana ata ta jongada yitta kana yannage ta oleda tutuge dahhana, tutuge ha kaddewe hatena na. ³ Oroge, Kristus walle naha ege dawumawe Dau- dauwu- Na, tanyiduwe katujjana kama tolha, '' tangngad hatakki kama padda wali ta yidda, naka padda -wu, na dajjalawe tabara- Gu.'' ⁴ Oroge, aga dummowe kama tolha ulge bada matolha bege tutuge hanuwada yitta tannam ledege kaha tetakkana monno paha mandona ate naha yina ta Jurrata Bihha, yitta kolege dage kama manne. ⁵ Yallakawei Allah, puge libawa monno ege ate na yigu kanyurruh tutukolege morha ta tillu kaha wu taena ihha monno wadeka kangejai ledeni Yesus Kristus, ⁶ tannamu bamu hawuna atemonno ha wu lina miyo hama nadani Allah monno Ama Morida Yitta Yesus Kristus. ⁷ Oroge Nedo hibba wikkimi ihha monno wadeka, ka mera tujjanai Kristus hibbada yitta waige kama nadani Allah. ⁸ Nauwa gu hanewe wa tabaramu Oronagei Kristus badda na Da'di kapa nukkuwe ta bara tangngana ata naka ka badda ka bunnyiwaige katenai Allah, Nyiduwe Tutu pamaddoge jaji na yidada ta bara Ama weda waikada, ⁹ monn tutuda Bangsa-bangsa aika Yahudi na tannam yid'da kada hamanada yi Allah Oro bikta manawara -Na. Katujjana agawe kama tolha, '' Oroge nedo, nauwa engage bagu daika -wu ta jonga bangsa - bangsa aika Yahudi na; monno nauwa engag ma nyanyini mazmur tutu ngara -Mu.'' Mazmur 18:50 ¹⁰ Monno hatakki walna, Lagaharawu la hai bangsa- bangsa, oledi kangote nai Allah!'' Ulangan32:43 ¹¹ Monno walli, ''Daikayi Mori mi tangngami Bangsa! Jammadi tangadi kangote daikayi Mori.'' Mazmur 117:1 ¹² Monno, Yesayana naha newe walli, '' Enga ammidi ana ubbu nai Isai, monno Nyiyo enga na kadde tutuge harehayi tangngadi Bangsa, Monno na lar ta Nyiyo, bangsa-bangsa enga daha manne.'' Yesaya 11:10 ¹³ Yallawei Allah puge naha manne nah bannugimmi waige tangage ege ate monno maringngi malala ta tillu hatena mukahha miyo na majabolaweta tillu ma manne Ledeni Kuwaha Waddi Murraha. ¹⁴ Olebai-olebaigu, nauwa dauyo nama mannewe tutu mi, ba inna miyo ban ge kadahha, majabolawe waige tangngage hatada, monno makkadi hanuwadi wu kahha rade wadeka. ¹⁵ Tanyiduwe, nauwa badda tolhawe waige bani ategu tabara mu tutu ka pirra hadana tutge bagu ha ape hagga gimige, Oronage kanyurruh naha badai Allah yidage tabara gu, ¹⁶ nauwa gu da'di hanukkuwe tai Yesus Kristus tutu Bangsa-bangsa aika Yahudi na bagu Da'di Bai Ratowa tutu Linai Allah, Lodoge bangsa- bangsaaika Yahudi na kolege bana da'diwe ngidi maraka naka kamayanna, napa ha li hikke ledeni Wad Bihha. ¹⁷ Nyidawe Oroge, ta jonganai Yesus Kristus, nauwa na da'di we egela tubage hada inne naha rayigu tutu nai Allah. ¹⁸ Oroge, nauwa wallena da'di mawe bagu takkiwe dihha wu na wadeka, nyihewe naha badda ha ullanai Kristus ledega nauwa, tutu rayina Bangsa - bangsa aika Yahudi na manono waige hatakki monno harayi, ¹⁹ Ledege ka waha tadka- tadka kaheka hadana monno ka heka gaina, Ledege Wad katengna lodoge ka wali ta kota Yerusalem monno taka lingngora dikki ta Ilirikum, nauwa bada hatoma guge bannuge tutu ge li nai Kristus. ²⁰ Taudadage Nauwa bagu runge tutuge ha kakowe Li ege ate ta dauwuyi Kristus walle tadamawe tannam nauwa illagu ha kaddewa ta pannu kappe naha bada hapuna ata wadeka. ²¹ Katujjana ka dana kama tolha, ''Yidda naka aikali hibbahowe ha ngiddiyi tutuna Nyiyo engage etawe, monno yid'da na aika kali rangngewe enga da yappawe.'' Yesaya 52: 15 ²² Nyiwe oroge na nauwa da dummoge kama padeka tutu lo dikkigimmi miyo. ²³ Tanyiduwe batauge, oro aihillu layo hadauwu ta lodda inne, monno oroge nauwa mojage na yage dauge kabbu atege lodikkigimmi, ²⁴ Nyidawe Ba inna nauwa kakowa ta spanyol, baige da'diwe bagu lidawa monno ha tabbo dangngagimilodoge miyo da'diwe bamu tullu ga nedo bali, bege ka rehi ulge nauwa ta lagahara dangnga gimmi tutu langka hodikawe. ²⁵ Tanyiduwe batauge, nauwa kakowa ta kota Yerusalem Tutu hanukkui tangada ata ka Murraha, ²⁶ Oroge Makedunia monno Akhaya waige dahha ate yiyo matullu tabarada ata milla ta jongada tangada ata ka tengna ta Yerusalem. ²⁷ Yidda na dahha yi ate da rayige, oroge nedo nyimawe hataguda yid'da. Oroge ba rada tangada Bangsa aika Yahudi na bada hibbadage ta tillu hada-hada hatena Dauda ata Yahudi, ba na yid'da dummo daha nukku dahoi ata Yahudita tillu haganna dadi tangngadi habaida Yid'da. ²⁸ Oroge nedo, ba inna nauwa bada beguge naha ullagu monno pakulhadage ngihhi ge inne ta barada yid'da, nauwa enga kakogu ta Spanyol li na ta kota mu. ²⁹ Nauwa tadawe ba inna dikkige bagu lo dikkigimmi, nauwa enga amga ta tillu pannuwe kanyurruh tai Kristus. ³⁰ Batauge, nauwa gu karaiwe tabara mu, bagu ole baigimmi, tutu na Mori da Yesus Kristusmonno waige manawara ta Wad, tutu runnu ge ole dangnga gawaige ta tillu sembayang tabaranai Allah tutuge dau gu, ³¹ tannam nauwa da pahallawa wali ta tangngana ata na aika ma nuduh ta Yudea, monno tannam inne paha nukkugu tutgeYerusalem kana mahomawe tabara ata katengna. ³² Monno, tannam ledege habainai Allahnauwa na da'diwe ba amga tabaramu waige lagahara, lohho kolena maringngi ta jongam miyo. ³³ Nyikawe maringngi malala tai Allah na doku manno gim miyo tangngam, Amin.