Illam Keketa Wikkamu Karehi Dahha Wali Ta Olebaimu ¹ Hibbayi ata ka loja mawala hatena na, walle tutge gabbage ha tada na. ² Da'di ata kaha tenayi ba inna nyi yo ba yadi tangngadi hadadi pa yayo, tabollo ata ka loja mawala hatenana rubba hewe ha yana. ³ Ata naka yayo ilam padda kayi ata aika yayo, monno nada ata iaka yayo ilana na ka tekkokadi ata rada ka yayo, Oronage Allah badda hibbanani nyiyo . ⁴ Iyya dam miyo bammu katekkokadi ata pahalewana ata wadeka? Ba inna ba dede lohho dummo ba bukka, nedo ha orha dauwunage morina. Monno, nyi enga na dede Oronai Mori naka yini kulha kadangka bana dede. ⁵ Dani ata naka kaha ngaddage wu lado na rehi banningna wali ta lado wadeka, be rada wadeka pangaddage tangadi lado naha merayi. Tangngana ata doku hoge katena wali ta ate dauwuna. ⁶ Yid'da habanninguni lado kahekana, habanninguni tutunai Mori. Monno, Yid'da naka ka yayo yayo tutunai Mori. Oroge nyiyo na hailana manuta tabaranai Allah.Tauda dummo da Yid'da na aika yayo, yid'da walle yak ma tutu nai Morimonno hailana manuta tabaranai Allah. ⁷ Oroge, wale lakmani wu ata dummo wali ta yitta na ka morha tutuge Dau - dauwuna, monno walle lada ma wu ata dummo naka mate tutuge dau - dauwuna. ⁸ Oroge, Ba inna yitta morha ka, yitta da moarha tutunai Mori, loppo ba inna yitta bada mateka, yitta da mate dau wuna dai Mori. ⁹ Nyi we oroge Kristus mate monno kadde hagga, Tannam nyi kana da'di yi Mori, ta tangana ata kamate lohho dummo kamorha. ¹⁰ Enga nyiduwe, ahha miyo mamu kawetidi Olebai yi mu? Loppo, ahha miyo torro halibawayi olebaiyi mu wai bammu katukkuni? Oroge, yitta enga dede kahha hoda ta aro taktah Parehanai Allah. ¹¹ Oroge dage kama ma tolha, ''Oroge Nauwa bagu Morhawa, Linai Mori, tangnadi kuddo enga naka wojoyi ta bara- Gu, Monno Tangngadi lamma enga nama mangakui ta baranai Allah.'' Yesaya 45:23 ¹² Bege, tangngage yittaenga da yiwe taguge balehawe tutuge dauwu -dauna ta baranai Allah. ILlam Rayikani Ata wadeka Ka Jala ¹³ Oroge nedo, illage yitta hama yega wikkina, tanyiduwe na rehi dahha howe runge tutuge walle tau ge kamahapalohho wu watu widda ta barada ole baida yitta ¹⁴ Nauwa tadawe monno gu mannege na la ta Moridai Yesus oro walle lakma ka wu dummona naka ka otora wali ta hada nedo dauyo, tanyiduwe rada ata ka pa ngadadi tangnga kahhage yidda na ka otora, nyiwe hada nedo ka otora tutuge dauwuna. ¹⁵ Oroge, ba inna ate olebaimu manukaweoronage na wuyona mi hayami, miyo walle hillu mu morha mawu waige manawara. jamma la miyo ha lilokoni nyiyo waige naha yamun nedo, Oronagei Kristus dummo badda matena tutuna. ¹⁶ Oronage nedo, illam tannage agawe na miyo na paha ngaddammu kadahhaba langlirawe katujjana na kajapata. ¹⁷ Oronage harajanai Allah walle tutuge ya monno enu mawe, tanyiduwe tutuge ka tena, maringi malala, monno lagahara lar Wad Murraha. ¹⁸ Oroge iyya dummoyi kaha nukkuwe tai Kristus waige kakoge lara inne kamayanna ta baranai Allah. ¹⁹ Bege, maida yitta rotiwe na hada-hada ka ngiddiwe maringngi malala monno kapa kadde wu lohho wadeka. ²⁰ Illam kegarage ha ullanai Allah oroge tutu inna yayo! Tangnga kahhadi Dahhayi, Tanyiduwe nada wu ata naka ka yayo bana dadidalwe ata wadeka bana jala. ²¹ Rehi dahha howe wallem yayo kahila loppo aim enuwu Anggur, lohho rayidi hada wadeka naka dadi dawalli bana widda nada ole bayi mu. ²² Narroge la naka tena na miyo hakolemu tutuge tuba tauwumu ta aronai Allah.Maringi malala ata aika rayi rakkage tuba tauwuna tabara agawe naha yappami kadahha. ²³ Enga nyiduwe, ata nada ka gela gagga enga da hokuni ba inna nyi banna yayo, oroge nyiyo yayo walle ha kappemage taha tena; monno tangnga kahha di na aika kaha puyo wali ta hatena nyidawe na jala.