¹ Bege, nauwag etayi talima wanawa nyiyo kangodo tapamu dawi ngodo wuyo jurata ubla, kadayo hatolhana kadawa lari mono bali hadu, ha waige pitu. ² Mono, nauwag etayi wumalaikat kadaha nawula waige lina kama wanta, "iyaduyi katuba bugera jurata ta haubla inna mono bugerabi matareyudi?" ³ Tanyidu we, wage lakma wuakata, deteta surga, inna tapamu tana, loho kadana ta kabutana kaddi kadadi bugeradi wale ka kaetawe kabuge lari halunu inna. ⁴ Yidawe, nauwa guhagege hoyo haddu-haddu oro walelakma wuak ata pakole tuba tutu bugerage jurata hulunu inna waleka etawe kabuge lari. ⁵ Tanyi duwe, wayo wali tai bai ata nadalima bana hanewe tabaragu, "Ngahuwu hoyo! etawe, Singa wali naka bihu Yehuda, ana suhu Daud, natai lobe dajagage nyi dadi we bana bugerage jurata hawnu inna mono pitu metereige." ⁶ Mono, nauwag etayi tatillu daungodo pata ranga inna, mono tatiludi tangada baiata rada wuyo Ana Bebe na dede, tujai parodobe, kadayo pitu kaduna mono pitu mata haluguna pitu wadinai Allah paha lewa tahagala panutana, ⁷ Ana Bebe nada namaiyo mono nawgalawe jurata halunu inna wali talima wanana nyiyo kangodota panu dawu ngedo. ⁸ Mono, kole Ana Bebe ngala bewe jurata halunu inna, kapatana ranga mono kadoka bulu patana bai ata kawojo taarona Ana Bebe nada, diha-diha danarowi wuyo kapikka mono wuyo koba ama harara kabanuna weyo kemeyan, halu guna simbayangna ata katengna. ⁹ Loho, yidna da manyanyi wuyo manyanyi beru linada: "Yauwa tubawu ngalawe jurata halunu inna mono bugeradi metereidi oroge Yauwa barono bewu, mono waige ramu, Yauwa hawali bedi ata wali diha bihu-digabihu, hanewe, kaha olena, mono kabihu ata tubai Allah. ¹⁰ mono Yauwa umhadadi bemi yida dadiwuyo pareha raja mono rato-taro tuba Allah da yita mono yida enga harehada tapang tana." ¹¹ Bege, nauwag etawe, mono nauwag range liyo wali ta malaikat buta kakilorani hadawu ngodo, pata ranga, mono tangda ata rada. Mono tangaka hada yida riwu ratada, loho kabulu ratada, ¹² dawula waina liyo kawanani, "Tubawe Ana Bebe, haropo benada, hibawe kawaha, mono pote, mono angta, mono kulha, mono haaka, mono manadana, mono mahadi." ¹³ Bege, nauwag rangeyi tangadi ranga kadana ta surga, mono tapanu tana, mono takabu tana, mono tabanu, mono tangadi kadana neda lari, tangadi rada daha newe, "Tubana nyiyo, kangodo tapanu hadawu ngodo, mono tubana Ana Bebe, tangadi mahadi, haaka, manadana, mono kawaha kaha ana muri!" ¹⁴ Mono, pata ranga rada dahanewe, "Amin" mono tangada bai ata kawojo mono kataba.