¹ Kole innage, nauwag etawe wibina mabugerawe dete ta surga, mono liyo innana, harangeku nauwa tujawe liyo ta lalu kahanewe dangaga, kalinada, "Panewe inne moro nauwag engag patingo guge tabaramu agadahowe kadadi babewe inne." ² Batau ge inna dumo nauwa naka lubuga waddi momo etawe, wuyo hadau ngodo dage ta surga mono wuyo ataka ngodo ta pawu nadawu ngodo inna. ³ Mono, nyiyo kangodo tapanu nadauwu ngodo inna, nadedo katujana watu mabilatayaspis mono Sardis; mono dani wuyo aleha kakilorage hadawu ngodo inna, paetada tujai zambrud. ⁴ Hakilora hadawu ngodo inna dadi dokabulu pata hadawu ngodo mono tapanudiha dawu ngodo rada nauwag etayi doka bulu pata bai ata ngodo waina kalabe madaka kaka mono kataupa amaha rara dadi ta katakuda yida. ⁵ Mono, wali taha dawu inna huna kamillaka mono kagoraka liyo kagurka. Mono dadi piyu hariyo karewotaara dawu ngodo inna, yidaknage pitu yadi Allah. ⁶ Mono, taaro dawu ngodo inna dumo dage wuyo katujana banu kanino, tuja watu malilaka. Tatilna mono kilorage dawu ngodo inna dadi pata ranga kabanuna matana taarona mono talirana. ⁷ Ranga kadihana natuja dayi wu singa, mono ranga haduda waiyi tujai hapi mane, mono ranga hatauda waiyi matana natu ja dawe mata ata, mono ranga hapatawai natuja wekoa kawuruna. ⁸ Kapatana ranga rada diha-diha annida kapada kabanuna matada, tabali haddi mono kadawu lari; lado mono gaddi, ka patana ranga pada wale danga hukma hanewe, "Tekna, tekna, teknai Mori, Allah hada bika parehana, kadabena, kadana, mono kaamna" ⁹ Mono, kole ranga rada bada nyikawe manadana, haaka, mono hanawe lima waiyi tabarana nyiyo kangodo tapanu dawu ngodo kamorha aika dukana. ¹⁰ kadobulu patana baiata rada dakawo jotaarona nyiyo kangodo ta panu hadawu ngodo inna, mono kangakani nyiyo icamorha aika dukana nada, mono batani kataupana yida ¹¹ "O Mori mono Allahma nami, Yauwa katutu hibawe manadana, haaka, mono kawaha oroge yauwa umpadadi beditangadi mono oro hakabu atemu tangage inna dadi mono hadadi."