¹ Bewalge, malaikat nada naha tingo gani tabaragu lawai we hamaorha danga, ka hira tujai kristal, kalalo wali taha hadau ngodonai Allah mono Ana Bebbe ² ta tillu harona inna. Ka dudana hupuna lai weyo, tummu pu yayu morha ka wuna kabulu duda ngara wuna mono kawuyo nahiyi wulla. Rona yayu nada ba wai kani dadiwe bana hatangahayi kabihu ata. ³ Wale hilu lakma haura lage, tabolo hadau ngodonai Allah mono Ana bebbe enga dani neda lari taharona inna. AtaNa enga kataba dani Nyi. ⁴ Yidda enga eta da nage mataNa mono ngaraNa enga matolhage ta kubu matada yidda. ⁵ Gaddi wale hilu lakma ge la dajalage yidda wale da hilu bai mana magakaha latti waleka mata laddo oro nagei Mori Allah enga naha ma gakahadi yidda, mono yidda enga hareha ha ngatada. (Maina Yesus Kristus) ⁶ Malaikat nada linage tabaragu, " Tangadi hatakki inna dadiwe hatenawe mono tenawe. Mori, Allah wali ta waddi tangada nabi, halewayi malaikatNa tutu ba hatingodi tabara ataNa agawe ka geha dadi. ⁷ Rangemila, Nauwa geha amiga! Ka nyuru kana ata ka dokuge hanewe huru bale jurata inne!" ⁸ Nauwa, Yohanes karange bewe mono eta bewe tangage inna. Kole nauwa bagu rangewe mono etawe tangage,nauwa ug kawojowa tutu kataba ta ledu malaikat kaha tingo begage tangage inna tabragu. ⁹ Tabolo, nyi linage tabragu, " Ilam rayi kage inna! Nauwagna atam katujawe yau mo ole baimu, tangada nabi, lohho tujai yidda ka dokuge hatakki ta jurata inna. Katabawu la tai Allah!" ¹⁰ Bewalge, malaikat nada linna wali tabaragu, " Ilam toni kawe hatakkigu ta huru bale lari ta jurata inna oro dageta nage rahige." ¹¹ Yammadi ata japata, kada raina kajapata, ata aika murraha ka engana ai murraha, ata aika rayige katena, mono ata katenguna ka engana hatenguge tauna." ¹² " Rangemila, Nauwa geha ammiga! Mono, Nauwa ug gidiyi uppaGu, tutu ha gaba dage tangada ata dokuge harayina. ¹³ Nauwagna Alfa mono Omega, Ka wungana mono paha dukka wai, Kapuge mono kaha dukkawe. ¹⁴ Ka nyuru kanala yidda kabahawe kalabe madakkada yidda dajalage yidda kadauni pu yayu morha nada mono tama ta harona inna ledeni binna kallana. ¹⁵ Ka ta bali harona rada yidakna bagga, ata karayina hamorro, ata malamra, tangada kabara marapu, mono ata kabaige paleka. ¹⁶ Nauwa, Yesus, ug halewa beyi malaikatu Gu tutu takkiwe tabaramu tutu tangadi radda tubada kangote. Nauwagnala kalunga mono ana huhui Daud, Ba Maduyo wali Ta lado Koka ka magakaha." ¹⁷ Waddi mono bau winne ha ummana nada linage, " Maimila!" Pahaidi ata karangewe inna kalidage, " Maidagela! " Pahaidila ata kama riyo ammini; pahaidi ata kabaige ngalawe weyo morha ai kadayo hina." (Hatoniwai) ¹⁸ Nauwa takki guge tabarada tangada ata karange gage hatakkige huru bale jurata inne: " Nyi ba daka katabayi hok akki ta hanwe inna, Allah enga taba nani tabrana tangege mayilla kama tolha lari ta jurata inne. ¹⁹ Mono, nyi badaka kaha dabboge hodik wali taha newe lari ta jurata inna, Allah enga ngala nage hadauna wali pu yayu morha wali ta harona tenguna, mono wali ta hada kama tolha lari ta jurata." ²⁰ Nyi ka takkiwe tutu hada inne linage, " O, Nauwa geha ammiga." Amin! Maiwugela, Mori Yesus! ²¹ Ka nyuru kanaga Mori Yesus kana ole gimi miyo tangami.Amin