Lawaiyi Kaha Ana Mono Kaboko ¹ Bege, nadedo we wu tada kama dakka tauwagta wuyo lawai kalbe mata ladona mono wulla ta kabu leduna mono kataupa manadana wali kabulu duda maduyo ta katakna. ² Lawai nada taara na hatiyo, mono lariya. tamayilla kagu haawawa liwa, nakawula oro pakhana. ³ Bege, nadedo wu tada heka talangta; wuyo kaboko madakka kamalli kamangu pitu katkna mono kabulu kakna loho pitu motona ta takna. ⁴ kikuna kaboko wada natingiyi pabakatauda maduyo ta uangta mono baitadi tatana, kaboko nada nadede taaro lawaiyo kagu haanawu kalina inna dajalage kole lawai nada bana anabe, nyiyo dadi we bana kaballoni anana. ⁵ Lawai nada lahaanani wuyo ana kabani, kaha rehai kabihu ata-kabihu ata waidi takko bahi; tabolo lakawa nada karamani mono ngidiyi tai Allah mono taaro dawu ngodona. ⁶ Lawai nada wa malaiyi tamarada gilra, tahadawu hainya kanai Allah tubana dajalage nedo bali, nyiyo daka ramayi rata dongahu anni kabulu lado mojage ⁷ Mono, nadadiwe hatauwu dete ta surga, Mikhael mono tangada malaikat hatauwu kabani kaboko wada. kaboko nada hatawu dangadi malaikatna. ⁸ Tabolo yida wale natutu mawe kulhada dajagage hillakma hadawu tutda yida ta surga. ⁹ Kaboko na dakka nada tubani kadawu bawa, nyi kaboko tuna ha ngarada hajode walika kabalka, kahajalorai tangage panutana, nyiyo hatuba tapanutana, mono tangada malaikat baita haoge dangadi bawa. ¹⁰ Mono, nauwag range we liyo kaballo wali ta surga kalinana, "batauge, ammige manemara, kawaha, mono kalingora pareha allada yita, loho kawahanai Kristus oro ipaduha ole baida yita. kaduhai yida taaroi Allah lado mono gadi, tura bedi bawah. ¹¹ Yida nabak ke beyi waige rayo ana bebe, mono waige panewe padelakada yida; oro yida aida manawarage ngahuda yida, loho dumo rahi aroge mati. ¹² Oroge inna, lagaharamige, ta surga mono tanganai kaengana neda lari! tabolo, mayilla we panu tana mono bawu oro kabalka naburbe tabarami lari tabaniwa kamadakka oro nyi tadawe rahi "padauna kadubuhawe." ¹³ Kole kaboko nada atawe nyi babai tani tapanu tana, nyiyo naha mayillai; lawaiyo kabebe ha ana kabanina innana. ¹⁴ Tanyiduwe, lawai nada dayini duda kapa kawuru raja wali kamadakka dajalage nyiyo kadadi we wuruwa tamarada gilra, taha dawuna, bangiyo nyi dau karawayi dihamahigo, duda mahigo, mono gaba mahigo marawu wali taarona ikaboko. ¹⁵ Kaboko nada na wurotage weyo kaha gayida laiyi weyo katau nutuna ta lawaiyo nada, tutu kaha meluni nada lawaiyo nedo lari. ¹⁶ Tabolo, tana natuluni nada lawaiyo; tana naburage bana mono, naballoge weyo hawurotana kaboko nada. ¹⁷ yidawe, nada kaboko nadai we bana bani takka tabarana lawai nada mono kako nage tutu hatawu dangadi lakawa wadeka walitalaiyo nada, halu guna ata karawayi tangada kaharehai Allah mono narodi hatakki Yesus. ¹⁸ Kaboko nada nadede tahupu banu