Duda Saksi ¹ Lohe dayigage tabaragu woyo takko, hadana natusai takko haukrawai, waige haneweda, "kadowo mono ukrage uma Allah mono natarage loho yida kangote na nedo lari. ² Tayiduwe pahai ka natara uma Allah kata bali hakna ilam ukra ge oro inna payibewe takabihu ata kabihu tana, kabihu ata; mono yida enga deke pipi ge harona mora ha inna data kabulu duda wulage mojage. ³ Mono, wauwa enga yiwe kawaha tabara dua saksigu mono yida enga hurbaleda ica rata duda ngahu anni kabulu ladoge mojage waina hingi kalaku. ⁴ Yida inna ge dadi duda pu Zaitun mono duda paha riyo kadede taaroi Mori kada wuge panu tana. ⁵ Mono, radaka ata kabaige hapak hai yida; latti na huge wali tabada yida mono kakar hadi muhda yida. nyi bainyayi hingkai kahapakhai yida, nyi enga hamateyi waige hada katauna inna. ⁶ Kaduda inna mangu kawaha tutu tuniwe gangta dajala ura walena burru talado huru baleda yida; mono dauge kawaha tapanu weyo tudu hajeluge kana habalige rayo mono tutu paluwe tawa waige tanga ge kadadi kakalweyida baige . ⁷ Mono, kole yida bada bewe hatakkida yida, ranga kahuda wali lari talira mate enga hatauda ngabadi yida mono habakkeyi yida, loho hamateyi yida. ⁸ Mono, karogoda kadudana enga wara gakada talara harona madaka, ngala tuja hangara Sodom mono Mesir, hadawa morda yita dumo kadailoni. ⁹ Mono wali tangada ata mono kabihu mono hanawe mono haolebaina enga etadi karogo kadudana tauda rehi lodoge mojage mono wale enga pahaidadi karo kadudawa habaikadi tarate. ¹⁰ Mono, kaengana tatana enga lagakaka tayida mono ege; mono yida daha ngidi-ngidi wikna agaak diha-diha oro dura nabi inne hama yillai yuda kaengana tatatana. ¹¹ Tanyidiwe. kole tauda lado rehi , wadi kamorha walitai Allah tama lar kadudana karogo rada, mono yida dadede tapanu leduda yida dajalage kaha mataradi yida madauta bada madauta. ¹² Loho, yida darange liyo kaballa wali ta surga kaha newe tabarada yida, "mayi kamu pannege" mono, yida dumo panne ta surga lari ta bara, daetayi muhuda yida. ¹³ Mono, batauge inna, nadadi epu aika anana dajalage pabaka kabuluwe harona inna tabah tawe; mono pitu rata ata mate oro epu wada, mono aika mate dadadi madauta, lodoge hama nadai Allah ta surga. ¹⁴ Mayila kadudana haipawe, etawali we mayilla kataudana enga geha amige. ¹⁵ Lodoge, malaikat hapitu wai naha upuyi ta laluna, mono rangewe liyo kaballo ta surga kalina hanawe, "kahareha panu tana nadadi we kaha rehai morda yita mono yiyo nagewu, mono nyiyo enga harena kaha ana muri." ¹⁶ Bege, dokkabulu pata bai ata kangodo hadawu ngododa, taaroi Allah, matabi mono kawojo tai Allah, ¹⁷ Waige bada hanawe, "nami wayi lima tabaramu o Mori, Allah kabikta parehana, kadana mono, kadabena, oro yauwa kangala bewe kawaha mu kama dakka mono umhag gewe hareha. ¹⁸ Mono, kabihu ata-kabihu ata dabanibe, tabolo banimu ambege, mono rahinage-banadiki we tabuda ata mate tutu yidi rakada mono yidi upada tangada atamu, nabi-nabi mono tangada ata katengna mono kamada wutage ngaramu, kamaraha mono kamadakka, mono tutu bahamau hadi tangada kaha mau hage panu tana!" ¹⁹ Bege, nama bugera we Allah ta surga mono etai ge patti jaji Allah lari taumana, mono hudayi kamilaka mono liyo kagurka mono epu mono urre essu kamadakka.