1 Wakewa nauwa o ALLA, monno kamu lummugadi jalagu kamu gabadi rade bangsa aikaha tena! pahalawa nauwa wali kama tipu monno tanggada ata kaballi! 2 Oro Yauwu ALLA gu kahamawoga aha nauwa mamu tullaraga muhhu? 3 Hatingoge magaha-Mu monno hatena-Mu nyamma modi yida kada korowa monno ngidiwa taletemu kalangana, monno tahadauwu kadona-Mu. 4 Nauwa kakowa ta umma dau maraka ALLA, tabarana ALLA, dage larahangagu monno nauwa hadiyi waini kecapi, tabara-Mu, O ALLA, ALLAgu. 5 Ahha miyo mammi kahublani, o dewagu, ahha miyo mami kabukta tabaragu? waimanage tabara ALLA! Nauwa mehadi pidahowa tabara-Na oro inna tolka batabaranage.