¹ Rada kakodoge lawiti: Wui lawitida anai Korah. Katauna ruha na kamagge laiwe kalalo, katauna dewagu bagu aroge, O ALLA. ² Namarii uragu tut nai ALLA, Nyi ALLA kamorha. Pirra dahoge bagu kakowa monno bagu dedowa aroi ALLA? ³ Wematagu yidai habalhayagu lado monno kadi, tangrage tara lado-lado ³ Wematagu yidai habalhayagu lado monno gadi, tangrage tara lado-lado yida dapa newe tabaragu '' giin ALLA mu? ⁴ Nauwa apewe, bagu yikigu, nauwa kakowa hawu dangadi ata kangotena monno kagoya ngare-ngare ta ummai ALLA, palegewe na pun monno na lawiti ege ate, daha mera dangani monno daka pongoni ina ta kajonga ka rame. ⁵ Ahha mii mamkahuglam, ta uragu, mam habudalkau ta taugu? kamu mane danna la mrabba ALLA! Oronage, Nauwa yiwikbena tabarana katolka ta aro-Na ⁶ O ALLAgu, uragu kaka lugu ta jongagu, tanyidawe kam apewala, kawal tatana Yorda, Hermon, monno lete Mizar. ⁷ Nna banu kalur namaikage banu kahada lura walli waige punyinyi wee leje-MU taugage ka ngura monno ngalungu mu naa biraga nauwa. ⁸ Kole naha didara laddo. MORI, naha kokowe li monno kole bana dige nalawiti ole dangaga, tut habayi ALLA kamorhagu. ⁹ Nyi bag taknagei ALLA, lete watugu, '' Mu illam dangaga?'' aha dalka nauwa mag kakowa kaha milla, oro mapitada muhhu? ¹⁰ Katauna kama duhka tajonga rigu, ngara dukada muhhugu da langlirawa nauwa, tang rage la lado napa newe tabaragu, '' Mu giin ALLAmu? ¹¹ Ahha mi mam kahugla, ta uragu, ahha mi mam habum? remani ALLA! Oronage, nauwa mog lagahara dumo tarai ALLA naka tolka ta orona-Na.