¹ " Torroyi, Nauwa ha ngidini halewa-Gu kaha inyakayi lara tuba-Gu! Nyiwe, waige kaha yadda,Mori hama yegami enga tamana lari ta ummaNa! Malaikat Pajaji ha kabu atemu inna enga ammini," linai MORI kadauge tangage. ² Ta nyiduwe, iyaduyi katahna taladdo ba ammini Nyi? Iya duyi katahna dede kole Nyi hstingoge tau-Na? Oro, Nyi tujai latti kaha murrahage mono tujai habo baha. ³ Nyi enga ngodona tujai ata kaha murahadi ata Lewi mono hamurahadi yidda tujai amaha rara mono amaha kaka dajalage yidda enga ngidida manuta katena tabarai MORI. ⁴ Waige batauge, manuta Yehuda mono Yerusalem enga hadaha dage atenai MORI tujawe ntu ulluge, tujawe dau kalangana. ⁵ Nauwa enga dahe ka gimi miyo tutu hoku gimi. Waige ka ngatana, Nauwa enga hajikkagu gabadi ata hamorro, ata kalona ole atana, kagabadi ka haura paleka, mono ka gabadi ata kapahlana kahewa ullana, yidda kapijjayi lawai balu, ka ana lalo ama, mono ata li palaka wale madautakma tabara-Gu," linai MORI kadauge tangage. KEDU WALI TAI ALLAH ⁶ " Oro, Nauwala MORI, aika hajeluna. Miyo, ana huhunai Yakub, enga wale pungak mage. ⁷ Wali weda waikami, mi um hilra bemiwali paha didara-Gu mono walem jurtak mawe narroge. Gillaka tabara-Gu, nyiwe Nauwa enga haggagu tabaramu,' linai MORI kadauge tangage. Ta nyiduwe, mi um kanukawe, " Aga lina dahowe bama hagga?" ⁸ " Dadi kakawe kadadi ata tipuyi Allah? Tabolo, mi um tipuwa Nauwa. Ta nyiduwe, mi limige, " Waige hada aga dahona nami bama tipuwu Yau?' Lari ta manuta kabulu ha ullamu mono manuta lihikkemu. ⁹ Miyo um yannamu haura, tabolo mi um tipu jala howa Nauwa. O, mi tangami kabihu ata! ¹⁰ " Ngidi kahhayai tangadi manuta kabulumu radda neda lari ta umma dau ijalayi dajalge kadayo ha yayo ta umma-Gu. Kabagala Nauwa," linai MORI kadauge tangage," Appa Nauwa waleg bugerak mage dadde langta tutumu mono ug bi guge ka nyurru tabaramu kaha bana majabolawe. ¹¹ Nauwa enga kayaka guni tubamu kabala kayayo dajalage nyi ilna begudi ngihi pa ullam ta tanamu mono pu anggurumu ta oma wale na ngahuk mayi wuyo," linai MORI kadauge tangage. ¹² " Tangada kabihu ata enga da takkiyi lagahara oro miyo enga wumu hadau habaina," linai MORI kadauge tangage. LADDO LIHIKKENA BA HOKUGE ¹³ Ha newem aika dahha tabaragu Nauwa, linai MORI. Ta nyiduwe, mi limige, " Agawe hatakkima tutum Yau?" ¹⁴ Mi limige," Kangotena tabarai Allah ka lilokowe. Agawe utuge yitta jurta hadahhahge hataguda yitta tabara-Na mono kako tau kalabe kalallu ta aronai MORI kadauge tangage? ¹⁵ Batauge, nami ma takkiyi ata ka bogang rada lagahara. Ata karayige japata rada naka nyurruwe morhada, mono ata ka kabani Allah dummo hilpa." ¹⁶ Lodoge ata kamadautani MORI lidage dihha-dihha," MORI naha mataradi mono na rangewe, wuyo jurata ha ape kamatolha ta aro mata-Na tutubada ata kamadautani MORI mono ka ha akanage ngara-Na!" ¹⁷ " Yidda enga dadi dau Gudi," linai MORI kadauge tangage, ta laddo paha inyaka. Nauwa enga manawaradi yidda tujai wuha ama kama nawaradi anana mono kaha nukkuyi nyi. ¹⁸ Mi enga eta hagga midi ata katena mono ata bokala, ta jonga ata kangotena tabarai Allah waidi ata aika ngotena tabara-Na.