¹ " Batauge, hareha inne ha aroge tabaramu, ta mi rato! ² Nyi mi aim rangewe, mono mi aim hamataradi kam hiyi gage ngara-Gu," linai MORI kadauge tangage, " nyiwe Nauwa enga bira guge haura tabaramu mono enga haura guge kanyurrumu, lohho dummo ug haura bege oro yau aim ijalayi ta atemu. ³ Mi enga tada mige inna Nauwa ha ngidige pareha inne tabaramu dajalage jajigu tai Lewi kana engage," linai MORI kadauge tangage. ⁵ Pa jaji-Gu tabarana nyiwe jaji ka morha mono moli kamaringina,mono Nauwa ug yi nage tabarana dajalage nyi madauta tabara-Gu, mono nyi dummo madauta tabara-Gu mono kayikka ta ngara-Gu. ⁶ Hanua katena dage lari ta bana mono paleka wale lakmage wali ta ro wina. Nyi na dokuga Nauwa lari ta moli kama ringina mono lurha, mono buta ata ka hagga wali ta jalada yidda. ⁷ Oro, ro wina wu rato karawawe angta mono ata mayegage hanua wali ta bana, oro nyikna halewanai MORI kadauge tangage. ⁸ ta nyiduwe, mi um hekora wali ta lara, mi um rayige ta ata buta gogla waige hanuamu. Mi um pungadi pajaji tai Lewi, linai MORI kadauge tangage. ⁹ Nyiwe, Nauwa dumo ug hadadi gimi miyo libawa mono ba hatoro li bawa gimi tangada kabihu ata rade, oro mi aim karawa moyi lara-Gu paha tingo begimi tabrami, tabolo um pedena lari ta ta hada ukku pareha." YEHUDA WAE|LE DA TENAKMA TABARAI ALLAH ¹⁰ Yitta tangada wale wu kaduyi amada? Walei MORI kaduyi karayida yitta? Loho, ahha yitta mada hamalaja wikina waige baha otorawe pajajida weda waikada yitta? ¹¹ Yehuda nama lajage, aktawe harayina ta moriha Israel mono Yerusalem. Oro, Yehuda naha akta bege hadau katenguna ham nawara nai MORI mono nadadi lai beni wali ta ana lawaina allah li palaka. ¹² Pahi kani MORI kana pungadi karekai Yakub tangada ana huhuda ata karayi taudage, lokko nyi na ngidi duna manuta tabarai MORI kadauge tangage. ¹³ inna nyiwe hada ka dudana harayi homi: Mi um toniyi hadau maraka nai MORI waige we mata, hoyo, mono kawika oro Nyi aina baidi manutami mono walena hiba midi wali ta limmami. ¹⁴ Mi um kanukawe, " Ahha?" Oro, MORI yibe ka etawe ta jongam yau mono ole ummamu bamu bodiho, inna tabrana yau walem hilu mikkuk mawu, doku dage ole morhamu mono ole ummamu dokuge hajaji. ¹⁵ Nadai Allah ka wuna kaha dadidi yidda wuyi? Lari ta tauda mono urrada hakabu ate wali kaha wuna inna? Ana huhu Ilahi! Oro inna, karawawe taumu! Ilam pahadawe ai ka mikku tabara ole ummamu bamu bodi howu! ¹⁶ " Nauwa butuge ate pahewa,"linai MORI, Allah Israel, " dommo ata katoniwe kalabbena waina mapijja," linai MORI kadauge tangage. Nyi bataudage inna, karawawe taumu mono ilam malajage! LADO PAHALIKKE BA YIGE RAKKAGE ¹⁷ Mi um mayilla beyi MORI waige hanewemi. Ta nyiduwe, mi um kanukawe, " Aga lina dawe nami bama hamayillayi Nyi?" Waige mi bamu hangadage: " Tangana ata karayina japata yikna kadahha ta matanai MORI; tabarada yidakna Nyi marakka," waleka nyi waleka, " Ngika dunni Allah ka hokuge inna?"