¹ Inna nyiwe hatakna linai MORI tabara Israel ledeni Maleakhi. ALLAH NA MANAWARADI ISRAEL ² " Nauwa ug manawara gimi miyo," linai MORI. Ta nyiduwe, miyo enga limmimi, " Aga linndawe Yau ba nawara gama?" " Nadai Esau wale angu wukak nani Yakub?" linai MORI."Tanyiduwe, Nauwa manawarani Yakub, ³ tabolo Nauwa ug butuni atei Esau. Nauwa ug hadadidi letena kahika nawa mono hadauna Ug hadadidi maradda gilra." ⁴ Nyi Edom balinage, " Nami ma mauhabe, tabolo nami maha kadde hagga howe kata bohta inna," nyiwe, tauda dage linai MORI kadauge tangage," Yidda nadadiwe hakadde haggawe, tabolo Nauwa enga hata bohta guge, Yidda enga takkiyi" kalingora japata" mono " Kabihu ata ka kolege baninai MORI kahha ana murri." ⁵ Matamu enga eta daumige mono miyo enga limige: " MORI Hadda madakka kahha ta bali kalingora Isarel." ATA AIKA HIYI ALLAH ⁶ " Wu ha ana na hiyi amana, mono ata halewa na hiyi morina. Nyi inna Nauwa bai Amawa, gikakge tada himi tabara-Gu? Nyi nauwa inna ba mori kawa, gikage hada madautamu tabara-Gu? linai MORI kadauge tangage, tabaramu, ta tangami rato kaha melo gage ngara-Gu. Ta Nyiduwe, mi bamu kanukawa, " Aga linawe nami bama hamelo guge ngara-Mu?" ⁷ Mi um ngidimi kababa ka otora ta panu hadau maraka-Gu, lohho mi limige, " Aga linna dawe nami bama ha otorage?" Waige paha ngadda, " Majanai MORI ndadiwe baha melodi!" inna miyo bamu manuta kana ranga kamoro ba marakayi, inna wale japata nage? Inna miyo bamu mantana ranga kabeko mono kalawara, inna wale kajapatakwe? Kaba holage hadik nage Bupatimi, apa na ma homakwe tabarami waleka na hibba dahha dumi? linai MORI kadauge tangage. ⁹ Nyi bataudage," Kaba holage hamalujjage atenai Allah dajalage Nyi kana manawarada yitta!" Oro limmamula, tangage inna dadiwe. Wale na dadik mawe Nyi bana hibayi wu ata wali tabaramu kadahaki? linai MORI kadauge tangage. ¹⁰ Bana dadi hiwe kadayo ta jongami ka au toniwe binna dajalage mi ilam harewomi latti taha dau mara kaGu ai ka dayi gauna. Nauwa waleg bai magu, linai MORI kadauge tangage, Nauwa walegu baimadi hibayi manuta wali ta limamu. ¹¹ Tau takka nage, wali dau huddana mata lado tabara lado koka mono kahha dau tamana mata laddo, ngarGu madakkawe ta jonga kabihu ata. Ta tangadi hadau manuta dupa mono hamanuta majobera tubage ngaraGu mono dumo majobera paha inyaka ka muraha, oro ngaraGu madakawe ta jonga kabihu ata, linai MORI kadauge tangage. ¹² Ta nyiduwe, miyo dadi mowe bamu ha otoradi waige paha ngada, Mejanai Mori tau takkage aita mono hayayo kadana neda dadiwe ba hamelodi!" ¹³ Mi limige, " Etayi, hadda mayillawe!" Mono, mi bamu hama yillawa Nauwa, linai MORI kadauge tangage. Mi um ngidiyi ranga ha rebo, ranga kabeko, mono ranga kalawara bamu manutadi. Na dada kakwe Nauwa bagu hiba midi wali ta limmamu? ¹⁴ Kuknani hadauna ka matipu, kadayo wu ranga manena ta jonga ranga buta, pa ha tukkuna, tabolo nyi na manuta waina ranga ka otora tai Mori. Oro, Nauwa inne Raja kamadakka, linai MORI kadauge tangage, mono ngaraGu da madautage ta jonga kabihu ata.