Yesus Nidiyi Tabarai Pilatus ¹ Bege, tangada at radda da dede mono da ngidiyi Yesus ta baranai Pilatus. ² Mono, yidda kapu dage ngidini hanewe paleka waige balidda, "Nami ma dikkini ata nadde bana hajalora kabihhuma nami mono bana heridi ata yiyo walu katakku tabara Kaisar, lohho na takkiwe Nyi bai Kristusuyi, wuyi Raja." ³ Pilatus naka nukkayi Yesus, "Appa Yau Raja ata Yahudiwu?" Yesus na balehawe, "Nyiwe inna hatakkimu." ⁴ Bege, Pilatus linage ta rato-rato kapala mono ata buta, "Nauwa walegu tabok mawe jalana ata nadde." ⁵ Ta nyiduwe, yidda da ka ruhhuyi ha gapege bana waddige kawulada, "Nyi naha tularadi ata waige hanuana-Nyi ta tangage kalingora Yudea wali ta Galilea kahha inne!" Yesus Ngidiyi Tabarai Herodes ⁶ Kolei Pilatus rangewe innage, nyi naka nukayi appa nai Yesus ata Galileayi. ⁷ Mono,kole nyi tadawe nadai Yesus ba walina wali kalingora harehanai Herodes, Pilatus dummo naha ngidini Yesus tabarai Herodes kadana nedda ta harona Yerusalem. ⁸ Kolei Herodes bana etayi Yesus, nyi na dahhawe atena. Nyi moja bege bana baige hataboka dangani-Nyi oro nyi bana range beyi tutu nai Yesus nyi na kabu atege bana eta wu mujizat harayinai Yesus. ⁹ Lohho, Herodes butayi ha nukkana tanrai Yesus, taboloi Yesus walle la hingmana ha balehana tabarana. ¹⁰ Rato-rato kapala mono ahli-ahli Taurat kadede neda bali dahha wauni Yesus aika anana. ¹¹ Lohho, Herodes mono tangada tentarana da habawayi mono tere kayi Yesus. kole innage, yidda da tauni kalabbe kadahha lohho nahangidini-nyi hagga tai Pilatus. ¹² Ullu hoge, Pilatus monoi Herodes da hamuhhuna, tabolo laddo inna yidda da ha ole ate haggana. Pilatus Walena Dadik Mawe Pahoilayi Yesus ¹³ Bege, Pilatus na kahhayi rato-rato kapala, tangada pa ama Yahudi, mono ata buta, ¹⁴ lohho linage tabarada yidda, "Miyo um ngidiyi ata nadde tabaragu ba ata kaha jalorayi ata buta. Ta nyiduwe, nauwa ug yini tijana-Nyi ta aromi, nauwa walegu tabok mawe jalana katauna ha dita mini tabarana-Nyi. ¹⁵ Herodes dummo waleda tabok mawe jalana-Nyi dajalage nyi mana hangidi haggani ata nadde tabarada yitta. Um etawege, Nyi walena rayik mana jala katuba kolege hoku matena. ¹⁶ oroge inna, kole nauwa bagu paluyi-Nyi, nauwa ug pahalayi-Nyi." ¹⁷ [Nahiyi laddo madakka Paskah,Pilatus na pahoila dahona ata ta gallu tutuda ata buta.] ¹⁸ Ta nyiduwe, ata buta radda da kawula kahha, "Hikkalani ata nadde! Pahalayi Barabas tutu nami!" ¹⁹ [Barabas wuyi ata ata japata paha tama ta gallu bana rayige kawihaka ta harona mono naha mate ata.] ²⁰ Oroi Pilatus kabu atege pahoilayi Yesus, nyiwe ma lina walige hadakka tabara ata buta. ²¹ Ta nyiduwe, yidda engada kawula, "Kadailoni Nyi! Kadailoni Nyi!" ²² Hadal wudda waina Pilatus naka nukkayi yidda, "Ahha? Aga japatawe harayi bena ata nadde? Nyi walena jalakma. Nauwa waleg tabok mawe jalana-Nyi katuba kolege li hoku mate. Oroge inna, nauwa enga paluyi-Nyi lohho pahalayi-Nyi." ²³ Tabolo. yidda na kikka mono nakaruhhuwe waige lida ka mawangta dajalagei Yesus ka dailoni. Mono, lida yidda dummo tailoyi. ²⁴ Kapodige, Pilatus na pohtawe pannu dage ha karuhhuda yidda. ²⁵ Nyi na pahoilayi ata ha raida ata buta, hatama ta gallu oro bokalana mono hamatena ata. Ta nyiduwe, nayiyi Yesus dokuge hakabu ateda yidda. Yesus Kdailoni ²⁶ Kole tangada tentara da kako ngidiyi Yesus, yidda dummo da pattuyi wu ata, ka ngaranai Simon wali ta Kirene ka abbu mai wali ta deha. Tanhgada tentara na ijala nani kadailo Yesus ta balena mono halewayi ditayi kadailo nadda ta liranai Yesus. ²⁷ Buta ta kadokuni Yesus, mono ta jongada yidda dadi lawai kahoni mono kalalluni Nyi. ²⁸ Ta nyiduwe, Yesus na gila kadi yidda mono linage, "Ta bau winne Yerusalem, ilam hokaga Nauwa. Hodage tau daumu mono anamu. ²⁹ Enga dikige rahige ata enga lidage, 'Maringi kanala lawai ka woto, mono tina ai ka kali hadaina lakawa, mono huhuna ai kakali pahuhu.' ³⁰ Innala yidda enga lidage ta letena, 'Ta bohtawula tabarama nami!' mono tabara lete dokuna, ' bonyi gama nami! ³¹ Oro, nyi yidda bada rayi kage hada inna ta yayu ka morha , agawe kadadi ta pu yayu kamate?" ³² Da dummodi duda ata japata pa ngidi hoku mate oleni Yesus. ³³ Kole yidda dikki ta dihha wu hadau ka ngarana "Tengkorak," tangada tentara da kadailoni Yesus oledi kadudana ata japata radda, wu ata tabara kawana-Na mono wu ata wali tabara kali-Na. ³⁴ Bege Yesus linage, "O Ama, hawalidi yidda, oro yidda aida tada mowe harayida." Dajalage tangada tentara da baitana mowala tut bawewe kalabbe-Na ta jongada yidda. ³⁵ Ata buta kadede neda bali etawe tangage, tabolo tangada pa ama Yahudi da tere kayi Yesus hagapege malha hatereka. Yidda lidage, "Nyi na ha hoila ata wadeka,nyidawe pahaini Nyi kana pahoilage tau dau-Na bai Kristus ka duyi, Hapedenai Allah!" ³⁶ Tangada tentara terekayi Nyi, lohho yidda ammidi mono da yini anggur mayege tabara-Na, ³⁷ mono lidage, "Nyi Yau ba Raja Yahudiwu, pa hoila holage tau dau-Mu !" ³⁸ Mono, dadu dummoge wu hatolha ta pannu katakku-Na: "NADDE NYIKNA RAJA ATA YAHUDI." ³⁹ Wu ata japata hadairo neda bali naka kapaleka jalayi Yesus, linage, "Yau walei Kristus ka duwu? Pahoila kiwe tau-Mu mono nami!" ⁴⁰ Ta nyiduwe, ata japata wuyo na padekayi nyi mono linage, "Walem madautak mani Allah yau oro yau dummo hibba jalawe hokuna kaha mera? ⁴¹ Yitta bada hibbawe hokuna naha mera memawe agawe harayida yitta, tabolo ata nadde lakma jala harayina jala aga hingkana." ⁴² Loho, nyi linage tabarai Yesus, "O Yesus, ape kiwa nauwa kole bamu tamawu Yau lari ta kalingora-Mu." ⁴³ Bege Yesus linage tabarana, "Nauwa luguge tabaramu, laddo nehhe dummo Nauwa enga tama ole danga gugu lari ta Firdaus." Mateanai Yesus ⁴⁴ Inna ba tutu kawe jam kabulu dudayi, kapagta na toniwe tangage hadau nedda kahha ba jam taudayi mamali ⁴⁵ oro mata laddo bana dadi kapagtana mono kaba kalla ta Umma Allah ma pabaka dudawe. ⁴⁶ Lodoge Yesus nakawula waige lina kama wangta, "O Ama, ta limma-Mu Gu yiwe ngahu-Gu." Kole bana takkiwe inna, Yesus na tingiwe ngahu-Na hadukka wai. ⁴⁷ Kole kapala tentara etawe agawe kadadi, nyi naha manadayi Allah mono linage, "Tau takka nage, ata nadde walena jalakma!" ⁴⁸ Kole ata buta kamai dangani etawe tangage kadadi, yidda da hagga da paluwe kurruda yidda. ⁴⁹ Tangada ka tadayi Yesus mono kapirana lawai kadoku beni-Nyi wali ta Galilea kadede marau mono etawe hada inna. Yesus Tanini ⁵⁰ Dani swu kabani ka ngaranai Yusuf, ka oledi pa ama kaha nuana, wu ata kadahha mono katena. ⁵¹ (Nyi dau walena baimage pohta inna mono harayida yidda). Yusuf walina Ta Harona Arimatea, wu harona ata Yahudi. Nyi dummo na remage Kalingora parehanai Allah. ⁵² Nyi na kako tai Pilatus mono na karai yiyi karogonai Yesus. ⁵³ Lohho, nyi dummo naha burrugwe karogonai Yesus wali ta yayu kadailo mono naka boro waini kaba talujjana. Kole innage, nyi naha bai kayi-Nyi lari ta wu rate ha kowa ta lete watuna. Neda bali, wale lakmahho wu ak ata pa tani. ⁵⁴ Laddo nadda nyi Laddo ha inyaka, mono laddo Ngahuyi enga geha halegewe. ⁵⁵ Lawai ka mai oleni Yesus wali ta Galilea dokuni Yusuf. Yidda da etawe rate inna mono aga linna dawe baha baika nage karogonai Yesus neda lari. ⁵⁶ Kole inna, yidda bada hagga mono bada ha inyaka kabau mumra lohho we lengha kapiku obara nage karogo nai Yesus. Ta laddo Ngahu da ngahu dokuge ukku parehai Taurat nai Musa.