¹ Ta nyiduwe,hada inna but dangage atenai Yunus dajalage kadewe but atena. ² Nyi na sembayangna tai Mori,linage,"O Mori,lugu mage na bagu takkiwe bagu enga hona taha haronagu? Nyi dawe oroge,uluge nauwa magu malaiwa ta Tarsis oro bagu madamuge,Yau bai Allah ka hada manawara mono hamadi,kahada maloya mono majabolawe marada atena,lohho kama rabeha tutu mayilla paha dadiMu. ³ Batauge,o Mori,ngala gage ngahugu,oro atna rehi daha dahoge nauwa bagu matewa wali bagu morhawa." ⁴ Ta nyiduwe,Mori na yiwe lina,"Namarakkawe yau bamu baniwu?" ⁵ Yunus bege naijakage harona inna mono na engana tabara lado koka.Nyi naha dede ummana neda bali,lohho na ngodo ta kabu mawo kahha bana etawe nyi agawe kadadi taha rona inna. PUYO KADAMO DIMA MONO KABAKETA ⁶ Paha yanna wiki dau nai Mori Allah,tummu wu pu yayu kadamo dima karehiyi Yunus dau hamawo nage katakkuna dajalage nyi kana hilpa wali ta butu atena.Yunu na lagahara oro pu kadamao dima nada. ⁷ Ta nyiduwe,dama hege tana,kole bana huda lado,paha yanna wiki dau nai Allah,wu kabaketa na katiyi pu kadamo dima nada kahha mbana malele. ⁸ Kole bana huda mata lado,dokuge pahha yanna dau nai Allah,amini rereha wali ta lado koka ka ngangaha dajalage magakahana mata lado kagamkawe kataknai Yunus, lodoge nyi bukka bana bilo mono hakabu atena kagu matewa linage,"Atna rehi daha hoge nauwag matewa wali bagu morhawa." ⁹ Bege,Allah na yiwe lina tai Yunus,"Marakkakwe yau baniwu oro pu kadamo dima nada?" Balehawe Yunus,"Nauwa marakawe bani kahha mate." ¹⁰ Mori nayiwe lina,"Yau um manawarani pu kadamo dima nada ai hatadomu yau mono ai ha mulam yau,katumu dihha gadi mono liloko dihha gadi jalla. ¹¹ Nauwa enga ug manawara dahoge Ninewe,Harona kama dakka inna,ka ngahu duda kabulu rata butana ata kadau neda bali,ai katadage hawattedi limma kawanada lohho lima kalida,kamangu ranga butana?"