¹ Amige linai Mori tai Yunus ha du wuda wai: ² "Kadewuge,kam kako ta Ninewe,ta harona kamadaka inna,hadik dage tabarada li paha diki begugu tabramu." ³ Kade nagei Yunus lohho bna kako ta Ninewe dokuge lianai Allah.ninewe wuwe harona ha bangara danga madaka ge,tauda lado hoge ba kako tanage lurage. ⁴ Halege nage Yunus tamage harona inna,dihha laddo ba kako tanage marauge,lohho naka wula,linage: "Pata kabulu lado moge,Ninewe enga kabali gubuge," ⁵ Ata Ninewe ds hatena tabaranai Allah.Yidda da takkiwe kabukta mono waina hingi kalallu,ata katuna lohho lakawa. ⁶ Dikkiwe li inna ta raja Ninewe.Nyi dumo burru wali taha dau ngodona,na laige kalabe madakana,mono nama nyegena hingi kalallu,lohho na ngodo ta panu kabka. ⁷ Oro hareha raja mono tangada ta madaka,Ata da kawulage mono da talarage ta Ninewe, " Ata mono ranga,hapi mono bebbe kameme,ilda ka hayada aga dahingkana,ilda yaka ruta,mono ilda enuka weyo. ⁸ Ata mono ranga waige bada manyegena hingi kalallu,wanta dahowe kawulada tabarai Allah,lohho dihha-dihha kabali dahho wali ta lara kajapata mono wali takajapata harayi bemi. ⁹ Wale da tadak mawe,Allah bana kabaliwe atena mono marabehawe,lohho napeli wali tabaniNa ka rewobe dajalage yitta ilda liloko," ¹⁰ Kolei Allah bana etawe hadada yidda,bada jarra wali talarada yidda ka japata,Marabehawe atenai Allah oro mayilla paha inyakaNa tabarada yidda,mono Nyi dumo ilda rayige.