Matenai Lazarus ¹ Dani wu kabani ka tamrana kalwara, ngaranai lazarus wli Betania, haronai Maria mono watona. ² Maria yikna lawai ka lewu nadi leduna Yesus waini we kabau burata mono kahopi wai nadi leduNa waige wuna, nada kabanina, Lazarus, katamra kalawara. ³ Oro ge inna, kadudana wattona rada hangidina li tabraNa, kalina, "Mori, Ata yau hama nawaramu tamrana kalawara." ⁴ Tabolo, kole Yesus bana rangewe li inna, Nyi linage, "Kalawarana inna walena mate dangak mage, tabolo hadedo danga nage manadanai Allah dajalage Ananai Allah ledieni kaha manadai." ⁵ Yesus na manawara takkani Marta, mono angu winnena, mono Lazarus. ⁶ Nyiwe, kolei Yesus rangewe nai lazarus kalawara, Nyi wuk dahing nage engana duda lado wali taha dau Nyi badani. ⁷ Be innage, Yesus linage ta ana hakodoNa, "Mai da Yitta kada kako wali ta Yudea." ⁸ Rada Ana hakodona lidage tabaraNa, "Guru, ata Yahudi walna mojak mahoge inna kab ate dage tukkuwu watu Yau, apa Yau enga dahoge bamu kakow neda Bali wali?" ⁹ Yesus nabalehawe, "Wale kabulu duda Jam kakge inna diha lado? Nyi wu ata bana kakoka bana ladoge, nyi walena widdakma oro nyi ba etawe magakaha panu tana inne. ¹⁰ Ta nyiduwe, nyi wu ata ka kako bana gadige, nyi na widda oro magakaha inna ai daduge tabarana." ¹¹ Be Yesus bana hanewe tau danage, Nyi linage tabarada yida, "Oleda yitta, Lazarus, nadurabe, tabolo nauwa enga kakogu haraduyi nyi." ¹² Ana hakodo lidage tabaraNa, "Mori, Nyi bana duraka, nyi enga tagahana." ¹³ Yesus doku dage hanewena tutu mate nage lazarus, tabolo ana hakodona hayapada Nyi naha newe tutu dura hanewe jeluge ngahu. ¹⁴ Oro ge Inna, Yesus bege napa hirawe hatakna tabarada yida, "Lazarus na matebe, ¹⁵ mono nauwa dahawe oro hakabu atemi, Nauwa wale lakmaga neda bali dajalage mi kam hatenawe. Nyiwe, mai yitta kada kako tabrana." ¹⁶ Bege, Tomas, hangara leba Didimus, naha newe tabra ana hakodona wadeka, "Maida dumoda yitta kako kana dadiwe mate ole dangaNi." ¹⁷ Kole Yesus diki, Nyi na dikini Lazarus nedo beyi tarate pata gak bena. ¹⁸ Inna Betania doka bulu duda rata laima ngahu metera marauge wali ta Yerusalem. ¹⁹ Buta ata Yahudi kamai be dikini Maria mono Marta, kapiku agu ateyi yida oro ole baida nada. ²⁰ Kole rangewe nadai Yesus ba ammini, Marta kako tabokayi Nyi, tabolo Maria engana ta Umma. ²¹ Marta linage tabaranai Yesus, "Mori, nyi mahigo neda ba dahekigu taha dau inne, ole baima walena matek maki. ²² Tanyiduwe, batauge nauwa ug tadawe lanhgka aga hingkayi harayimu wali tai Allah, Allah nayiguge tabaraMu." ²³ Yesus linage tabarana, "Ole baimu enga kadena." ²⁴ Marta na balehayi Nyi, "Nauwag tadawe nyi enga kadena ta lado rahi kade tahaduka rahi." ²⁵ Yesus Linage tabarana, "Nauwakna kakade mono kamorha; iya hing kayi kaha tena tabaraGu, nyi enga morhana loko nyi bana mate bekna, ²⁶ mono tangana ata kamorha mono hatena tabaraGuwale na kal matekma. Apa mi um hatenakwe inna?" ²⁷ Marta linage tabarana, "O Mori, nauwag hatenawe inna Yau nai Kristus, Ana Allah, kamai tapanu tana." Yesus Na Hoyo ²⁸ Kole balina innage, Marta kako nage kamai kani Maria, angu winnena, mono hanewe meha dage, "Guru dagu inne mono Nyi na maikagu." ²⁹ Rangewe innage, Maria geha dede nage mono dikini Yesus. ³⁰ Innage, Yesus walena dikik maho taha deha inna, tabolo enga hona taha dau Marta bana tabo ka naNi. ³¹ Ata Yahudi ka oleni Maria ta umana inna, tamrada agu ateyi nyi, etayi Maria geha kade mono kako huna;yida da dokuni nyi oro haya pada nyi enga kako nage ta rate hoyo neda bali. ³² Kole Maria diki taha daunai Yesus dau dani, nyi na etayi Yesus mono na kawojo ta koko leduNa, loho linage tabaraNa, "Mori, Nyi Yau badahekigu inne na, ole baigu wale na matekma." ³³ Kole Yesus ban eteyi Maria bana hoyo, mono ata Yahudi ka ole jala ni hadoku hoyo, boyatai Yesus lar Waddi mono walena ha iyak mawe halina. ³⁴ Yesus naka nukayi, "gini lazarus dau tani mini?" Yida da balehayi Nyi, "Mori, mai dokuga mono kam etayige." ³⁵ Yesus jala na hoyo. ³⁶ Yiwe, ata Yahudi lidage, "Etai ge! Nyi hada manawara nani Lazarus!" ³⁷ Ta nyiduwe, kapirana ata tajongada yida lidage, "Wal nadadik mawe Nyi ka bugera bena mata ata moro inna dumo narayige tabarai Lazarus walna matekma?" Lazarus Hakadeyi Wali Ta Ata Mate ³⁸ Yesus, na boyata piwal lari ta tauNa, kako ta rate. Rate inna yiwe wuwe rowaka, mono wu watu ha ijala pali tuni wai. ³⁹ Yesus linage, "Hikkalani nada watu!" Marta, ole baina ata kamate nada, linage tabraNa, "Mori, batauge enga bau benage oro nyi pata lado bena ta rate." ⁴⁰ Yesus na balehayi nyi, "Nauwa walegu tak bekmige tabarami inna mi bamu hatenami, mi enga eta mige manadai Allah?" ⁴¹ Nyiwe, yida dakeketayi watu rada. Bege, Yesus nata ngara mono linage, "Ama, wai lugugu tabaraMu oro Yau bamu range bewa Nauwa. ⁴² Nauwa ug tadawe inna Yau bamu range hakitawa Nauwa, tabolo oro ata kadede kiloraga Nauwa, Nauwag takiwe hada inna dajalage yida hatena inna Yau nage kaha lewawa Nauwa." ⁴³ Bana be hatak kiwe innage, Yesus nakawula waige lina kawaddi, "Lazarus, hunage!" ⁴⁴ Ata kamte nada huna, limana mono leduna enga hodi makatti kalarri hawuk waiyi, mono matana enga hoge matoni kaba wahukha wai. Yesus linage tabarada yida, "Lada kaha nadi kaba rada walita tauna mono pahaini nyi kana kako." Wujlage Tutu Hamateyi Yesus ⁴⁵ Ata Yahudi kamai dikini Maria, mono etawe agawe harayi benai Yesus, daha hetena dangage tabraNa. ⁴⁶ Tanyidawe, kapirana wali ta yidada dikidi Ata Farisi mono tak dage yida agawe harayinai Yesus. ⁴⁷ Nyiwe, rato-rato kapala mono ata Farisi rayi dage hatabbo Sanhedrin mono lidage, "Agana yitta harayida? Oro, ata nade narayidi tada ka heka gaina. ⁴⁸ Nyi yitta bada pahai hangatani Nyi katujana inna, tangana ata enga hatenana tabaraNa mono ata Roma enga ammidi karamage hadau inne mono kabihuda Yita." ⁴⁹ Tanyidawe, wu ata wali tayidda kangaranai Kayafas, kadadi rato madaka dauwu neda, linage tabrada yida, "Mi wale lakma hatada ammi, ⁵⁰ wale dumo tibawe narehi na daha howe wu ata matetutu tangana kabihu ata, bana liloko dalli tangana kabihun ata ta panu tana." ⁵¹ Nyi wale na takkik mawe wali ta tau dauNa, tabolo ba rato madakkayi dau neda, nyi na hur bale nadai Yesus enga matena tutu kabihu ata rada. ⁵² Mono, wale duka dahek mana ata Yahudi, tabolo dumo tutu kahayi kada hawuna ananai Allah kama talara. ⁵³ Nyiwe, wali lado neda, yida dahawuna hatakki tutu hamateyi Yesus. ⁵⁴ Oroe inna, Yesus wale nahilu kako dedokma tajonga ata Yahudi, tabolo Nyi nakako wale neda bali ta Kalingora daheka marada Gilra ta wu harona ka ngarana Efraim; mono Nyi na engana neda bali oledi ana hakodoNa. ⁵⁵ Neda na, Paskah ata yahudi dahenage, mono buta ata wali taha dauwu inna kako ta Yerusalem ai Pasakah ho tutu hamurahage tauda yida. ⁵⁶ loho, yida mayegani Yesus mono hanewe dage diha-diha tamrada yida dede lar ta uma Allah, yida dakanuka wikida, "Aga linadawe paha ngadamu?Apa Nyi walena maima yta raya rame inna?" ⁵⁷ Dadi rato-rato kapala mono ata Farisi da pahubege pareha nada wuata bana tadayi bagini Nyi dau dani, ata nada na tak dahowe dajalage yida dadiwe yapaYi.