¹ Tak dagela tabara angu wumu,"Ami," mono ta wattomu"Ruhama." I MORI NAHA NEWE TA ATA ISRAEL ² "Ngabbani inyamu,ngabbanila,oro nyi wale ole umma guni Nauwa,mono Nauwa wale lai managa.Yammani nyi kana marauni poparana wali tamatana,mono jala dadi ata wala waina wali ta jonga huhuna. ³ Ilna diki dalwe Nauwa bagu lainadi kalabbena kahha bana kalolu,mono pahaini nyi kana tujawe nyi ba hadadini,kahaddaini nyi tujai maradda gilra,hatau ta tana karaha,lohho hamateyi bana mate mariyo. ⁴ Nauwa walegu manawarak madi anana kapopara. ⁵ Oro,inyada yidda bana popara bekna;lawai kaha tiyo yidda da rayi beni hamakke dangana.Oro,linage,"Nauwa enga doku guni lakawa winnegu,ka yiga kababa mono weyo nauwa,wullu bebbe mono kaba talujjangu,welengha mono ha enugu. ⁶ Oroge inna,Nauwa enga gallu gudi waidi tara mono hadede gallu watu,daja lage nyi kana tabokayi larana. ⁷ Nyi enga rutnani tangada lakawa winnena,tabolo walena dikkik madi yidda;nyi enga mayega nadi yidda,tabolo wale da tabbo kak mayi yidda. Lohho,nyi enga linage,'Nauwa enga haggagu ta lai ullugu,oro nuttu honanauwag rehi dahha howa wali inna batauge. ⁸ Nyi walena paddak mage inna Nauwaknala ka yiyo Gandum,weyo anggur,mono we lengha.Nauwaknala kaha butadi amaha kaka mono amaha rara harayina tutu Baal. ⁹ Oro bataudage inna,Nauwa enga ngala gudi GandumUGu ta rahige mono we anggurugu ta rahige. Nauwa enga karama gudi kaba wullu bebbe Gu mono kaba talujaGu katoni nage kaloluna. ¹⁰ Batauge,Nauwa enga ha tingo dagudi hadadi ata waina ta lakawa winnena,mono wale wu hing mana ata ka lauha awalita limmaGu ¹¹ Nauwa enga hadukka guge tangage ege atena,ta laddo madakka,wulla beruna,laddo ngahuna,mono tangadi pa raya ramena. ¹² Nauwa enga ha li loko guni pu angguru mono pu kapulotana,mono tutuna nyi na takkiwe,'Tangadi radde ha yiyo hayinadi lawa winnegu tabaragu.' Nauwa ug rayige kadadi ramiwe mono ranga ta maradda enga yadadi. ¹³ Nauwa enga hoku guni nyi oro tangadi laddo batauge natunnu maraka tutu tangada baal,kole nyi bana maraka hatunnu tubada yidda,nyi naha doyiwe tauna waige anting-antingna mono rewana,lohho nyi mana kako dokuni lakawa winnena mono na danga dangaga Nauwa." Tauda dage linai Mori. ISRAEL HATAGAHI ¹⁴ Oro batauge,tau takka nage,Nauwa enga leko guni nyi,ba ngidiyi ta maradda gilra,mono hanewe ha nanarage atena. ¹⁵ "enga Oma anggurna wali neda bali,mono lola Akhor nadadi binna kalla mamaennewe.Nyi enga manyayida neda bali tujawe ba bau maneho,katujjana ta laddo kole nyi huna wali ta tanah Mesir." ¹⁶ "Yiwe nadadiwe ta laddo nedda,"tauda dage linai Mori,"Yau um kamai kaga Nauwa:Laigu,mono wale hilu kamai kak mani Baalugu! ¹⁷ Nauwa enga hopi guge ngara Baal wali ta bana,daja lage illa hilu dayo ka takki walwe ngarada yidda. ¹⁸ Nauwa ug kattige jaji tubada yidda ta laddo neda,ta ranga ta maradda,kawurruna ta langta,mono ranga kaha lawe ta panu tana.Nauwa ug pata dadi wudda panada,katopoda,mono bajla wali taha dauda,mono yau enga bai ka kadannamu. ¹⁹ Nauwa dadiwe yau bagu ole ummaGu kahha ana murri.Nauwa enga hadadi gugu yau ole umaGu lari katena mono tijana,lari tama nawara mono marabbeha ate. ²⁰ Nauwa enga hadadi gugu ole umagu lari ta mikku daja lage yau enga tada muni Mori. ²¹ "Nyiwe,na dadiwe tangage inna,"tauda dage linai Mori, "Nauwa enga range guge langta,mono yidda enga range dage tana. ²² Panu tana enga range nage gandum,anggur,mono we lengha,mono yidda enga range dani Yizreel. ²³ Nauwa enga habara guni tubaGu ta panu tana,mono manawarani Lo-Ruhama,mono Nauwa enga luguge tabarai Lo-Ami,'Yau Ana huhuGu.' mono nyi enga linna,'AllahGu!"'