1 Linai MORI ka ammina tai Hosea,anai Beeri,ta morhai Uzia,Yotam,Ahas,mono Hizkia,raja-raja Yehuda,mono ta morha Yerobeam,anai Yoas,Raja Israel. 2 Kolei Mori bana kapuge hanewena ledeni Hosea,lina dagei linai Mori tabarai Hosea,"Kakomla,ngalayi wuyo lawai popara kamu ole ummani moo kam ha anana lakawa popara.Oro,hadau inne wale anak manage poparage mono da tannani Morda." DADINAI YIZREEL 3 Nyiwe,kako nage nyige mono na ngalayi Gomer ole ummna lawai Diblaim.Lohho,hati nage lawai nada mono naha anani wu lakawa kabani. 4 Moro nayiwe lina tabarana,"Ha ngarani Yizreel,oro hodi mowe Nauwa enga hoku gudi ole baina Yehu oro majokuge ranai Yizreel,mono Nauwa enga kapodi nage kabihhu Israel. 5 Nyiwe,ta laddo inna Nauwa enga kip gudi wudda Israel ta Lolo Yizreel." DADINAI LO-RUHAMA 6 Lawai nad hatiwal nage mono nadadi walini wuyo lawai. MORI na yiwe lina,"Ha ngarani Lo-Ruhama,oro Nauwa waleg hilu manawarak madi ata Israel,lohho dummo Nauwa waleg hilu hawalik madi yidda. 7 Ta nyiduwe, Nauwa ug manawaradi ata Yehuda mono pahoilayi yidda oroi Mori,Allah da yidda,Nauwa enga pahoilagudi yidda wale wai madi wudda,katopo,hatu waina jara,mono halulra jara." DADINAI LO-AMI 8 Kole ba hikkeyi LO-RUHAMA,lawai nadda hatiyo mono naha dadini lakawa kabani. 9 Lohho,Nyi na yiwe lina,"Ha ngarani Lo-Ami,oro yau ai ana huhuGu,mono Nauwa wale Allahma muga." JAJINAI MORI TABARA ATA ISRAEL 10 Nimla,butada ata Israel enga tujai paha lai ta bannu,aiha dadi ukra mono aiha angta yapudi.Taha dau ha takkiyi tabarada yidda,"Yau wali ana huhuk maguMi," enga takki dadi tabarada yidda, "Ananai Allah ka morha!" 11 Ata Yehuda mono ata Israel enga makahha dabbada mono enga da tau wu kakododi yidda. Yidda enga kakoda wali taha dau inne oro madakka lawe ladona Yizreel nada.