Allah Naha Newebe Ledeni Anana ¹ Kole nutna kalangngana, Allah na'ha du - du takbewe taweda waikad'a yitta lededi nabi-nabi, ² inne ta laddo - laddo murru, Allah na'ha newe tabarada yitta ledeni Ana-Na beha pedebe-Na tuttuge kanna dadiwe banna dau-Ge tangngadi kadana, lohho lede wi'kdunni Nyiyo Allah nahha dadige tangngagge pannu tana. ³ Nyi nalah kamma gakahanna kamma nadanai Allah monno kadadi tujja katuba walta kanogo-Na, Nyiwi'kna kahha ruwe tangngagge waige li-Na kabibta. Kole banna raige inna hamurrahanna doku-jala, Nyiyo nangado tabbara tawanana Kahadda Madakka neddo tahadau kamma dehita, ⁴ nyiwela Nyiyo manna dadi rehi madehta walta tabarada malaikat oroge Nyi kadauge ngara karehi madehta walta tabarada yidda. ⁵ Oroge, nakalkawei Allah banna hanewe tabarada malaikat, "Yauna lah Ana-Gu. Laddo nehhe, Nauwa nadadiwe bam-Mu Amaga"? Mazmur 2 : 7 Aiwalleka, nakalkawe Nyi banna hanewe tabarada yidda, "Nauwa engana dadiwe banna Amaga Nyiyo, monno Nyi engana dadiwe bag-Gu Ana-Ni"? 2 Samuel 7:14 ⁶ Tabollo nyige, tangrage banna todo talaran Ana bodi-Na tabara pantana, Nyi naha newe, "Nyi rada tangnga'da malaikat dammanuta Nyi." Ulangan 32:43 ⁷ Tutda ra'da malaikat, Allah nahha newe, "Nyi narayiddi malaikat-malaikat-Na 'da'di rereha, rade kataggu ha'di'nyakan 'da'di rewo latti." Mazmur 104 : 4 ⁸ Tabollo tutna Ana-Na, Nyi nahha newe, "Hadau ngo'do-Mu, ya Allah, engage 'ba'dage kahha walmurri - walmurri. Takko katena nyinalah takko Kerajaannum-Mu. ⁹ Yau um baige katena monno buttuge ate kajapata. Oronage innage, Allah, nyina Allah-Mu, ka'badda orag Yau welengha waige welengha ege-ate karehi walta ole ate - ole ate-Mu." Mazmur 45 : 6 - 7 ¹⁰ Monno walli, "Yau, Mori, walta kapuge Yau kappahadawe puge tana, monno langta lah wunaddi harai limmam-Mu. ¹¹ Tana monno langta engana bungngawe, tabollo Yau enngage ba'dagu. Tana monno langta engana karaktawe katujjana takka labbe. ¹² Jubah Yau engam laptaddi, monno kataudanna kalabbe, yida enga hajeludi. Tabollo nyige, Yau wallem hajeldahingmanna, monno dau-dauwum-Mu enga walle la'dahingma'ge banna dukka'di." Mazmur 102 : 25-27 ¹³ Monno, tabara ia malaikat tu'ka, Allah bakaltujjanna banna hanewe tau'dana, "Ngo'doulah inne tabara taka wanag-Gu kahha Nauwa bagngi'd guddi ra tanga'da muhhum-Mu takabhareham-Mu"? Mazmur 110 : 1 ¹⁴ Walle yidakakna rade malaikat lah wad-wad kahha nukkuwe, pahhalewa tutge tullud ra'de ata kahibbawe inna hoila?