(Salam dari Paulus) ¹ Wali paulus, kadadi ana hakodo Halolena wale oro ata, ledena ata tanyidawe ledeni Yesus mono Allah Ama kaha kade Nyi ta jonga ata mate. ² Mono, wali ngara dukana olebai kaha tena kadoki kahage tutu da jemaat-jemaat ta Galatia. ³ Wema maringi malala mutumakora tutu mi tai Allah Ama mono Yesus Kristus. ⁴ Kabada yiwe tau-Na tutu doku jalada tanamu kada mane mara wali nehe tama kajala batauge waige habainai Allah mono Amada. ⁵ Nyi daho pamanuta wali murri-wali murri. Amin. (Hanya Ada Satu Injil) ⁶ Gu pangatarawa, oroge alli gehawe bammu tanani Nyi kamaikagimi bana manawara Kristus mono kako dage ta lii ege ate wadeka. ⁷ Tanyiduwe wale lama li'i ege ate wadeka.Tanyiduwe dadi ata kabada kakaura gimi mono baige kabaligimige Li'i ege ate Kristus. ⁸ Loho, oro nami, aiwalekawe wu Malaikat wali ta Surga natarage tabaramu Li'i ege ate aikamayana ba agawe hatarama tabaramu, na haura. ⁹ Natujawe nutu pataki ulumagumi kalangana nabatauge gutaki dumo waliwe bada kataragimi Li'i ege ate kamagaba nutu pahiba bemu, nyams moni kana mahoku. ¹⁰ Aga naba taudage tangra mayegagu habai ata? aiwaleka habai Allah? aiwalekawe nauwa Gu makabani habaina ata? Bagu baikahoge kaba ge habai ata, nauwa wale ledemaga Kristus. (Pembelaan Paulus atas Kerasulannya) ¹¹ Bada kahawebaina, Nauwa habaigu mi kam tadawe ine Li'i ege ate ine hayigug wale Li'i ege ate wale harayi ata pi'i mawe. ¹² Nauwa waleg hibamawe wali ta ata pi'i, mono nauwa gu hanuwahowe wal ta ata, tanyiduwe nauwa gu hibawe lede hatakki wali tai Kristus Yesus. ¹³ Oroge, Miyo bada rangewe tutu hada morhagu nutu hona wal ta agama Yahudi, nauwa kahamayilla kangote ata hatena nai Allah waige katopo ate mono rotiwe tutu hamauhage. ¹⁴ Nauwa kahada ngorana tutuge Agama Yahudi, hada tangorana widi naga wali ole dalaragu taka bihigu nauwa bayitakage maromatage lar karawawe patada inya weda wayikagu. ¹⁵ Tanyiduwe, nade Allah, naha lihikega nauwa wal lar ta ti inyagu mono naka maikaga ledege manawara-Na, kamarada. ¹⁶ Naha tingoni anana lar tanauwa tanamu nauwa dadiwe bagu takiyi Nyiyo tajongada ata-ata aika Yahudina, nauwa waleg wingimana karai pahangada tabara wu ata dumo. ¹⁷ Nauwa dumo waleg kako mawa ta kota Yerusalem tutuge katabokayi rade yida naka bada dadi Rasul tabaligu nauwa, engage nauwa bagu geha kakowa tatana Arab mono hagawali takota Damaskus. ¹⁸ Tauda dauge murge, nauwa kako ta kota Yerusalem tutu hatawikina mono Kefas mono engana oleni kabulu lima ladona. ¹⁹ Tanyiduwe nauwa walegu etamawa wuu dumo wali Rasul-rasul wadeka, nyihe Yakobus Olebainai Mori. ²⁰ Nauwa gu hamadogimiyo ta aronai Allah ba agawe na nauwa hatulha tabaramu ine wale hawohokamawe. ²¹ Be,e nedo ge, nauwa kako guge ta lingora siria mono kilikia. ²² Nauwa wale tada hatidi maga rade kangote-kangote ata hatena lar tai Kristus na kadana ta kalingora Yudea. ²³ Yida range dahedage, " Nyiyo, nada ka ullu kahamayillada yida, na batauge natakiwe hatena ina ulluge nyiyo na kabage hamauhadage." ²⁴ Yida daha manadani Allah oroge nauwa.