¹ Dani wu kabani wali ta kabihu lewi kaha uma dangana lawai wali taka bihu lewi duma. ² Lawai nada naha tiyo mono naha anani wu lakawa kabani.Kole lawai nada etayi anana bana joro,nyi naka kabunyinikatauda wulana. ³ Kole nyi aina dadiwe bana kabunyini ananage,nyi na ngalayi wu kawukata mono na obarani waini ter mana dadiwe talede.Bage,nyi naha tamani anana neda lari ta kawukata mono na ijalayi kawukata nada tahupu lai weyotajonga ruta kama dehta. ⁴ Wattona lakawa nada naha tetei dikarauni mono naha hamatarani kapiku tadawe aga kadadi tabarana lakwa nada. ⁵ Walena moja hoge,ana lawainai Firaun kako ta lai weyo Nil hariha. Tamrana nyi mono ata halewana kako ta hupu lai weyo,nyi na etayi kawukata ta tilu ruta kama dehta.Nyi naha lewayi wu ata halewana ngalayi kawukata nada. ⁶ Ana lawainai Firaun bugerani kawukata nada mono naetayi wu lakawa kabani.Lakwa nada honage.Ana lawainai Firaun nama rabehawe atena mono linage,"Nade lakawa ana ata Ibraniyi." ⁷ Watona lakawa nada enga hona kabunyi. Bege,nyi nadede mono nakanuka tabarana ana lawaina raja, "Apa yau aukaduwu nauwa bagu mayegani wu lawai Ibrani kana dadiwe bana pahuhuyi lakawa nada mono bana karawayi?" ⁸ Ana lawainai Firaun linage,"Ngo,mayegana!" Nyiwe bau wine nada kako nage loho nangidiyi inya daunamlakawa nada. ⁹ Ana lawaina Firaun linage tabarana inyana lakawa nada,"Ngidiyi lakawa nade mono karawayi nyi tubagu nauwa.Nauwa enga yigugu kahewa karawa muni." Lawai nada dumu na ngalayi lakawa nada mono karawayi. ¹⁰ Kole lakwa nada bana kiki matuyo,lawaia nada na ngidiyi tabarana ana lawaina Firaun.Ana lawaina Firaun nahibayi hamerawe ana daunani.Nyi naha ngarani Musa,oro nyi ba ngalayi ta weyo. MUSA NATULLUDI ATA DAUNA ¹¹ Musa kiki madaka nage mono matunage.Diha wu lado,nyi naetayi ata dauna,ata Ibrani,ba karuhuyi haula kabikta.Nyi naetayi wu ata Mesir paluyi wu ata Ibrani. ¹² Musa nagila kage ta kalingorana mono lakma ata haetana kaha matarani,nyiwe Musa naha mateyi ata Mesir nada mono na tanini lari tapaha lai. ¹³ Damage tana,Musa na etayi duda ata Ibrani kaha tauna.Ia linage tabara ata haetana jala bada hatauna,"Aha yau mamu paluyi ole ata Ibranimu?" ¹⁴ Ata nada na balehawe,"Iya kakeketawu yau dadi kawaha mono hakim tabarama nami? Apa yau bai muge hamatewa tujawe manana yau bamu hamateyi ata Mesir nada?" Nyiwe,Musa nadadi madauta.Nyi naha ngadage,"Kadadi inna da tada bewe atage." ¹⁵ Kolei Firaun rangewe inna harayinai Musa,nyi namayegani Musa kapiku hamateyi.Ta nyiduwe,Musa na malai wali tai Firaun mono nakako ta harona Midian. MUSA TA MIDIAN Musa na ngahu ta wu mata weyo hakoja ta Midian. ¹⁶ Nedo bali dani wu ata Imam kamangu ana lawaina pitu.Ana lawaina rada dakako ta weha koja kauha weyo tangada bebe amada.Yida da kabu atege ha nghidi hadau weyo da. ¹⁷ Tabolo,neda bali dadi kapirana kajawa ranga kawugayi yida mono wale da pahai madi yida kauha weyo. Nyiwe,Musa tulludi yida mono yidi weyo ranga hajawada yida. ¹⁸ Bege,yida da haga tabara amada yida,Rehuel.Rehuel naka nuka tabarada yida,"Aha mi mamu geha hinggum haga lado nehe?" ¹⁹ Baaleha dage yida,"Kajaw ranga kabu atege wugama nami,tabolo dani wu ata Mesir katulu gama nami.Loho nyi na kauhagama weyo nami mono na haenu gamadi rangama nami. ²⁰ Rekhuel linage tabara anana rada, "Gini ata nada?Aaha miyo mami tanani? Kakom,kamai kani nyi kana yayo ole dangada yitta." ²¹ Musa na yanage enga ole dangadi rada ata.Rekhuel na pahaini Musa hauma dangani Zipora, anana. ²² Zipora naha tiyo mono dani wu ana kabanina.Musa naha ngarani Gersom oroi Musa ba ata lipalakayi ta tana ai hadauna. ALLAH NATULUDI ISRAEL ²³ Kole bana moja hege,raja Mesir mate.Tanyiduwe,Ata Israel enga hoge ba karuhuyi ulla kabikta.Yidda daka wula karaiwe matullu moni Allah rangeyi yida. ²⁴ Allah range dage kawulada yida karai matullu mono namuwe pajajiNa harayi beNa tabrai Abraham,Ishak,monoi Ykub. ²⁵ Allah na eta dage mayillada ata Israel mono Nyi na apeyi yida.