¹ Ta rahi Israel kako ta Mesir,tangada anana mono ole taumana yida kako dumo.Yikdakna rade ngara anana : ² Ruben,Simeon,Lewi,Yehuda, ³ Isakhar,Zebulon,Benyamin, ⁴ Dan,Naftali,Gad,dan Asyer. ⁵ Ana walna wu,Yusuf,kadabena ta Mesir. Nyiwe,tangada ole ta umanai Yakub ka oleni kako ta Mesir 70 kabului ata. ⁶ Bege,Yusuf,angg wuna,mono tangada ata dalarada rada mate. ⁷ Ta nyiduwe,Ata Israel dadi ana butada mono kiki mataba butada kaha Mesir panuwe oroda yidda. OJADA ATA ISRAEL ⁸ Bege,dani raja beru kaharehawe tana Mesir.Nyi walena tadak mayi Yusuf. ⁹ RaJa nada linage ta ana kaha rehana, "Etayige,Ata Israel alnadi buta mono yida da rehi kulha wali ta yitta! ¹⁰ Yitta da rayi dahona wu hangada dajalage ata Israel ilda kiki kulha.Nyi bana dadi kawe hatau,yida enga hawu danga dadi muhhu,gabada yitta,mono yela dage wali taha hadau inne." ¹¹ Nyiwe,ata Mesir da rayina madora tutu ksaruhhuyi ta Israel ulla biktana. Yida darayige wu harona dai ijala tubanai Firaun, harona Pitom mono Rameses. ¹² Tabolo,kiki kapikhayi,Ata Israel kiki buta dage mono mahabara.Ata Mesir dadi rehi madauta tabrada yida. ¹³ Nyiwe,waige japata ata Mesir karuhhuyi ata Israel hakiki habiktadi haulla wali. ¹⁴ Yida da kiki hapitodi morhada ata Israel.Yida da karuhhuyi ata Israel tutu ha ulla bikta rayina watu pudaha mono ngahhu loho ulana ta dai. Lari ta tangadi ha ulla,ata Mesir waige kayaka bada pahada dage ta ata Israel tujai ata kalita leduda! ATA KAHURREKADOKUNI NI ALLAH ¹⁵ Dadi duda ata hurre Ibrani ka tulludi lawai Israel kaha ana. Yida ngarada Sifra monoi Pua. Raja Mesir naha newe tabrada ata hurre rada, ¹⁶ "Hakitana bamu tulludi lawai Ibrani kaha ana.Nyi anada kadadi ba lawai kayi,pahaini kana morha. Tabolo ba kabani kayi,miyom hamate dahoyi!" ¹⁷ Ta nyiduwe, ata hurre rada madautani Allah dajalage yida wale da dokuk mage hareha Raja.Yida da nyammadi tangada lakawa engada morha. ¹⁸ Nyiwe,raja Mesir kamaikadi atangada ata hurre rada mono linage tabarada yida,"Aha miyo mamu rayige hada katauda dana? Aha miyo mam pahaidi lakawa kabani morha?" ¹⁹ Ata hurre rada lidage tabarana raja,"Lawai Ibrani rehi hoda kulha wali tabarada lawai Mesir.Oro,yida da ha anabe aim madikiho bama tulludi." ²⁰ Nyiwe,Allah na rayi dage ta kadudana matari hurre rada ka yanna kina. Mono,Ata Israel dumo kiki buta mono rehi kulha. ²¹ Oro kadudana matari hurre rada madautani Allah,nyiwei Allah nayidi ana huhuda yida. ²² Firaun na yiwe hareha tabara ana kaha rehana: "Nyi ba lawai Ibraniyi kaha anana lakawa lawaiyi,pahaini anana nada morha tabolo yida baka kabani kayi anada kadadi,baitani lakawa nada lai we Nil."