Walge ta'dau Ahasyweros, nuttu Ahasyweros nyi'ka katakwe rehedi rade 127 hadau kawal ta India kahha ta Ethiopia. Tutge daukawalna nuttu, tutge Raja Ahasyweros ngodo ta kadau dete kamadehta ta wal larr kadahha Susan, ³ walge dau kataudana rada ka takwe, nyi na rayige pesta tutge tangakahadi rada kamadaka monno rada ka layanna. Rada tentara kawal ta Persia monno Media, rada bangsawan monno pemimpin daerah kadana ta aroda. ⁴ Nyi naha tingoge rada hapotena kadahha ta ummana monno kehormatannya kadahha ka bersemarak kadaunuttu kahha laddo mal-laddo mal, kahha 180 laddo. ⁵ Tomage bada tutwe laddo monno laddo nuttu, raja nahadadige pesta tutge tangada ata ka dana ta umma Susan, lagma ata madakayi kahha ata marahayi, ta arojonga taumma raja kahha kapitti laddona. ⁶ Arojonga na tauge kadahha waige tirai lenan nawarna kaka morokage, ka katge waige kalarri lenan halus nawana unguwe ka nakaitawe waige kale perak ta hariyo marmer ka malli, moroka, kaka monno kamattina, natauwe dipan kawal ta mas monno perak. ⁷ Yidda na yiyo haenu waina rada gelas mas, monno rada gelas naha hekayi walka kawuna. Anggur kawaltaha rona na harayidi nabutatakayi oronage raja bana dahha ate taka. ⁸ Enu waige hatakki kadahha monno walle paksamayi ata, ma nyinage raja na takwe tanga kahha na ata ta haronana nyinage yidda kada yiyi rada haenu waige baiatena tangada ata. ⁹ Ratu Wasti nyi dinna na rayige pesta tutge ra lawai ta ummanai Raja Ahasyweros. ¹⁰ Walkalado pitna pesta nuttu, batutge atena raja bada egetakawe oronage bada enu anggur, nyi naharehawe Mehuman, Bizta, Harbona, Bigta, Abagta, Zetar, dan Karkas, ¹¹ tutna nangidiyi Ratu Wasti aroni raja waige tauwuyi mahkota kerajaan, tutge bahatorroyi kadahha tabaranai rada ata, tabollo nyi na dahhawe tauna. ¹² Batauge nyige, Ratu Wasti wallena himbamayi tutge bana dokige inna hatakkina raja ka hatakda rade anaharehana ta harona nuttu banyinage nyi na murka monno na bani laktakka. ¹³ Manyinage, raja na hanutrawe ta rada ata kahatadana, ka tadawe inna dauka langngana- oronage inna kanogo kataumemamana raja tabara na tangakahhana ka tadawe inna hatakki monno pengadilan, ¹⁴ monno rada ata kabarani raja: Karsena, Setar, Admata, Tarsis, Meres, Marsena, monno Memukan, rada kapittna ata madakka kawalta Persia monno Media, ka dadi da tamoyi raja monno dadi ka daungododa kamadehta ta kerajaan, ¹⁵ " Tomage inna hatakki, agadahowe harayi tabara Ratu Wasti oronage nyi wallena rayimage inna hatakki raja ka kahatomage rada anaharehana ta harona tabarada nyi?" ¹⁶ Ta baranai raja monno ra ana harehana, Memukan natakwe, " Ratu Wasti wallena nyikelmawe jalana tabara raja, ra walli tangakahada ra ata madakka monno ra ata buta ka dana ta tangakahha harona Raja Ahasyweros. ¹⁷ Oronage harayinai ratu na tadawaige tanga kahada rada ata lawai manyinage yidda na torroyi waige aika dahha tabara laina yidda waige hatakki, 'Raja Ahasyweros na karayiyi Ratu Wasti kada aroni, banyinage wallena auwma mai.' ¹⁸ Bauge nehe laddo, rade oleummana ata kamadakka Persia monno Media ka rangewe rade harayinai ratu na takwe ka tauda tabarada tangakahada ata kamadakka raja, monno dage kabuta aikadahha monno butate. ¹⁹ Bataudakage inne bana tutdawe tabaranai raja, nyammage raja kahahuge inne hatakki monno natolhayi ta undang-undang Persia monno Media tomage inne hatakki walle pikumage hopiwe, tomage Wasti wallena maima tabaranai raja. Nyamaniy raja nayinage inne hangonai ratu talawai helka ka dahha . ²⁰ Tomage inne hatakkina raja ka rayina nyiwe hatakki ta tangakahhada rada ata ta kerajaan kama dakka nuttu, ma nyinage ra lawai na menghormatiyi laina, lagma laina ata marrahakiyi tomage laina ata madakkayi." ²¹ Inna hatakki nyiwe hatakki habaina raja monno ra ata madakka banyinage raja narayige tunyage hatakkina Memukan. ²² Tomage, raja na mengirim jurrata tabarada ra ata ka pemimpin setiap daerah tunyadi ka rada hatolha monno tabarada ra bangsa tutge hatakkida yidda tomage ra lakawa kabani mor ummayi ta umma hadaudauna.