Salam dari Paulus ¹ Waltai Paulus, ledu limana Yesus Kristus waige hakabu atenai Allah, tabarada ata ka engana ta Efesus, ata hatena tayi Yesus Kristus. ² Kanyuru mono moli maringina tuban waltai Allah amada yita, mono mulida Yesus Kristus. ³ Masadi daika Allah mono Ama waltai Mori da yita Kristus Yesus, kamaring beda yita lar tai Kristus tangad kanyuru hatena tahadau surga. ⁴ Oroge, Nyi napede beda yita lartai Kristus aika wungahoge panutana dajalage yita kada tengna mono ka ilda oroge ta aro mataNa. Tilmana wara, ⁵ Nyi katutda yidda wal ulge bana keke tada kana anada ledeni Kristus Yesus dokge habai atena. ⁶ Yi manarayige kana mana dana waige marada manawarana kamanada hamarada ate bena aikamangu gabana tabarada yita wainana hama nawarana. ⁷ LartaNyi, yita dakole bege hawalna ledege rana, nahawal bedadi tangadi layi pareha yita dokuge patege wanawara marada atena. ⁸ Hayi bena Allah tabara yita lari tangage angta mono tada. ⁹ Yige natak bewe batarada yita kabailana hakab atena dokge hakabu atena kadaha hainya bena tai Kristus. ¹⁰ Hakako bena tamrage rahi pannage bana dikwe hawuge tanage tai Kristus, kadana tasurga mono kadana tapanu tana. ¹¹ Lartai Kristus, yita dumo nabawe badage hadau da pahadidara bena wal ulge dokuge paha nyakana, loho kauladi tangadi la ha pohtana dokuge kabu atena. ¹² Dajalage yita ka wungana hayodage mamanena tai Kristus enga yiwe bana mahadi daikawe manadana. ¹³ Lartanyiwo gaugimbam range bewe liyo katengna, Li Ege Ate dita koko pahoila mane mara dangami, mono hatena tabarana, kataube tada wain ngasu katengna ha jaji kira bena. ¹⁴ Ngahu katengna yi hadada wal taha dauda yita, kaha bana dikwe li hawalna tabarada yida hadauna Allah wiku dau tuba ge mahadi daikage manadana. ¹⁵ Oro bataudage, wal bagu rangewe tubage hatenamu ta morda Yesus mono manawaramu tabara tangana ata tengna, ¹⁶ nau walhadukkakmawe li ma waigu tubam dige nauwa bagu apemi miyo til sembayanggu. ¹⁷ Gu pahadege kaenga nyi Allah wal tamorda nyita, Kristus Yesus, ama wal kamanada na, kana yigimi ngahu angta mono padelaka tiltada mini nyipo. ¹⁸ Nauwag pahadege dajalage mata atem kana ma gakahage kana dadiwe bamu yadawe hajukamu kadabena tilkamai kanagimi, hapote kadabena lar hadaunanyi kama nadana tubana ata katengna. ¹⁹ Mono kamang kulha madaka na ai ha angta ukra tabarada yita kahatena, tauna paha tingona kahada madaka kulhananyi. ²⁰ Ka hada madaka kulhana nyi natingoge kole nyi bana hakadei Kristus wali tajonga dalara ata mate mono nahangodoi Nyi-yo tabara lima wanana dete ta surga, ²¹ karehna madesta wal tangage nukge, biktage, kul hage, kaha reha, mono rehi madehtage wal tangadi ngara kakal dabena, wale nyi kelmawe batauge nnehe, tabolo tauda jalage dimi ka amna. ²² Nyi na pukkad tangad takoko leduna mono na yiwe tauna banyi katakge waltangage kadana tut kangotena, ²³ hatauwik dauna, gige hapanuna Nyi-yo kana bankahage mono tangage.