Yesus Keketaiyi Ta Surga Mono Jaji Ba Ammige Waddi Katenguna ¹ Jurrata hatulhagu nuttu ulluge, Teofilus, tuttu tangngadi Yesus na rayige mono hanuwage, ² kaha dikki laddo kaha kole Nyi bana makeketa, kole Nyi yiwe hareha ledeni nhahu katengina, tabarada ledelina hapede bena. ³ Tabarada yidda, Nyi dummo hatingo begge tauna bana morha kole Nyi bana mayilla, waigu butayi tadka, ba tamradda hadeloka wikkina tabarada yidda kapata bull laddona mono bana takkiwe tuttu kalingora harrhanai Allah. ⁴ Batamrage bana kako ole dangadi yidda, Nyi naharehayi yida dajalage yida ilada tanage Yerusalem, tabolo remage hajajinai Ama, "Miyo um rangewe wali tabara-Gu, ⁵ Oroi Yohanes na hariha waina weyo, tabolo miyo enga hariha waigimi Waddi Katenguna, walena mojakmage wali batauge." ⁶ Oroge innage, kole yidda makaha, yida ba kanukka tabarana, "Mori, nyiwe inne rahigege yauwu bamu hatagahawe kalingora pareha Israel?" ⁷ Nyi linage tabarada yidda, "Wale daumamige tadawe tutu rehige mono pahadidarabenai Ama waige bikta parehana. ⁸ Tabolo nyidawe, miyo enga hibami bikta pareha kole Waddi Katengna ba amkani tabarami mono miyo hawaigu ta Yeruslem, ta tangage Yudea mono Samaria, mono kaha ta hupu tana hada layina." ⁹ Mono, kole banna takkwe tangngage inna, tamrada yidda badda tangara, nyiwe bana makeketa mono karabba bana ngidyi bungnga wall tamatada yidda. ¹⁰ Lohho, kole yidda tangra tangarada dete ta Langta, nyidawe Nyi bana kako, etaila, dadi duda ata kabani kawaina kalabbe kaka dete ta tiddida yidda, ¹¹ Mono linnage, "ta' ata galilea, ahha miyo mamu dede engana tangara ta langta? Yesus nadde, kamakeketa wali tajonga dalarami miyo bamu etayi kako ta Surga." ¹² Kole innage, yidda hagga ta Yerusalem wali ta kabodi letena kangaradanai Zaitun, kadahekawe Yerusalem, marauge diha lado rahi ngahu. ¹³ Kole yidda bada tama, yidda panne ta koro kadauwu dete hadauda bada engana. Petrus, mono Yohanes, mono Yakobus, mono Andreas, Filipus, mono Tomas, Batolomeus, mono Matius, Yakobus anai Alfeus, mono Simon ata Zelot, mono Yudas anai Yakobus. ¹⁴ Yidda tangada waige hawuna ate mikku lar ta Sembayang kahawuna gaudi Lawai monoi Maria inyanai Yesus, loho ole bai-Na. ¹⁵ Ta laddo nedda, Petrus na dede tajonga dalara olebaida ta hatena (butada ata bataukadi katuttu ngahu dokabulluyi tangada), mono da hanewe, ¹⁶ Ole baiyigu, Jurrata Bihha na bannu dahoge ha takbena uluge Waddi Bihha ledege ba'nai Daud tuttuna Yudas, kadadi ata kakododi ata ka yappayi Yesus ¹⁷ Oronage, nyi yapdanai tajongada yita mono kolena tubana lari ta haulla inne. ¹⁸ Batauge, ata nade na hiwe wu hadawu tana waige hi ge wal tajapatana, mono kole katakuna monu ulluwe, ta tillu tauna na bahhawe, mono tangage ngihi ti'na tanyoborawe. ¹⁹ Mono, kadadi inne na tadabewe tangada ata ta Yerusalem kaengana dajalage tana inna lari ta haneweda yidda ngarage Hakal Dama, ngihige 'tana Ra'. ²⁰ Mono, matolha bewe lari ta jurata lawiti: 'Pahaige hadauwu engana banadadi kahaikawe, mono nyammage nedo bali illa dahingna wu'ak ata kaengana nedo lari', mono 'Nyammadi wadeka kada ngalanage hadauwuna. ²¹ Oro batauda dagege, wu ata wali tajongada yida ka ole hangatada yita batamra hona mordai Yesus tama huna ta jonga dalarada yita, ²² Wali ta Harahi Yohanes kaha ta lado kole Nyi makeketa wali ta jonga dalarada yita, wuyo wali ta yidala enga dadi bana waini tutu kade hameranada yita." ²³ Loho, yida daduharadi duda ata, kangaranai Yusuf kamangu nagara wadekana Barabas, kamangu ngara hakali tak jalada Yustus, mono Matias. ²⁴ Bege, yida Sembayangna, "Yau, Mori katadai atena tangana ata. Hatingomani tabarama nami iyayi kadudana ata rade hapede bemu Yau, ²⁵ tutu hibawe haulla inne mono hadau lede limu wali tai Yudas kahilrabe tutu kako tahadauwu dauna." ²⁶ Bege, tanagada lede li'na da tauwu mowala tajonga dalarada yida mono mowala na monuwe tabarana Matias dajalage nyiyo yapu gauni wali kabulu dihana lede li'na.