Salam tagna Timotius ¹ Kawaltai Paulus, rasul Yesus Kristus hapede oro hakabbu atei Allah doku waige jaji morha kadana neddo laratai Yesus Kristus. ² Tutnai Timotius, ana hamma nawara. Kanyurru, milla ate manawara, monno moli maring kawaltai Allah, Ama, monno Yesus Kristus, Mori da yitta. Hanuwa tutge Hakitage Talaragge Injil ³ Nauwa engadahogge manutag tabarai Allah, ha ullagu waige ate nuddaha ka murraha kataudanna harayida weda waikaggu, inne nauwa bag apewu ta til tangngad sembayanguggu lado monno gaddi. ⁴ Kole nauwa bag apemiddi we matamu, nauwa baige baggu etami tannam kanna bannuge ege ategu. ⁵ Nauwa dahha apegagge waige hatenamu murraha, dauwu kapuge morha ta ama wedamu Lois, monno inyamu Eunike, monno nauwa ug mannege nabatauge na morha wi'kwe tabaram miyo. ⁶ Inne nyiwe kappege, nauwa ha apegugge tannam kanna hakitage rewo kanaggai Allah kadana neddo ta tauwumu ledege matulluddi limmamu. ⁷ Oroge, Allah walle nayimadda tabada yitta wad kammadauta, tabollo wad kulha, manawara, monno pattiwe tauna. ⁸ Nyidawe, illam makkeka bam takkinagge tutnai Mori da yittaai walleka tuttug nauwa, hapat-Na. Tabollo nyige, oro kuaha Allah hadokula mayilla tut Injil. ⁹ Nyi'knalah kabadda hatolkadda yitta monno kamaikadda yitta waige kamaika tengna, walle oro harayi madda yitta, tabollo oro hapohta monno manawara dau-Nagge hayibenna tabarada yitta tai Yesus Kristus ba aidahogge inne pannu tana. ¹⁰ Nabatauge, inne nadedo takka bewe ledege maina Lede Morha yitta Yesus Kristus kabadda hopi mate monno kangiddiwe morha monno aika mangdukkanna ledege Injil. ¹¹ Oro inne Injil, nauwa dappa tingngoga daddi pengkhotbah, rasul, monno guru. ¹² Nyidawe oroge, nauwa ug mayillawa kataudanna nehhe batauge. Tabollo, nauwa walleg makke mauwa oronagge nauwa ug tadawe tabara ia nauwa pahatena monno nauwa mannege Nyiyo namakkage karawawe agawe Nyiyo pahha tenanagga tabaraggu kahha naddo lado pakka tukku badikkinni. ¹³ Narroge pu-pudi hanuwa kadahha harangwem miyo walta baragu larta ta hatena monno manawara kadana tai Yesus Kristus. ¹⁴ Waini Ngahu Katengna ka engana lar ta tauda yitta, karawawe hadahhawe pote kamanghina pahha tenabe tabarammu. ¹⁵ Miyo tadawe walka tautakkanna oro tangngada kadana ta Asia katta lira begga nauwa, ta jongada yidda radde Figelus monno Hermogenes. ¹⁶ Kanna dadiwe Mori banna yigu milla ate manawara tabara tangngage ngihi umma Onesiforus oronage nyi nadut banna pahoilagga monno wale makke oronage badta galwa. ¹⁷ Kablge kole dikki ta Roma, nyi nakulha mayegaga nauwa kahha banna tabbokawa. ¹⁸ Kanna dadiwe Mori banna tullun tannam nyiyo kanna daddiwe tabbokawe milla ate manawara waltai Mori nehhe lado, ba agalinnawe miyo dauwu tadawe ba pirra tauda butada kaullanna ha yina nyiyo tabaggu ta Efesus.