¹ Habewaiwe, olebai-olebai, sembang kinna tutma nami, tannam linai Mori nadadiwe geha matalara monno hamma nadawe, kataudana inne kadadibe tajongam miyo, ² monno tannam nami kaha hilpama walta ata katopo tatka monno kajapata oronage walle tangngamanna ata ka kolena hatena. ³ Tanyiduwe, Mori naha manno. Nyiyo hakulham monno nakoromi miyo walta kajapata. ⁴ Dage mamanne lartai Mori tuttum miyo lohho katangrana bamu rayige monno kaenga hakitana bamu rayige agawe nami paha rehama. ⁵ Nai Mori kanna ha arogimiddi atemi tabara manawrai Allah monno tabara tahna tai Kristus. Hatagda Tutuge Rayi Ulla ⁶ Olebai-olebai, nabatauge nami maha rehawe tabaramu, neddo ta ngaranai Mori da yitta, Yesus Kristus, tannam miyo kamhamma rauwikna walta radde olebai- olebai kamorha neddo tama yauka hoki monno aika hatujja neddo tahanuwa hahibba walta nami. ⁷ Miyo dauwu um tadawe ba agalinnawe miyo bam dokugamagge hadama nami aika mayauka hoki inne nami bamolegamma. ⁸ Nami wi'kna walle ma ya'kma ha yayo ata heka ba aima yikaddi hidi. Kabalge, nami marun'ge monno ma ulla bi'kta laddo monno gaddi tannam nami kaillam ditagage hatagugu tajongami. ⁹ Nami walle oro ailada'kma dauma tutuge inno, tabollo mayidawe tauma nami tannam nami kanna dadiwe ba wuma tujja tabaramu banyidawe hadokumi miyo. ¹⁰ Neddo nami ba engahogge bamma olegimna, nami mayigimigge inne hareha: "Nyi badaka ata aika awu ullana, illam yikan nyiyo hayana." ¹¹ Oroge, naami marangngewe dadi radde kapirrana ta jongami kamorha mayauka hoki, aika awu ullana, tabollo kamikkung dadi radde aika mangngu gauna. ¹² Naddo ata kataudanna nami mahha rehawe monno mahanuwage larta ngara Mori Yesus Kristus tutge rayi ulla waige kadanna monno na yayo roti dauna. ¹³ Tabollo miyo, Olebai-olebaigu, illam jolika rayige kadahha. ¹⁴ Nyi badaka ata aika dokuge aga nami hatakma inne ta jurrata, tadailah radde ata monno illam baikagge bamu oledi tannam nyiyo kanna dadiwe banna makke. ¹⁵ Tanyiduwe, illam hatujjakann nyiyo kataudanna ta muhhu, tabollo ha apenage kataudanna ba wuyi ha olebaiyi. Hanewe Ha Be Waiyi ¹⁶ Mori moli kammaringna kanna yikaggu kamoli tatil tangngad rahi monno ta tangngage kadadi. Mori na irkam miyo tangngammi. ¹⁷ Nauwa, Paulus, tolhawe inne salam waidi limma dauwugu ba wudawe tajaka jurratagu. ¹⁸ Kanyurru walta Morida yitta, Yesus Kristus, na irkam miyo tangngam miyo.