¹ Nabatuge, tutge baamminni Mori da yitta, Yesus Kristus, monno nede banna hawuda yitta olen Nyiyo, nami makka raiwu, ngaradukkam olebaiyi, ² tannam miyo kaillam geha namo ta hangaddamu lohho illam ronka neddo bammi rangngekayi nadde lado Mori ba amminni, kawaalta waddi lohho hanauwu lohho bamera kawalta namiyi. ³ Illam pahaikan na wu ata banna hajallorauwu langba aga hada dummo duyi hawaina. Oroge naddo laddo enga walle ammida'kmanni ba aidadahonni nadde kammapadda monno nadde kadadi ata kajapata aiha dedodahoyi, nyi nadde ana kaliloko, ⁴ ka gabbage monno kaaketa wikidauwe tauwuna ta aro tangngana allah halinnawe lohho pa ngakkanna ata; monno nyiyo nangala hadau ngodo ta Umma Allah monno naha delawikna Allah wa ballinna. ⁵ Wallem apeda'kmawe neddo miyo batangra dahoge nauwa baggu olegimmi, nauwa baggu takkigimigge inne tabaramu? ⁶ Nabatauge, miyo um tadawe aga dahoi kapattiyi nyiyo tomage banna dikkige rahina nimmi, nyiyo baha dedoyi. ⁷ Oronage, kadadi kahekagaina marihhaka badda tangrage rayiulla, oro nyidahe nyiyo kapatti enaga engage banna patti kahha nyiyo bahikkallanni. ⁸ Dajjalagge, na ata kajapata bahha dedalayi. Tanyiduwe, Mori enganaha mateyi waige ngah bayo-Na monno napungnganni waige baammin-Ni. ⁹ Baamminni nadde ata kajapata natujja dahingnguyi haullai Kabalka, nairruyi waige tangnga hagala kuaha, tadka-tadka haeka gaina, monno tangnga ngara harayi kapalleka; ¹⁰ monno waige tangnga ngara matipkajapata tabara yidda ka enga liloko dahho oronage yidda da tulrage manawarage neddo katena lodoge tolka. ¹¹ Oronage inno, Allah nahangiddige kajallora kaha tetakkana tabarada yidda tannam yidda kadda hatenawe neddo kawohhoka, ¹² lodoge yidda kanna dadwe ba tibayi, inne yiddaaika hatena tabara katena monno ka ege rayige kajapata. Miyo Bapedemi Tutge Tolka ¹³ Ngara dukkam olebai, hamanawarai Mori, nami engage bamma manuta tabarai Allah tuttum miyo. Oroge, Allah nabebe hapedem miyo walta taka puge neddo hoila ledege banna hatenggim Waddi monno hatena takka tena. ¹⁴ Nyi tutge Allah manna kamaika gimmi miyo ledege Injil inne nami patakma tannam miyo kam kolege manadanai Mori da yitta, Yesus Kristus. ¹⁵ Yidawe, olebai-olebai, dede diddara monno narrodla ngara dukkad hanuwa paha nuwabe tabaramu, inne ledege hanewe loppo lededi jurratama nami. ¹⁶ Nabatauge, nai Mori da yitta, Yesus Kristus, dauwu monno Allah Amada Yitta, kamma nawara bedda yitta monno kayida yitta ma agu aika dukkana monno mamanne kadahhaki ledege manawara, ¹⁷ aguwe monno hakulhagge atemu larta ta tangnga ngara haulla monno hanewe kadahha.