¹ Walgee tai Paulus, Silwanus, monno Timotius tabara jemaat ta Tesalonika, kadana lartai Allah Ama monno lartai Mori Yesus Kristus. Kanyurru manawara monno moli na irkam miyo. ² Nami engage bamma hailana manuta tabarai Allah oro tangngakahham miyo, monno takkim miyo ta sembayang-sembayangma nami, ³ engage ba ape harayi haulla hatena, monno mikku mamanne larta Mori da yitta, Yesus Kristus, ta aroi Allah monno Amada yitta. ⁴ Ngara dukkam olebai hamanawarannai Allah, madamgela orobenage Nyiyo napedem miyo. ⁵ Oroge, Injil nami walle atmagamma tabaramu waida kelna hatakki, tabollo wi'kna larta kuaha, larta Ngahu Katengna, monno waige mamanne kabanna; kataudanna miyo beha tadabemmi inne ka taudanna nami ta jongam miyo. ⁶ Miyo um dadbem ata kadokugamagge hadama nami monno Mori oronage miyo bam hibbawe liyo ta til butaddi mayilla waige lagahara kawal ta Ngahu Katengna, ⁷ tannam miyo kamdadi tujjada tabara ngara dukkanna ata hatena ta Makedonia monno ta Akhaya. ⁸ Oroge, kawalta tabaramu liyoi Mori na uwarawe walle ta Makedonia monno ta Akhaya dakelma, tabollo wi'kna tahagala hadauwu, hatenamu tabarai Allah nammatalarabewe lodoge nami walle hil la'kma hatakma aga-aga'anna. ⁹ Oroge, yidda dauwu da takwe tutma nami, ba agalinnawe miyo bam dulkamma nami, monno ba agalinnawe miyo bamhaggam tabarai Allah walta ta tangngaddi hallatauwu tutge banna ledu limma gimmi Allah ka morha monno katena, ¹⁰ monno kayannege baamminni Ana-Na walta surga, pahha kadde benna Nyiyo walta jonga ata mate, naddei Yesus kappa h oiladda yitta walta ta banina nim kaliwalu.