¹ Oroge inna, baitadi tangadi butu ate, tangadi matipu, tangadi kobo ate lari, tangadi ha wiyo wikina, mono tangadi ha langu lira wikina. ² Katujayi lakawa abu kadadi, nyidawe mi kami baidana huhu hatena ka atna daja lage mi kam tummumi lari ta mane marami, ³ nyi mila bamu tau takkakge padage nai Mori bana dahha. ⁴ Ta rahi mi bamu mai tabarai Kristus, Watu morha ha tularada kadadi ata, tabolo ha pedenai Allah mono ka hadda mangu hina tubaNa, ⁵ mi jala tujayi watu morha, paha kadde ka wuwe umma hatena, rato katenguna tutu bamu yiyo maraka hatena ka tuba tai Allah ledeni Yesus Kristus. ⁶ Oro jurata Bihha lianwe, "Etayila, Nauwa ug ijalayi wu watu ta Sion, wu watu hadda ha pede mono mandana, mono iya hing kayi kaha tena tabaraNa ruruge baha makkeyi.” Yesaya 28: 16 ⁷ Nyiwe, watu nadda manadana tubami miyo kaha tena, tabolo tubada aika hatena, "Watu hatulla radanai ata karayina umma, na dadi watu hadda be, "Mazmur 118: 22 ⁸ mono na dadi, "Wu watu widda, mono watu kalabara ha bukka dangana ata.” Yesaya 8:14 Yidda da widda oro aida manudduge liNa. Nadda nyi lara paha yanna be tubada yidda. ⁹ ta nyiduwe, miknala ata ha pede rato kaha doku, kabihhu ata katenguna, ana huhu hadau nai Allah daja lage mi dadiwe talarage dahhaNa, ka maika begimi miyo huna wali taka kapagtana aro ta magakaha Na ka manadana. ¹⁰ "Ulluge, mi wale ana huhui Allah mahomi, tabolo batauge miyo ana huhui Allahmi. ulluge, mi walem hibak mawe marada ate, tabolo batauge hiba bwewe maradda atei Allah.” Hosea 2:23 hakakowe Morha Ka Dahha Tutu Manadai Allah ¹¹ Bagu ole bai gimi hamanawaragu, nauwa ug kabu atege hanua gimi miyo ba ata abbu danaga mono lipalaka ta panu tana inne tutu hama rau wikina wali kamadige mangidi ate panu tana kaha tau gabani urrami. ¹² Hamata rage kanogomu ka dahha ta jonga ata hatena dajalage yidda bada pitlami ba karayi nagimi kajapata, yidda da etawe harayimu kadahha, mono enga manada dani Allah ta laddo bana haelo. Patuhlah kepada Penguasa ¹³ Waige ngarai Mori, kagak kadi tangadi kaha reha paha yanna beda kadadi ata, ba tabarana raja ba nyi kadauge pareha kama dehta, ¹⁴ waleka ta tangada Gubernur paha lewana raja tutu hokudi tangada karayina japata mono yidi madaika tabarada ata karayina kadahha. ¹⁵ Oro, tauda dage la hakabu atei Allah: waige harayi kadahha, miyo um toniwe aiha tadana ata kabanga. ¹⁶ Morhamila ba ata ka hoilami, tabolo ilam waikage mahiggo hoilami inna bamu bugerage tutu kajapat. Gabbagela, morhadamila ba ata nagimi Allah. ¹⁷ Ha aka kidi tangada ata. Manawara kidi ole baimu taha tena, maduta kini Allah, mono hikiyi raja. Mayillanai Kristus Wuwe Li Tujja Morha ¹⁸ Ata pahalewa, kangaka kimi tabara morimi waige bamu ha akadi. Wale tabara kel mada yidda kadahhaki mono malujjana, tabolo dummo tabarada yidda ai katijana. ¹⁹ Oro ba wuwe maradda ate manawara, nyi tutu tadai Allah, wu ata bana tahna lari ta mayilla oro ai ka tijana. ²⁰ Oro, agawe kahewage nyi miyo bamu tahna hibba palu oro harayimu kajala? Ta nyiduwe, nyi miyo bamu mayillami oro bamu rayige kadahha mo miyo um hiba waige tahna, harayimu inna na yannage tabaranai Allah. ²¹ Oro, nyiduwela gauge mi maka maika gimi, oroi Kristus dummo na mayillabe tubam miyo mono na ijaka begimige tujja tuybami dajalage miyo kamu dokuni oro leduNa. ²² Nyi walena rayikmana jala, mono matipu wale lakmage tabaNa. Yesaya 53:9 ²³ Kole Nyi batere kayi, Nyi walena hagabbak mawe hatereka; kole Nyi mayilla, Nyi walena banikma, tabolo yinage tauna Nyi tabarai Allah ka yige rakkage waige katijana. ²⁴ Nyi dau na tagubedi jalada yitta waige tauna Nyi ta yayu paka dailo daja lage yitta mate ta jala, mono morha tutu katena. Waidi kapillana Nyi, miyo um tagahami. ²⁵ Ulluge, miyo tujai bebbe ka jalora hakitana, tabolo batauge miyo um hagga bemi ta Kadauge Jawami mono kaha mawo gimini urrami.