¹ Wali tai Petrus wu rasul Yesus Kristus, ta ata ka engana ata lipalaka, kama habara ta tangage Pontus, Galatia, Kapadokia, Asia, mono Bitinia; hapede ² wali ulluge Allah Ama ledege pateguna Waddi kana dadiwe morha lari kamanuddu tai Yesus Kristus mono ka kolena ma pairo raNa: Kanyurru kage mono moli kama ringina majabo lawe tabaramu! Mamanne Ka Morha ³ Mahadi daikai Allah mono Ama wali ta Morida yitta Yesus Kristus, waige kanyurruNa kahadda madakka, kaha dadi hagga beda yitta lari ta kama manne kamorha ledege kaddenai Kristus Yesus wali ta jonga ata mate, ⁴ mono kapikku dauge ngawu aika mabbo, aika tairara, mono aika malele; pa ijala ta surga tubami miyo, ⁵ halinawe miyo ha mawo waige parehanai Allah lede hatena mane mara paha dedala ta hadukka rahi. ⁶ Ta hada inne mi hadda lageborawu, loko mahiggo tuddu, nyi kabu etege, miyo um mayilla dahomi ta tangadi kama kaba ⁷ daja lage hatenamu ka rehi hina wali ta amah rara ka otora, loko ha tunu beduyi latti, katadayi tidi mono kana hadadige madaika, manadana, mono ha akana ba dikki rahige padedalana Yesus Kristus. ⁸ Mi walem kali etak mayi Nyi, tabolo mi um manawarani Nyi, loko batauge aim eta duyi Nyi, tabolo mi um hatenayi tabaraNa. Mi um lagaharami waige bamu lagebora aiha angta takki mono habanuna manadana, ⁹ oro dukkage ha kabo ate ha tenami tamrage dikige, halinawe manemara dewamu. ¹⁰ Tutu hoila inna, tangada nabi pa huru balebe kanyurru ha daumu inna na hamatara bedage mono da keju bewe waige kahamatarana. ¹¹ Yidda da mayegage kapiku tadayi iyayi mono pirra rahige hakabu atena Wadnai Kristus kadana ta tauda yidda kole Nyi bana huru balewe mayillanai Kristus mono manadana ka ammina taha dukka. ¹² Tabara tangada nabi rada da tak bewe ta yidda wale hanukku madage tauda yidda, tabolo hanukku dagimi ta hada inna batauge paha dikkibe tabarami lededi ata katalarage Lina tabarami waini Waddi Bihha paha lewa wali ta surga; Hada raddala ha hadda kabu ate hingna paha delakada malaikat. Kamaika Morha Tenguna ¹³ Oroge inna, ha inya kawe paha ngadamu mono hamatara kigela, ijalawe hamannemu kabanuna ta ka nyurru ha yina tabramu nimi Kristus Yesus bah dedalani. ¹⁴ Ba lakawa kama nudu, ilam ka ngak kawu ta mangidi ate japatami tujawe kole mi bamu morha homi takabanga, ¹⁵ tabolo hatengugela lari ta tangage hadamu, katujawe Allah bana kamai kagu tenguna. ¹⁶ Oro ba dage kama tolha, "Tengunala mi oro Nauwa tenguna.” ¹⁷ Mono, nyi mi bamu kamai kani Nyi Ama, nada Nyi ka yidi rakada tangana ata dokuge harayida yidda aipa hali hikke, morhamla lari ta maduta batamrahomi engana ba ata li palakami; ¹⁸ waige mi bamu tadawe inna mi baha wali begimi wali ta hada moriha ka liloko, ha dau bemi wali ta weda waikami, wale wai mage ngawu ka otora katujana amaha rara mono kaka, ¹⁹ tabolo waige ranai Kristus kama nadana, rayo ana bebbe ka aika otora mono katuba. ²⁰ Oro, Kristus ha pede beyi ai rayi hoge panu tana, tabolo Nyi ab hadedala wikina taka podi rahi tubam miyo. ²¹ Ledeni Nyi, mi dadiwe hateyi Allah; halinawe Allah kaha kaddeyi Nyi wali ta jonga ata mate mono Allah ka yini manadana tabaraNa, dajalage hatena mono mamannemi dukka dahege laroi tai Allah. ²² Oro mi paha murraha beyi urrami lari ta manuddu katena dajalage mi kamau dauge manawara ha ole baina murraha, nyiwe maida kada hamanawar wikina katertakana wali ta atemi kamurraha, ²³ oro mi hadadi hagga begimi, walle wali ta winni kadadi mate, tabolo wali ta winni aika mate, halinawe ledege linai Allah ka morha mono aika dikki. ²⁴ Jurata Bihha linawe, "Tangada ka morha tujayi ruta, mono tangage manadana tujawe wala ruta; Ruta malele mono wala ruta monuyi, ²⁵ tabolo, linai Mori engage kahha ana murri.” Yesaya 40: 6-8 Mono, liyo inna nyiwe li ege ate hatakki tabarami.