Maringi Wali Tai Paulus ¹ Paulus, hamaikayi dadi Rasul Yesus Kristus dokuge habainai Allah, mono Sostenes, olebaida yitta. ² Tabarada ata kangotenai Allah kadana ta Korintus, tutuda yidda pahalihikke takalingoranai Kristus Yesus, hamaikana tanamu kada dadi Ata paha lihikke kadda haole tangada ata diha padau-diha padau kakamaikage ngarana Morida yitta Yesus Kristus wali tahadauda yidda lohho didda. ³ Maringi malala tabaramu mono ege ate kawali tai Allah Amada yitta mono Morida Yesus Kristus. Paulus nahadi daikayi Allah ⁴ Nauwa haikitana mahadi tabaranai Allah gu tuttu miyo oro maringi malalanai Allah hayinagumi tabaramu lar tai Yesus Kristus, ⁵ tajonga tangkahage nahatutu gimige ta jongana Nyiyo, tillu tangngage hatakki,mono tangngage ingta, ⁶ kataudana hatalara tutunai Kristus badda hadiddarawe. ⁷ Oro bataudage, walem dengomana mangka wu waikana manawarana ba tangramu remage pahatingona Morida yitta, Yesus Kristus, ⁸ kahadiddara jalami kaha dikige rahige tanam illam aktami ta laddonai Morida yitta Yesus Kristus. ⁹ Allah na mikku oro Nyiyo miyo nakamaikagumi ta tillu Kangotena Ana-Na, Kristus Yesus Morida yitta. Kamanyegara ta tillu Kangotena ¹⁰ Batauge guhanuagimi, bagu ole baigimi, waige ngarana Morida yitta Yesus Kristus tannamu tangngami kamhawuna hatakki tanamu kailla dage mahewa ta jonga dalarami, tabollo miyo kambanuna pahangada kahamera mono tajonga hatakki kahamera. ¹¹ Oroge, badda be takkigage tabaragu tuttumi, bagu olebaigimi, walta ole bai Kloe, ba dage kahagabbana ta dalaramu. ¹² Ne halugguna bataudage, mi diha ata-diha ata limmimi, nauwa takalingora nagai Paulus wa, nauwa takalingora nagai Apolos wa, monno nauwa takalingoranai Kefas, wa mono nauwa waltai Kristus wa. ¹³ Nadadikawe Kristus bana hawate-hawate-Na? Dabege Paulus ba kadailoni tuttumi? Aiwaleka, bapirhami waige ngarai Paulus? ¹⁴ Wai lugguniy Allah oroge wale wu hingma ata wali tabaramu paharihagu, heleda Krispus monoi Gayus, ¹⁵ tannamu ka illa da' wu ata kalina bagu harihawa ata waige ngaragu. ¹⁶ Mono nauwa dumo guharihayi tangana ata kadana ta ummanai Stefanus karehi wall neda wale la'ma hatadagu nauwa bagu harihawa ata heka. ¹⁷ Oronage, Kristus wale nahalewa'mawa hariha ata, tabollo talaragage LiiGu linaga, wale waidakmage ingta kadajalla, tanamu kailla rayi awani Kadailonai Kristus. Kuasa dan Hikmat Allah ¹⁸ Oroge, hanewe tutu Kadailo hajingngawe lidda dage yidda kamohe, tabollo yitta kahatolika bada talarage li'iNa kulhanagei Allah. ¹⁹ Oronage, badage kamatoliha, "Nauwa kahakabba dage haingtada ata ingta, gu pungnga dage pijjada ata pijja, nauwa engagu tullarage." ²⁰ Gikadi ata pijja? Gikadi "Ahli Taurat" Gikadi ata aikabaina bakke batauge? Walena bebewei Allah hikkewe pijja panu tana? ²¹ Oro bataudadage,tajonga pijjai Allah, panu tana waige pijjana walle datadamai Allah, tanyiduwe, Allah na hatolkadi ata kahatenawe inne li'i hatalarada kangade halina. ²² Oronage, radde ata Yahudi dakaraiyiwe tadka-tadka mono radde ata Yunani damayegage ka pijja. ²³ Tabollo, nami ma talarage tutunai Kristus hakadailo tabarada ata Yahudi watu widdani, mono tabarada ata aikawali ta kabihu ata Yahudi. ²⁴ Tabollo yidda ha kamaika, wali ata Yahudi mono ata Yunani, Kristus nyiyo kulhaNai Allah mono pijjaNai Allah. ²⁵ Oro kangade walitai Allah attudahodi ingta wali ta kadadi ata, mono kamawala wali tai Allah na rehi kulhadaho wali ta kadadi ata. ²⁶ Ape dawe hadamu neda bakamaikagu wali tangami bagu ole baigimi wale buta'ma kapijja hada panu tana, wale butakma pahaakka, ²⁷ tabolloi Allah napedeyi kakabangnga wali ta panu tana,kahamadakkayi ata pijja, mono Allah napedeyi kamawala wali tapanu tana kapikku hamakkeyi ka kuliha. ²⁸ Monoi Allah napedeyi aipahaaka wali tapanu tana mono aipa haaka, mono ngara dukkadi aika mangu gauna tanamu kapungngadi ngaradukkadi kamangngu gauna, ²⁹ tannam ngara dukkada ata illada egela ta aroi Allah. ³⁰ Oro Nyiyo, tajongai Yesus Kristus, oroda yitta kada dadi ingta, tangngana pahalihikke mono tolika wali tai Allah, ³¹ kataudana kamatulihabe nyammadi rami ata kaengada ege ta jongai Mori.