¹ Peiluia jimo bala monuru'e li pamarinta ma sanu mokuasa, monuru'e ma siape mogutu tungale pepeihu'e paila'e, ² labai mokapang, labai me'oungkulane, paila'e nyaa, ma tu-tutuu mooluse kangkai jojoo too. ³ Pa, luulu li'ite teule modoyo, labai monuru'e, sala pikir, monurue bagiana'u e'seilu ma a'sanang, tumuhu lilalingu sanu majaa'e ma meelate nyaa, labai seilunu too ma me'ualan. ⁴ Tapi, watu a'paila'e ma a'sayangu Allah, Topo Yalamate li'ite, pinopo'itaa'e, ⁵ Liio nonyalamata'e li'ite, labai lantarane pepeihu'e sanu pinogutute tutuu, tapi boi lantarane asayangon-Nye la'emae ponambase pineguungaa'e babalii ma pino'obounu Roh Kudus, ⁶ sanu binea'o-Nye antage li'ite goote tutuula'emae Kristus Yesus sanu nebali Topo Yalamate juniaa. ⁷ Jadi, noopuse pinandolonge la'e pombee-Nye, li'ite mebali ma'agaade pombee sesuai kangkai noranua'ote ma'o ma'agaade tutuhuange seende-endenye. ⁸ Injeine pegombo'e sanu tutuu. Antage so'ale injeine sasaa'e li'eme tu-tutuu mayakin bala jimo sanu maparacayame kangkai Allah mongutu taruse sanu paila'e. So'ale injeine paila'a ma oguna antage jojoo too. ⁹ Tapi, lili'ia mebambaroane, asal usule, sala pahame, ma me'oungkulan sanu modoyo tentange Hukum Taurat pa so'ale injoo'e labai ogunanye ma lauje antu'onye. ¹⁰ Antage too sanu nogutua'e saba'e teposala, peiluia liio seinsange atau doinsang, mopusoma'e injoo'e agaalia liio. ¹¹ Pa nootoimia too a'aiyo'e pineboyongoa'ome ma nohu'enu dosa, io nopo'odua'e hukumane antage ambo-ambo'onye. POMATUJU PONGOPUSONYE MA SALAM ¹² Nopusoma'e pinejai'ai Artemas ataui Tikhikus li'omoma'e, bia podua'oma kangkai lia'e li Nikopolis pa lia'e momoiya ampio'e e'endenu watu mojolo. ¹³ Kangkai o'uigoome, duluiai Zenas, sanu ahli hukume injoo'e, mai Apolos sanu adaange lilalongu pelampaange bala jimo lauje asanu bai nuga mokurange. ¹⁴ Harusa too li'ite meguru tu-tutuu mogutu pokarajaange sanu paila'e bala jimo teule magaade sanu nuparaluua'e seleo-seleo ma labai tumuhu kangkai lauje mehua. ¹⁵ Jojoo too sanu kangkaia'e momeilua'e salam antage'oe. Po'odua'a salammo'e kangkai jimo sanu masayange kangkai li'ame lilalongu iman Anugrah monuuta'e li'eme jojoo.