¹ Tapi, li'oe, undea'a so'al-so'ale sanu sesuai kangkai pongunde sanu mesehat. ² Langkai sanu mogulangonye haruse magaade montaane ambo-ambo'e nohormati, momikire paila'e, ma injopa mesehate lilalongu iman, lalongu a'sayange, ma lilalongu a'sabare. ³ Aiyo'e teule, be-bengkele sanu mogulangonyome haruse mopo'itaa'e pepeihu'e sanu me'iman, labai topo kapang atau toponginunge anggur, tapi haruse mongundea'e sanu paila'e. ⁴ Kangkai aio'e, jimo mebali momatujui be-bengkele molumba bala masayange kangkai lapinye, masayange li unga-unganye, ⁵ monjaga batangane, meiman, monguruse lalapiannonye, labongge, ma monuru'e kangkai lapinye, bala Gombo'u Allah labai nopogisina'e. ⁶ Aiyo'e teule, nasehatia too-too molumba bala mabali monjaga ambo-ambo'e. ⁷ Lilalongu bagiana'onye, li'oe pe'ebali pomatuange lilalongu pepeihu'e paila'e. Lilangongu pongunde, popo'itaa'a pepeihu'e, apaila'u nyaa, ⁸ pegombo'e tutuu sanu labai sipato'e bala numusu'e mebali mesili lantarane labai magaade momeilua'e so'ale sanu majaa'e tentaange li'ite. ⁹ Hamba-hamba haruse monuru'a kangkai tuanu jimo lilalongu bagiana'onye, no'usahaa'e untuke ma'asanange jimo, ma labai mombaro-mbaro. ¹⁰ Inyaa mendoling, tapi popo'itaa'a onjo li'oe mebali noparacaya bala lilalongu bagiana'onye nomuliakanu jimoa pongundenu Allah, Topo Nyalamate li'ite. ¹¹ Pa, anugrahnu Allah sanu ma'asalamate napatasome kangkai jojoo too, ¹² untuke mo pa'ataane li'ite labai monarima so'al-so'ale sanu lauje me'iman atau monuru'e e'seilunu juniaa bala li'ite tumuhu monguasai ambo-ambo'e, ma'adile, mae'iman li juniaa papatuine, ¹³ sementara li'ite meda-daange poranuange sanu hu-hu'enu berkat, injoo'ume poodua'u sanu hu-hu'e nu kemulia'ane la'e Allah sanu giombange tutuu, ma Topo Nyalamate li'ite, Kristus Yesus. ¹⁴ Liio nombeea'ome batangano-Nye antage li'ite untuke monanggunge jojoo pepeihu'e majaa'e ma untuke mope'ensilaage antage batangano-Nye, sounge umate pinileango-Nye sanu motongode mogutu pepeihu'e paila'e. ¹⁵ Undea'a jojooma'eine. Ajari ma peilui kangkai pagiana'u pongkoniange paila'e. Inyaa adaange too sanu monanahua'e li'oe.