¹ La'ei Paulus, pejaiyongu Allah ma rasul Kristus Yesus, sanu pinejai ba me'imana too-too sanu pinileangu Allah ma mo'ootoi antage tutuu sanu momimpine antage sanu mondolonge ² bala jimo ma'agaade poranuange tutuhuange seende-endenye, sanu jinanjia'e watu laupe numpamula jamane la'emae Allah sanu lauje perna montuule. ³ Watunyoma-E, Io nomeilua'ome Gombo'o-Nye la'emae bambale sanu pinaracayaa'ome kangkai lia'e sesuai kangkai parintanu Allah, topo nyalamate li'ite. ⁴ Untukei Titus, unga asanu nasahme li lalongu iman note kangkai.Anugrah ma damai sejahtra la'e Allah, Siama, mai Yesus Kristus, Topo Nyalamate li'ite. TUGAS-TUGASI TITUS UNTUKE MOMILE PENATUA LI KRETA ⁵ Lantarane alasane injeine lia'e nolinjo'i li'oe li Kreta, bala magaade noakora'ooma nuga sanu ulenge paraluu noature ma mongengkate penatua-penatua antage tugalu kota, selilio aime sanu tinuuna'o'e kangkai'oe. ⁶ Harusonye Liio too sanu lauje a'cacatonye, langkai la'e sounge lapi, adaange unga-unga sanu momaracaya, ma lauje notudu lantarane tumuhu sanu lauje mo'ootoi nuada'e atau mongeva. ⁷ Saba'e, sotoo topo ngawasu jemaat haruse sotoo sanu lauje acacatonye mebali pelayanu Allah, lauje mosombong, lauje meingkase mongoungkul, labai toponginung, lauje seilu mepatean, ma lauje mosonsouge li lalongu mongintuge untung. ⁸ Tapi, seilu mombee pomoiyaang, u'meseilua'e sanu paila'e, mapande momikir, ma'adil, me'iman, ma magaade monguasai ambo-ambo'e. ⁹ No'oniinye tu-tutuu pegombo'e sanu mebali noparacaya, sesuai kangkai sanu inajara'e, injoma io mebali mombee nasehat monuru'e pongunde sanu mesehat ma momeilui jimo sanu mongevaio. ¹⁰ Pa, mogoota too sanu mongeva, mogombo'a'e sanu labai tutuu ¹¹ Nganganu jimo sipato'oma no tapoli lantarane jimo ma'asesa jojoo soungaange kangkai mongundea'e so'al-so'ale sanu labai sipoto'e no pongundea'e, padahala boi mo'odua'e sanu me'esili. ¹² Sala sotoo la'emae jimo, nabiinu ambo-ambo'u jimo, negombo'e, "Tu-tutuu too-toonu Kreta pontuulong, selilio binaatange sanu majaa'e, ma toponganta sanu mohuntaya'e." ¹³ Kesaksiane injeine tutuu. Lantarane injoo'a paingate tutuua jimo bala jimo mebali mesehate lilalongu iman. ¹⁴ Inyaa no sisiila'a cirita-cirita tonu Yahudi ma parintanu too-too labai seilunye sanu paila'e. ¹⁵ Antage sanu mensilaage, jojooma'e mensilaage. Boi, antage jimo sanu melehu ma labai momaracaya, labai adaanga sabii sounga sanu mensilaage pa nu pikirane aiyo'e teule nyaa nu jimo melehu. ¹⁶ Jimo mongaku mo'ootoi Allah, tapi la'e pepeihu'u jimo monyampange Allah. Jimo injoo'e me'epeese nyaa, labai monuru'e, ma labai ma'ataane mogutu bai nuga sanu paila''e.