Toy' Danga ela Huruga Hambotoya Alla 1 Langangoka netu, yayo kurongoya liyo na tabololo merana kabokelo bokolona a toyo la huruga wena, "Haleluya! Manumara, amandi, mono kuwaha didoka na doni Maramba Allanda ghica 2 orona pahakimo-Na na ghene mono na adilo; oronaka Diyo ndoli andilo-nani ha toy'rode bokolo netu, na paruhaya panu ta-na dika kahapulo marango -da mono ndoli mbalahoda -ndi ruttoda ngara ha ata-Na lambarada toy' rode netu." 3 Panda balingo panduy' na ehehe wedaka, "Haleluya! Mahaapinya hatoy' rode ndoli deta daka lappa muri wali muriwali'" 4 Makka, kaduy' kambulu pato ngara penatuyo* mo-no Hapato ruppa netu aka-wodo mono hambotoya Ma -ramba Alla, ene nalondo la panu manonggolo, dika ba weda, "Amino!* Haleluya!" 5 Mengewali, rongoyaka li-yo wali la manonggolo, "Hambotoya Maranba Alla-nda ghica, hei ngara kehe ene nalayanoni Diyo, walingo nakatappa parapa -ngo namatuyo,ene na ha-mbotoya Diyo!" Woleko Mbolana Ana Mbembe 6 Menge, yayo kurongoya liy'nya mera kabokelona toy' danga, meraka punina wey' wyango nuhha, mono mera kanduko na lngataka, wena, "Haleluya! Torana, Myori Alla ghica Na Ndukamboto napareta. 7 Mabika ghica ta langge-duko mono langgeboro, mono woy'nani mandinya lambara-Na orona loddo mbolana Ana Mbembe ndo -li hangganaka, mono pengantino waricoy'-Na mengeka bana handiyo. 8 Lambarana ndolinyaka bawoy'ni kamba lineno alu-ho na hingiro mono nakabi -byako, tanna natayya oro-na kamba lenano netu dido -yaka parawinya naghene ene pahalakona ngara toy' bihha." 9 Mengewali, malekoto ne-tu wena lambaranggu, "Tu-raho bayakala iyiya: Nama-ringi malala atoyo ene pa-pahuruna ela hamuy'na toy' mbolana Ana Mbem be!" Mono, diyo wewadina-ka lambaranggu, "Iyiya di-doka ngara paneghena ene naghene wali la Maramba Alla." 10 Menge, yayo kukawodo ela witina malekoto netu ta -na paaka wani diyo. Dimo-ka, diyo wenaka lambara-nggu, "Amba paghilingo ne -tu orona yayo wadi ata me -rami mono anguwuyo du-ngokambumi ene nakete-ngo ene hakahiyonya Mara -mba Yehu. Hamboto baya- ka Maramba Alla oro haka-hiya Maramba Yehu didoka hungato lawiti.*" Nakaleye Ndara Kaka 11 Menge wali, yayo kuiceya hurga namabung gero, mono butiloka na ha-iha ndara kaka; Diyo nakale -teya nangarango Setia mo-no Ghene, mono ela nama-ghenengo Diyo nahakimoni mono nahaberongo. 12 Ma -ta-Na meraka lereko api, la kataku-Na Eni danga moto, mono Diyo manga ngara e-ne nmaturaho, ene njango hatoy' waipangungo peghe -ngo, likena pola toy'na ma-nga wuy'na. 13 Diyo nataya -ka Juba ene pandoli laburo -ngo larutto, mono ngara-Na didoyaka Liy'nya Mara-mba Alla. 14 Ngarabaka hurundandu ene la huruga namatoya Di-yo dika a kaletena ndara kaka mono nataya kamba lineno aluho na kakango mono na hingiro. 15 Wali la ghoba-Na, lohoka nahang-gayo teko lakki pawango bana kamboliya ngara hu-ru kalanda tana. Diyo eme naparetaya lapanuna nga-ra ene manga tokko bahi-na. Diyo eme napoloho ang -guro ela watu nggeho, ene didoya habolana Maramba Alla. 16 Ene Jubana mono kahenga-Na namaturaho ngara iyiya: TOKKO LAPA-NUNA NGARA TOKKO MO-NO MORI LAPANUNU NGARA MORI. 17 Mengewali, yayo kuice-ya nahatoyo malekoto nan-dende edalo mataloddo. Diyo nakayokongo dika liy' nya nawahhi lambarana ngara kahilo nalera la kara-mba, "Mabika, makahaba-ka tanna namato rame ha- muy'nggu nabokolona Alla, 18 tanaka yemi kolengo mu -yo kabiyoda ngara hatok-ko, kabiy'da hapanglima, kabiy'dangara hatoy' pa-ghahi, kabiy'da ngara han-dara mono ehehe akale-teya, mono kabiy'da ngra atoyo, walingo netu toyo na mbembeho parapngo toyo merdeka, walingo toyo na katappa parapangongara hatoy'matuyo." 19 Maka, yayo kuiceya hara -nga netu mono ngara tok-ko dika hurundandu ehehe amakahatana haberongo nggabani Diyo nakaleteya ndara kaka netu mono nggabani hurundandu-Na. 20 Makka, a haranga netu adangalo, paoleni denge-ndi hanabi boletona nando -li pandahanaka huru tan-da mangaraho la hadpana haranga netu diyo, ene di-doyaka napandorotoya he-diyo ahimbaya tandana-a haranga netu mono hediyo na kamtambandi a kahalla-na. Hedyo ngara kehe agheghu hamopiro ndika ela wey' lyoro api nale-lero -ko orona mbalerango. 21 Mono, a kamumudaa dika teko naloho wali la ghoba Diyo nakaleteya ndara kaka netu mono nga - kahilo a hambahuhi wa-ngo kabiy' hediyo.