Mbambelo Namoho ¹ Langa ngarakehe iyiya, ya -yo kuiceya malekoto heka mburu wali la huruga, na manga kuwahana naboko-lo, mono panu tana na pa-manggakahoya ene wandi-nya. ² Diyo nakayokongo dika liy'nya nawahi, wena, "Mohobaka! ndoli mohonaka Mbambelo nabokolo netu! Diyo nakabalingoka pan-doy'da ngara hamarapu mono nggalu kapanduda ngara huru ndewa diryako, habbuda ngara huru ka-hilyo na diryako mono ene na hamuhungo. ³ Torana, ngara wuy'hanende tana nandoli nggabaro angguro momorongo malingoda, ngara huru tokko lapanu tana ndoli malingo dengeni diyo, mono ngara ha toy' dang-gango lapanu tana nakaba-li ratoka kahapulona nabo-kolo." ⁴ Menge, yayo kurongo liy' heka wali la huruga wena, "Hei umato-Nggu, lohoba-kala wali yiya tanaka yemi njana ha-nggaloya ela pelo halana mono njana himbaya mbo-luro ene adimbaya. ⁵ Torana, akico diryakona nandoli habonduda duki la karamba mono Maramba Alla ndoli ape nani ngara pakadowana. ⁶ Nalaku wadi baka a kota netu namera wadiyo diyo ndoli palaku nani, mbalaho bayaka lambrana panduy' ghelingo -lapanuna ngara pawolo rawada, mono ela nggala ne pawa-ngo tutu pakeryo wangoya, bakeryoni panduy' ghelini. ⁷ Dangana iyiya ndoli habe -ku danika mono bawoy'da ni ndololo ela pola toy' ma-nga wuy'da, woy' banika kariyo mono mbukuto lambarana adangana netu. Torana, diyo wena ela ate-na, 'Yayo kulondoka meraka na hatoyo ratu, mono njango eme handaka bana iceya mbukuto kala-lu.' ⁸ Oronaka netu, ene na haloddo pangu ngara mbo-luro tana enge emeni lam-barana, didoka mate heda, mbukuto kalalu, mono ka-lamba. Diyo eme na pawala nika wango api orona Myori Alla na hakimono diyo netu na kuwaha." ⁹ Ngara tokko lapanu tana, na ndoli malingona mono nampiro ela ndololo denge -ni, eme nahoyo mono hoy' dedona rapana hediyo na iceya maha api patunu wa-dini, ¹⁰ nandende maroy' royo oro kambohi nana la arona kariy'na, mono hoyo, "Karehinyanika! Karehinya-nikila, kota na bokolo, Mbambelo, kota napaghahi netu! Torana, ene na hawuyo njamu pangu a hakimoghu ndoli emenika!" ¹¹ Ngara hatoy' dangga-ngo lapanu tana eme a ho-yo mono mbukuto tutuna a kota netu orona njango ha toy' pangu eme nakahi pa danggana hediyo wadi, ¹² didoka ndoka, amaho ka -ka, permata, mutiara, kam -ba lenono na aluho, kam-ba kirmihi, danga huru do-yo wali laghyo na wuy' mba -ngi, ngara huru doyo papa ndaha wali la lele, wali la ghayo na pawalli, wali la tembaga, bahhi, marmero, ¹³ kaninggo, huru rempaho, huru wey' wuy' mbangi, mur'u, kamenyano, anggu-ro, minyako, tepungo alu-ho, gandum, hapi, mbe -mbe, ndara, kereta, ata, di-ka hungatona toy' piyo. ¹⁴ Hediyo eme wedaka, "Wuyo ene pamimirona ndewwami ndoli mbunga-da wali layemi ngara kehe na egheto mono na na manandango ndoli mohe naka wali la yemi mono nja' pahelu to-boko habalini." ¹⁵ Ngara hadanggango hu -ru doyo iyiya, na kabali ra-toka orona kota netu, eme na ndende ta'marongo oro-na kambohingo tutuna ka-riyo na hapadana netu ako-ta, dika hoy'da mono kalaluda. ¹⁶ Ngara ene we -da, "Karehinyanika! Karehi nya nikala kota bokolo ne-tu, natayo kahihi linono aluho; natayo kamba dorro nggu- du mono kamba kimihi, mono na pangganongo wuy' ndoka, huru watu per- mata, mono mutiara! ¹⁷ Torana, ene na hawuyo njamu pangu, ngara kehe parato denge wanya netu ndoli hamoho hika!" Ngara kehe ha nakhoda. ngara toy' kalete, awakona kapalo mono ngara kehe toyo nakanda pahamu ¹⁸ mono nakayokongo ene ehehe baiceya mahaapi a-mutuna kota netu, "Kota pa -yaka nameraya kota boko-lona iyiya?" ¹⁹ Hediyo haba -rangoka karomboko lakata -kuda ehehe mono akayoko -ngoka dika ahoy'da mono ambukuto kalalu, wedaka, "Karehinyanika! Karehinya-nika akota bokolo netu, na wali ngarakhego namorinya kapalo la wey'lo-ro nakabali rato tutu habahulona! Torana, ene nahawuyo njamu, kota netu ndoli na pakabalini karingongo!" ²⁰ Langgedukobaka tutuna diyo, hei huruga, hei toy bi-ha, harasulo,* mono hanabi!* oronaka Maramba Alla na paroy'nika hukumona tutu-na kota netu tanggumi. ²¹ Menge, na haiha maleko -to na paghahi hakotaya na hawuyo watu ene bokolona meraka watu ukuro mono pagheghungo la wey'myahi dika bawena, "Meraka netula Mbambe-lo, kota bokolo netu, nduka pakanabuni mono njana eme handaka toboko waliya. ²² Liy'nya ngara natende-ngo kecapi, naparupu po-ghi, naparupu trompeto, mono huru alato-lodo heka njangoka eme helo rongo waliya edalo layemi. Inja engoka namanuna, e-ne ngara narawini ngara ke -he pamanunango, eme pa -toboko patangami. Liy'nya panggeho inja helu rongo walika lambaram. ²³ Manggakahona kawaru enga magheloro walinya la -mbaramu. Liy'nya panganteno kabani mono pengantina waricoyo inja helu rongo walika lam-barami, orona ngara hadangga-ngomi didoka ngara hatoy' bokolo lapanu tana. Torana, ngara kalanada ta-na ndoli pandoroto wango sihiromi.* ²⁴ Mono, ela kota dalo ne-tu tobokoka ruttoda ngara hanabi, ngara hatoy' biha, mono ruttona ngara toyo ene pahamateda la panu tana."