³ Petrus Elballika El Yerusalem ¹ Tenggerenna ngarrakehe eh rasul monno ehdungkambunna kehena el atiwango el enni el Yudea a rongoya monno atoyo ngarrakehe el Yahudi monno mengeke mba himbaya alinya Miorri Maramba Allah. ² Ndidoka taetu, tenggeren Petrus mbanna detengo el Yerusalem ngarrakehe atoyo elbersunat monno hanaptakkida ngarrakehe, eltakiyaka, " Yemmi otugimmi elbarrada atodanga eljanna bersunat monno muyo engendi ngarrakehe." ⁴ Ndidomoko, Petrus lakwungoni ap apingngo elteeratur elbarada ndiyo ngarrakehe, eltakkiya, ⁵ " Yaya tenggero habango el kota Yope, monno tenggeren inpeghewungo, yaya el iceya lapninyawuna, enna elmereya kamba belleke elburru, el lamwalungo pakpotongo walli ella lakramba, monno enna kamba eltukangga yaya. ⁶ Menge yaya mbakku kharranni, yaya ella lakharpandahani monno icehi ngarra hah ranga pakpotogango witija elpannu tana, hah ranga uta, menge hah ranga ahloko wongo kambudda, monno ngarrakehe hakhilla ella lapringi. ⁷ Yaya weddi elrongoyo enna akpokliyo lapneghen elbaranggu, 'Keddebaka, Petrus, ropobaka monno mubaka!' ⁸ Ndimoko, yaya kutakkiya, 'Joddo, Miorri. Ndika, janga ella harri monno ella indaha eltama elghobba ndollonggu.' ⁹ Ndidonomoko, enna akpokliyo elwolohoyo lapdungoko walli ella lakramba, ' Payaka papndahana Maramba Allah, amkorroyo takiya harri !' ¹⁰ Yiya ebtakkinna lapdollungoko, menge ngarrakehe eltinguka mbialliya lakramba. ¹¹ Icebaka, atuweddi, endi ehtotallu toyo paptumbuongo elbaranggu emmindi el ummagu, walli ella Kaisarea. ¹² Ahmurinnya, Ndewa Mbihanna eltakigandi tanna otu engendi ndiyo monno inni ragundi. Ehtonommo ndungkambuna atiwayo weddi otindi engega yaya monno yamma eltamma el ummana atoyo. ¹³ Menge, ndiyo lapdukinni elbarama yamma penewena ndiyo mbanna menge iceya enna Malaikata eldede el umma monno lapneghen, 'ptumbobniki atoyo otinni el Yope monno krebayaka Simon epaptaki Petrus el emmini yiyo, ¹⁴ monno ndiyo eltakiya apesanno elbarramu monno walli ennya el yemmi pahlamatongngo, yemmi monno ngarrakehe atoyo ellodo el ummomu.' ¹⁵ Tenggeren yaya mbakku kwungoni atakki, Ndewa Mbihana elburu elbarrada ndiyo ngarrakehe, elmereke akwungana eldadi elyica. ¹⁶ Monno, yaya el apiya ebtakina Miorri, Ndiyo mbanna takkiya,'Yohanes lap ihahi wango waiyo, ndimoko yemmi ndika pap iha wango Ndewa Mbiha.' ¹⁷ Ndika, ebdika Maramba Allah elwongngo Knuru elmere elbarrada ndiyo ngarrakehe monno Ndiyo elwonda yica menge mbata wani elbarana Miorri Yesus Kristus, garaga yaya ndika yaya elhandini Maramba Allah?" ¹⁸ Ebhenyaka ndiyo ngarrakehe mba rongoyo atutunna, ndiyo ngarrakehe akdannaka monno pamlanguya Maramba Allah monno takkiya " Ebhenyaka, Maramba Allah weddi menge mbanna wongngo elbarada atodanga indi Yahudi am ghilla monno lahdapanna mopir." Injillo ndukingo ella Antiokhia ¹⁹ Ahmurinnya, ngarrakehe atoyo abheghekehe oro kriya eldadi elbarana lahdapanna Stefanus, lahbaghingngo lundulappa ella Fenisia, Siprus, monno Antiokhia, monno japnukinniki alinnya Miorri elbarana atoyo ndipika atoyo Yahudi. ²⁰ Ndimoko, enni enna lahwadikongo atoyo walli ella ndiyo, ndidohiki atoyo Siprus monno Kirene, el emini ella Antiokhia monno lapneghindi elbarada atoyo Helenis, tenggered mbap ndukinni tutunna Miorri Yesus. ²¹ Alimmana Miorri eldagindi ndiyo ngarrakehe, enna ndangada atoyo elwani monno lamwaliko elbarana Miorri. ²² Aliya tutuna ndiyo ngarrakehe elduki el roktiluda jemaat el Yerusalem, monno ndiyo ngarrakehe paptumbana Barnabas el Antiokhia. ²³ Ebhenyaka Barnabas mbanna duki monno el iceya pamnoworonno Maramba Allah, ndiyo el engge ati monno lap apindi ndiyo ngarrakehe tanna engdiyo elbarana Miorri wango ati lapghahi. ²⁴ Ebhenyaka Barnabas ndidoyaka atoyo eldaha, elbannu Ndewa Mbihana monno atiwaya, enna atodanga papngandinya elbarana Miorri. ²⁵ Ahmurrinnya, Barnabas otinni el Tarsus tanna lakdabaya Saulus. ²⁶ Monno, menge mbanna tobokoyo, ndiyo elngandiya el antiokhia. amdennya hadonna, ndiyo ngarrakehe abtobokongo el Jemaata monno papnekinni atodanga. Monno, el Antiokhia, ehanna muricono akwungana ndidohiki " ato Kristen". ²⁷ Enna lodo ndanga, ehpircoyo a nabi burru walli el Yerusalem a emindi el Antiokhia. ²⁸ Enna lahtoyo walli ndiyo ngarrakehe elngarango Agabus, eldede monno lamnurraya walli ndewa monno eldadi aklamba lantaka el ngarrakehe pannutana. Monno, aklamba enna mbanna dadi enna masa mbanna prete Klaudius. ²⁹ Monno, ngarrakehe muriconno awotohoyo tanna angandiya enna asumbanganno, ebdomampuda ndiyo ngarrakehe, elbarada ndungkambuda attiwada eldoyo el Yudea. ³⁰ Monno, ewedindi aplakuya, abngandingo asumbanganno elbarada ehtomtuyo walli ella limana Barnabas monno Saulus.