Petrus monno Kornelius ¹ Eme pahdapang, el Kaisarea, enni lahtoyo el ngarango Kornelius, Perwira wedanni ebatakiya walli ella Italia, ² atoyo el ghenne monno lakbohinni enna Maramba Allah, hewedinaka eltodanga el enni el ummana, monno elwondiki hekdangana aknuru ebwonani atoyo ndanga monno engeda mbah habango elbarana Maramba Allah. ³ Enna momolonno, enna loddo pahi jam mbanda iha, ndiyo el iceya ndahana epam manuruna, elah toyo a malaikta Maramba Allah el emini monno eltakiya elbarana, " Kornelius!" ⁴ Menge, ndiyo lakharani a malaikat monno lakbohinni monno eltakkiyaka, " Payaka yiyi, Mramba?" Monno, lapneghengoko elbarana, " enna habammu monno epapwommu eldetengo elbarana Miori Maramba Allah. ⁵ Henenne, Patumbobundiki ngarrakehe atoyo ndanga el Yope monno kawullondi ellahtoyo elngarango Simon, epap paptakki wedi Petrus, ⁶ ndiyo eldoyo engendi atoyo wihiko kallulla elgarango Simon, enni ummana elbarana wemahi." ⁷ Enna malaikat lapneghen elbarana otniki, Kornelius lakwulloni eh toduyo papwede monno lahtoyo aprajurito eldaha hadanna wali ella atodanga el enni krohinni lapghili elbarana ndiyo, ⁸ monno menge mbanna takki jahaya ngarrakehe appa etu elbarada ndiyo ngarrakehe, ndiyo laptumbondi el Yope. ⁹ Merehe lodonna, ndiyo ngarrakehe tenggereda endi ahloko monno atukkayaka enna kota, Petrus eldetengo elpannu umma, enna jammu nommo, tanna habango. ¹⁰ Menge, ndiyo laklamba monno elbengo muyo, ndimokko ngarrakehe atoyo tenggerena mbanna hadiyo muyo, Petrus elngoleya amanurra, ¹¹ monno ndiyo el iceya akramba mbanna kmungkere monno enni elmereya kamba hekbelleken elburu monno lam gholloro walli ella potonna akbihunna ndukingo eltanah. ¹² Eldollona, enni ngarrakehe ah ranga pakpotong gango watinnya, monno ngarrakehe akranga elpannu tana, monno ngarrakehe akkhilla illa lapringi ¹³ Ahmurinnya, emminiki akpokliyo monno eltakiyaka elbarana, " Keddebaka, Petrus, dakurbaka monno mubaka!" ¹⁴ Ndimokko, Petrus eltakiyaka,"Joddo, Miori. Ndika, yaya indakka mbakku muyo payaka el mbarri ato elharri." ¹⁵ Monno, enna akpokliyo lapneghewalingoko elbarana enna apduana, " Payaka papdadinnya Miori Maramba Allah eldaha, ambutakiya elbarri ." ¹⁶ Enna yiyo padallungo mbanna ndadi, monno elradango ngarrakehe mbanna ndetengo ellak kramba. ¹⁷ Enna lodonno, tenggerenna Petrus mbanna mbingungo apngadanga payaka a artinya eb icana enne, a hundaka enna atoyo hekdangana paptumbana Kornelius ebtenggerenna mbakdabaya a ummana Simon, monno a dede ellahdapan a mbinnya, ¹⁸ monno tenggered mbakwulloni, ndiyo ngarrakehe aklerin penne enni Petrusso, ella londo nonno. ¹⁹ Tenggeren Petrus mbanna pangadani eb icena, Ndewa Mbihana lapneghen elbarana, " Icebaka, endi ehto tallu atoyo kabani tenggeret mbakdabagu. ²⁰ Keddebaka monno mburubaka, otubamuku mrengendi ndiyo ngarrakehe monno amragundi enne Yayo ellaptumbondi ndiyo." ²¹ Menge, Petrus elburuka elbarada ehtodanga monno lapneghengoko, " Icebaka, yadoyaka atoyo pakdabamu. payaka tutunna eb emwamu ?" ²² Abneghengoko, " Kornelius, perwiraya, toyo ghenne monno lakbohinni Maramba Allah, monno todahaya walli ella bangsa Yahudi, mengeke mbanna pa apingo a malaikat mbiha laptumbondi otindi el ummana monno rongoyo ebtakimu." ²³ Petrus ella undangindi ndiyo ngarrakehe tama monno wondi ndiyo padonga nenne. Mereho lodona, ndiyo elkede monno el otinni mrengendi, monno ehdungkambuna atiwanya walli el Yope a olenna. ²⁴ Ndelokonno walinya, ndiyo ngarrakehe atama el Kaisarea. Kornelius lahmagangoko monno elkahahi ndungkambunna menge eh olkedenna atukka. ²⁵ Ebanna tama Petrus, laptobboko, menge elberlutut elwitinya Petrus monno laktambanni. ²⁶ Ndimoko, Petrus lahbantuya dede monno lapneghen, " Keddebaka! Yaya tobiahangga." ²⁷ Petrus tenggeren pneghe engenani Kornelius, Petrus eltamaka eldodolo monno elngolehiki ehtodanga amkaha. ²⁸ Menge, Petrus lapneghengoko elbarada, " Yemmi ngarrakehe peghinni monno jahbenya Yahudi enna akwongi engendi enne toyo in Yahudi, ndika Maramba Allah mengeke mbanna phundoni elbaranggu monno yaya jakku takiya garraniki elpadu monno enne eljadaha. ²⁹ Ndidoyaka, yaya jakku wawa yemmi ptumbangga emengge. Ndika, yaya kuklerimgimi payaka tutunna ebaka wullangga yaya?" ³⁰ Monno, Kornelius lapneghengoko," potto lodonaka lundulapa hennene jamuna, enna jammu mbanda ihanna, yaya tenggero habanggu el ummonggu, monno icebaka, enni lahtoyo eldende lahdapanggu eltaya khihi meredoko. ³¹ Menge, lapneghen, ' Kornelius, enna ahbamu a rongogunniki monno enna knurummu mengeke mbanna apiya Maramba Allah. ³² Ndidoyaka henenne, patumbokniki el Yope monno takkibnanki Simon elngarango Petrus tal emini. Ndiyo ennyi el ummana Simon, eltukongo wihiko klulla, elhinga wemiahi.' ³³ Ndidoka, yaya laptumbungo toyo elbaramu, monno yoyo eldaha ati bengo emini. Henenne, yica ngarrakehe el enni yiya, lahdapanna Maramba Allah, tat rongoyo ngarrakehe apretenna elbarramu walli ella Miori.'' Petrus Lapdukinni a Injillo el Ummana Kornelius ³⁴ Menge, Petrus elbungkereya a ghobana monno lapneghen, " Hennenne, yaya hetopinjana mbakku peghenni Miori Maramba Allah janna bengo plihekinni. ³⁵ Ndimoko, el bangsa, enna toyo lakbohinni Ndiyo monno lapghilini payak el ghenne, ehbennya Miorri. ³⁶ Linnya Miorri Maramba Allah papdukingo ella bangsa Israel ngandiya liya ndaha engge deta walli ella Kristus Yesus, Ndidoyaka Miorri walli ella panuna ngarrakehe. ³⁷ Yemmi knehengo elpeghenni eldadi el Yudea ngarrakehe, walli ella Galilea, menge ab iha walli ella Yohanes papdukinni, ³⁸ Yemmi peghinni Yesus, toyo Nazaret, penwenanni Maramba Allah mbanna Mbihaya wani Ndewa Mbihana monno kwuahanna. Ndiyo otinni laklilinginni lapghilinni a ndaha monno laptonggoho ngarrakehe atoyo elhaddu pakriya a marapu indaha monno etinni Miorri Maramba Allah elpoltonna. ³⁹ Yamma ndoyaka el iceya payaka epap menge plakunna Yesus, el kalbatu toyo Yahudi monno el Yerusalem. Ndidohiki awunuya Yesus enna laterenniki elpannu ghayo Salib. ⁴⁰ Ndimoko, Maramba Allah lapkedeya ellodo ktallluna monno wonniki loddo Ndiyo tanna laphundoni apoltonna, ⁴¹ in ngarrakehe atoyo, ndimoko el yamma, el ngarra kehe hakhiya pahpenden a Maramba Allah ahmurrinnya, el muyo monno el inu habolong menge mbanna detengngo walli ella tomati. ⁴² Monno, Ndiyo lapreteh gammaka yamma tutunna ngarrakedek eltoyo ndanga monno hakhiya topinjani eb hetopinjana Ndidoyaka Miorri Maramba Allah pahkotanna Hakimmo tutunna tomopiro monno atomati. ⁴³ El Ndiyo, ngarrakehe a nabi elhakhiya monno el wani el dodolon-No monno elhimbaya abhingurru ndoho walli ella ngara-Na. " Maramba Allah laphundoniki Ebdiya Elhimbaya ngarrakehe Atoyo ⁴⁴ Tenggeren Petrus mbanna paneghengngo, Ndewa Mbihanna elburu elpannuna ngarrakehe el rongoyo a linnya. ⁴⁵ Monno, ngarrakehe atoyo el wani monno elsunata el emini lahbolong el Petrus, pamngoroho ndengengoyo tutunna Ndewa Mbihannapahburunna, enna ngarrakehe a bangsa. ⁴⁶ Ndimoko, ngarrakehe arongoyaka atoyo tenggeren mbanna pneghen eldodolo ngarrakehe a bahasa monno pamlanguya Miorri Maramba Allah. Menge, Petrus lapneghengoko, ⁴⁷ " Indimoko janga atoyo eldukingo hadangga yaya tutunna mbakku paihohi atoyo monno ngarrakehe atoyo ahimbaya Ndewa Mbihanna elmerenda yica?" ⁴⁸ Monno, Petrus lapreteka ndiyo ngarrakehe tanna ab ihwongo el dodolonno Ngarrana Kristus Yesus. Ahmurinnya, ngarrakehe atoyo akreyo Petrus eldoyo engendi ndiyo elpiraya loddo