Ananaha Jadda Hibak Mayya Walla Harona Dagna ¹ Maha lege yakka, Ananaha yelanan walno habal maduknan laha rona Dagna, he Ana Hakodo Ana Halolena dokdan Iyo. ² Kole badukinka na lodo Rahngah, Ananaha halegenan hanuwango la uma doka wojo. Ma dangayka to kata Ngayya hanyongan bangara, maha tokda,"Gedo walna ne Iyo banna koled he tangngada? Tajja apaya hawodan nela Barana mohe jaka moda heka hengo harayda wango Limanna? ³ Ne Ija tagha hadoy yay ya, ananay Maria, olebe naniy Yakobus moy Yoses moy Yudas wal ubuy Simon? Mahe Lawinnena ned hena ole dobada itango?" Maha legeyya, he idomol da tukaran mone Iyo datulan. ⁴ Maha legeya, Ananaha hatokna nela barada," Magballa gegeka to daha wolya hawuna anawit ana limana, helengo hado wal dagna, manolla jonga olebe dagna molla uma dagna." ⁵ Ido yakka, Ananaha janna dadma rayngo jakka moda nohabal, helengo hatogahad labarada hawu du to kahodu moha togahad iyo. ⁶ Mane Iyo bangara nan oro jaha tenada he iyo. Halege nanka, ne Iyo halakonan hing hing atla harona-harona mona hanuwad. Ananaha Hawedenan he Ana Hakodo Ana Halolena ⁷ Maha legeyya, Ananaha kamakod hekabul du ana hakodo ana halolena halegenad hawedey iyo du duto, manna wod he iyo li preha tutda he mortana jadoha. ⁸ Halegeyya, ne Ina wod li preha tanam he iyo abda ngod apa apango atbada halako, helengo tokko, ab ngodka kababa, ab kalekka, ab omahakka laka loro bogeda iyo, ⁹ tabollo wang kopa wit ma abpa donengo kalebbe. ¹⁰ Manena Ananaha hatokna nela barada," Magballa geka yom taman nahawu na umma, engango nohabal dukngo yom bam lohongo wal nonno. ¹¹ Mabba nekango hado jaka hibam yom mojakka tangam yom, nebam halakom podahay kobko walla witim nebaha wuya tadko walhela iyo." ¹² Lodongo, he idomol halako dad hadukin tutda toyo dajora hod dokjalada. ¹³ Mahe iyo wugay dangalla hajode moha toga hango danga to hodu wad kalapa, moha togaha walid iyo. Herodes Rongoyya naliyo tutna Ananaha ¹⁴ Manna Ngora To Herodes narongo mowaka, orongo nangaranna Ananaha hing hing naka, matto hatokda, "Yohanes Tag Pa Ihoya nakode mowaka walla jonga toka mate, mahe jaka moda kareja hedalo la Iyo." ¹⁵ Hawadeka wal hatokda," Ne Iyoy Elia ya." Tabollo hawadeka wal hatokda," Ne Iyo hawuya anawit analimmannan, hamera nahawuna walhe anawit analimmanna." ¹⁶ Tabolo idoka, ney Herodes banna rongo yakka tutna ne, ne ipa tokna,"Yohanes, pahal mowagka katokna, hatolko mowanka!" Yohanes Tag Pa Iho Hamatedan ¹⁷ Herodes dag kaha wede to, hawede kawo payyay Yohanes, hataman dalo lagol tutnaniy Herodias, balna, Filipus, orongoy Herodes araweniy Herodias. ¹⁸ Orongoy, Yohanes walhe nakka banna tokya labaray Herodes," Janna dohakma yom jekeya na ara wenna angwum." ¹⁹ Orok nanka, Herodias bojolan but ate labaray Yohanes mona kab aten hama teyya, tabolo ne i janna dadma. ²⁰ Orongo, Herodes kabohi niy kole banna taja yakka ney Yohanes toka tena moka muraha, may Herodes nagolya. Ney Herodes banna rongo yay Yohanes, ne iyo dodalngo atena, taboloy Herodes doha na atena banna rongoyay Yohanes. ²¹ Tabollo, dukinka narah katuba, ney Herodes nela lodo rah dadna raynan hawu hakula netutda kapa reha madetana, tobanna, mo kapareha Galilea. ²² Madukngo ana mawinne nay Herodias tamma nan manna nyego, ne iyo hadoha nan atenay Herodes mohe ika ngodo dongan. Manena Ngora to hatokna nela lakeda mawinne, " Karew magba apakan neyo hakab atem mayag wogun labaram." ²³ Maney Herodes haronan nela baranna," Magpa apakan neyo hakarem labarag, wonehing gun labaram, dukngo hagoba nakka lingora prehag." ²⁴ Manenna lakeda mawinne halako nan maha tokna labbara inyana," Apa nehongo haka reg?" Bale hanna inyanna," Katokna Yohanes Tagpa Iho." ²⁵ Walno mema namma lewa lewara, nena lakeda mawinne manan nela ngora to maha tokna," Ya hakab ateg nemema yom wogan labarag katokna Yohanes Tagpa Iho lapon dulang." ²⁶ Orok nanka, Nangora To namma yilla pija, oro na harona molka heto kamu dongan, ne i janna dadma tularan nena lakeda mawinne. ²⁷ Lodongo, ngora to hawede manan hawu tagpa mate li prehana ngodya nakatok nay Yohanes Tagpa Iho, maneka tagpa mate halakonan manna roponan naka toknay Yohanes Tagpa Iho lagol. ²⁸ Maha legeyya, ne iyo ngodnan nakatok nay Yohanes Tagpa Iho lapon dulang mawonan nena lakeda mawinne, manena lakeda mawinne woyya la inyanna. ²⁹ Mahe ana hakodo ana halolenay Yohanes Tagpa Iho rongoyya, he iyo madad madda jekenan naka rogonay Yohanes Tagpa Iho madda bojolayya nedalo la rate. Ananaha Wod Hamuda Reh Walla Lima Rata To ³⁰ Maha legeyya, he anawit ana limma makoha dobadad olen na Ananaha madda dulkonan Labaranna apa kadon hepaka rejada molka apa kadon paha nuwadad. ³¹ Manena Ananaha hatokna nela barada iyo," Madaka kahel wuda lahado kahiko ngahhok wango." Orongo, dangay to kamma moka bal, tut mu hodi jane hing mango mahigo. ³² Malododa, Ananaha mo Ana Hakodo Ana Halolena halakodad kahel wungo wango tena lahado kahiko. ³³ Tabolo idoka, to danga itey he iyo badda yelango mohe ida pewed. Mahe to danga pla dobadad lila tana yara walla tangkohada harona hakarho, manna duk nohabal ulud larra he Ananaha mohe Ana Hakodo Ana Halolena. ³⁴ Nebanna halako Ananaha nela bara hoba, ne Ina itey kadangalla to mane Iyo dukid manawarad he iyo orongo he iyo hamera na bebbe jaha jawwa. Ananaha halegenan hanuwad he iyo tangnga tangngana. ³⁵ Lodo aro nanka hudongo, Ana Hakodo Ana Halolena Ananaha madad labara Ananaha moha tokda," Hena haddo kahikoyya malungka nahudo. ³⁶ Hawedey he iyo kadda halako neme lahado kadoheka molka neme laha rona hakarngo kadda kah ba apango hamuda." ³⁷ Tabolo idoka Ananaha balehana," Yomneho kawod he iha muda." Mahe ipa tokda Labaranna," Mahha lako nehoka yamma kahid kababa kawolngo du ngah DINAR mawod he iyo kadda mu?" ³⁸ Ananaha hatokna hela iyo," Pirada kababa hoka nengo? Halakom mo itekiy!" Pojakka he iyo badda pewed, hepa tokda," Limmadda kababa mo dubuda iyya." ³⁹ Malodongo, Ananaha prehay he iyo tangkohada tanam kadda ngodo dalo laka lingo- lingora lapon rubba moro. ⁴⁰ Heto danga ngodo kalibodad, nedka ngahngo monelid kalimma bulngo. ⁴¹ Pojaka no, Ananaha jekenad limma kababa mohe dubu iyya, tangarra nan la langto, ne I hamma ringnad monna kippu - kippuy heka baba, mane Ina woy hela Ana Hakodo Ana Halolen tanam ngodiy hela to danga. Ne Idomol bawe- bawey he dubu iyya hela tangkohada to. ⁴² Mahe iyo tangkohada mudad dukngo boh. ⁴³ Maha legeyya, he iyo jekedad kabul du haburra kabonngo hekareh kababa mo iyya. ⁴⁴ Maned limma rata kaban kammu kababa. Ananaha Halakonan nelapon We ⁴⁵ Maha legeyya, Ananaha malewara dad prehay he Ana Hakodo Ana Halolena pone la tena moha lako Ullunduk atha bal, nela Betsaida, tongrona ne Iyo hawedey heto danga yelangka. ⁴⁶ Pojaka bahanay he iyo, ne Iyo halakonan la letena loka wojo. ⁴⁷ Banna arongka hudo, natena nen lahadu hoba, manna Ananaha meha penna la tanna yara. ⁴⁸ Pojaka he Ana Hakodo Ana Halolena bohe kamma yiila pija orongo nare reha wudalla nad walla aroda, tanka tut kukman ya, Ananaha ne Iyo madad halako lapon we hoba mane iyo halako nan ul walhela iyo. ⁴⁹ Tabolo idoka, he bada iteya na Ananaha halako lapon we hoba, he iyo paha wonada ne Iyo mortanayya, mahe ika wulodad, ⁵⁰ orongo he i bada ite kohaya na Ananaha madda kaboh pija. Tabolo Ananaha malewarra nan hanewe hela iyo, maha toknad ," Kadona. Yi Yakado! Abum kabohka." ⁵¹ Lodona, ne Iyo pone dobanan oled he ila tenna, manna rereha domol ngahnan, mahe iyo bangarra pija. ⁵² Orongo, he iyo jada tajak mahoya tutda ne jaka moda lima kababa orongo he ina ateda naka tuho. Ananaha Hatogahad Dangalla To ⁵³ Pojakka Ananaha mohe Ana Hakodo Ana Halolena badda pall, he i dukdad la tanna Genesaret madda ngahka. ⁵⁴ Kole he i bada bur walla tena, hetoyyo male warra tajaya na Ananaha, ⁵⁵ madda pla nela tangnganna nola kalingora maha lege dadka marongad to hodu helapon nopo, mag balla geka edo rongodan tut bagen hadona Ananaha. ⁵⁶ Magballla geka Ananaha edo tamanna atla harona moraha molka harona hakarho ub atwal laka lingora doheka, he iyo hamma jurdad to hodu nela hado karame madda ha oha la Baranna tanam he i kadda dad jojanan Lobobor akina. Magba garakan kajojanan Naborna dad togaha.