Hawuna To walla Gadara Halogayya walla Hajode Kabokalla ¹ He iyo dukdad lahabal hoba, nola kalingora to Gadara. ² Ananaha banna bur walla tena, nememma nahawuna to walla rate habonda mortana bokalla toboka nan Ananaha. ³ Ne iyo engana nemme la rate-rate. Janek mango to kadad pingo pin, magba kaloro boh. ⁴ Orongo, ne i walhe nakka ba pingonad witna kaloro boh, tabolo ne iyo pohtoy kaloro boh monna kipuy toganna. Janek mango hawu akto kakulho tepija popan. ⁵ Hudo lodo, ne ika wullonan nela rate mo nemme la letena monna hapota wudagnan napola tonna wan wat. ⁶ Nena to banna iteyakka na Ananaha walla diko ro, ne i planan ma ubna kataba la arona Ananaha. ⁷ Lodongo, engana kawullo wango lika wodkalla ne ipa tokna, "Apan katona ya monno Yoyyo, Ananaha, Ana Kamawol Kamaray Kahoda Madeta? Yagha ohan Labaram wan ngarana Kamawol Kamaray, abum hamma yillawa yayo!" ⁸ Orongo, Ananaha natok mowa yakka labaranna," Lohongo wal yilla to, he mortana jadoha!? ⁹ Malodongo, Ananaha hatokna labarana nena to,"Garag ngaram?" Mane i balehanna,"Ngarag Legion orongo yamma bamma danga." ¹⁰ Ne i nahadu hadu ha oha nela bara Ananaha abda wugay walnolla kalingora. ¹¹ Nohabal ned kalibo bokolo way tongroda mu nella bara letena. ¹² Halegeyya, he mortana jadoha ha oha dad labara Ananaha, hatokna," Hawedemma yamma hela way kamma tama nela way." ¹³ Ananaha nangon. Ne ork nanka, he mortana jadoha halakodad tamadad he way. Heka ngoteda dangalla tadkatut ned du rata pla nela bara lingo duknela hoba, madukngo bullo nedalo la hoba ¹⁴ Maha legeyya, kayaway he way pla la dagdad mallo hadukdan laha rona hakarho mo atwal laharonal. Mahetto lohodad ka iteya apan kadad mowa. ¹⁵ Mahe to madad labaranna Ananaha ka iteyya newanna haponeda mortanna jadoha, ka ana prehaniy legion, tongrona ngodo, na takka lebbe, mane balka doha. Mahe idomol dukidka kaboh. ¹⁶ Mahe ika tajayya nekadad, hadukin nela to aha nyinna ne banna dad nella to haponeda mortana jadoha matut walda he way. ¹⁷ Mane orona, heto halege dadka kareyya na Ananaha kanna yelan nona kalingora. ¹⁸ Maha legeyya, nena Ananaha batong rona pone lapon tenna, to wanana haponeda mortana jadoha ha ohadad tanam ne i kanna dad marongan na Ananaha. ¹⁹ Tabollo, Ananaha janna wawakman, tabollo hatoknan labaranna," Baliw labara olebem. Hadukin nela barada tangngada haray mowanag Namor labaram Namor banna dohag ate labaram." ²⁰ Madukngo, nena to halako nanka manna halegeyya hadukin hela tola Dekapolis tutda heka dangalla haray mowanna Ananaha labaranna. Matang kohana to madda bangara. Ananay Yairus Hatolkon manna mawinne Habowodda Hatogahan ²¹ Ananaha banna palla pido wango tena athabal, to danga makoha dad nela Baranna mane Iyo nonla bara hoba. ²² Manena hawu kapareha uma doka wojo kangarangoy Yairus manan ma pojakka banna iteya na Ananaha, ne ika huglonan la koko Witna. ²³ Mane iyo ha oha tepijanan nela bara Ananaha, hatokna, " Ana mawinneg kamorahappo hokmo namate. Mawaw kamhamma ringgan LImmam labaranna tanam ne iyo kanna dad togaha mona morho." ²⁴ Manena Ananaha halakonan oleniy Yairus. Ned dangalla to kadokun na Ananaha modda Kapongin. ²⁵ Manen nahawu mawinne ha bowoda kabul du donna madena. ²⁶ Ne iyo nahadu duma yilaka dangay to tangka kalapa, manna pojayka tangkohada dagna, tabolo janek mango gonna manna hadana rehnakka jadoha. ²⁷ Pojakka banna rongoya tutna Ananaha, nena mawine duknan na Ananaha wal lakka bedo lajonga hakohngo to manna todonan Naborna. ²⁸ Nena mawine hatokna," Neya bag dad kawwa todonan Nabor nekakna, ya togahha negun." ²⁹ Walno mema nabowona ngahnan manna podan na ihna togahha mowakka walla hodna ³⁰ Ananaha hawingnan tajaya walla pola to Dagna banen nali preha kaloho mowangka walla Baranna. Ne Iyo potera nan nola jonga to danga maha tokna:"Garan kajojagan Naborug?" ³¹ Maha lege dadka he Ana Hakodo Ana Halolena Ananaha hatokda Labaranna," Yom itey danganna to kadohe Doherag ma Yoyyo toknelmun," Garan Kajojaywa?''' ³² Maha legeyya, Ananaha hammattaranan ka iteya garan karay mowan. ³³ Tabollo, pojakka banna tajayya apan kadad mowa lapola tonna, nena mawinne dukinka kaboh moka rekngo. Ne i manan manna kahuglo la arona Ananaha manna dulkoy la Ananaha tangkohada kadad. ³⁴ Maha legeyya, Ananaha hatokna nela barana nammawinne,"Anag, hatenam naha tolko mowagka. Halakowka dalo lama ringngo ma togahaw walla hodum." ³⁵ Tongrona Ananaha banna hanewe, madadka kapirango to walla umanna kapareha uma doka wojo hatokda,"Anag mate mowaka,. Aba mam rega hoyya Naha Ama?" ³⁶ Tabolo idoka, Ananaha janna wawakma rongoy apan hatok mowa, ne Ipa tokna nela kapareha uma doka wojo," Abum kabohka, patena nekado." ³⁷ Lodongo, Ananaha janna wawakma hawu akto Dokun, helengoy Petrus, moy Yakobus, moy Yohaneswal, ole benay Yakobus. ³⁸ Mahe iyo dukdadka nela umana kapareha uma doka wojo, mane Iyo na iteya ha uh kekngo, mahe to hu alla dad kalol wango liwod kalla. ³⁹ Maha legeyya, Ananaha banna tama, ne Ipa tokna labarada,"Aba yom mamha uh kekngo mom hum? Nena lakeda janna matekma, tabolo majur kaknan." ⁴⁰ Tabolo he iyo maktodan na Ananaha. Ne Ina hawedey tangkohada lohongo mane Iyo naka makod bapanna mo inyanna nena lakeda, hetowwal ka Olen, madda tama nela koro hadonna nena lakeda moraha. ⁴¹ Maha legeya, Ketenan nalim manna nena lakeda mane Iha tokna labaranna! " Talita kum!"( Batok kayya," Lakeda moraha, Yag tokya labaram, kodewka!") ⁴² Nena lakeda mawinne dede mema nan monna kabango halako, orongo ne iyo kabul du donnakka, matang kohana to bangara pijja. ⁴³ Maha legeyya, Ananaha wo lipa reha tepija ab nekango hawu akto yika tajayya, maha toknad hela iyo tanam yina lakeda kawon hamuna.