1
Nei Maroba Yesus bana tongro halako, Na iteyi to ka moro wal bana dadi.
2
He to pahawedenai Maroba Yesus da kanukka Labara-Na, "Mori, garan kadok jala, yina toyo ato toka tuna ma na moro ba hadadini?"
3
Maroba Yesus na baleha, "Ja ikma mo loho ja to katunekmana ka doki jala, taidoya ka pahayilna Maroba Allah kana hatingoni labarana iyo.
4
Idango da hayilli nehodi pahayilli na Iyo kahawedewa Yayo bana lodo hongo; nemenka na hudongo ba janengo hawu toyo kahayilli.
5
Ne Yayo ba tongro laponu tana howa, Yayo magakaha ponu tana."
6
Kole bawenaka, Maroba Yesus na tarum la tana mono na hakeroni na tarum-Na hakohani tana, mowalka na orani la matada he toyo,
7
mono wenena labarana,"Halako, bahaya na pola tomu la lib Siloam. "Nana Siloam "Pahawede". Mowalka, he toyo da halako, bahayi pola toda, mono iyo na bali mono da ite.
8
He labarana mono he iyo baja hehona ka iteya iyo ba to ka moro matana weneda, " Ja ikado yina toyo ka ngodo mono ka kakareyo?"
9
He hawadeka toyo ma weda, "Ngoyo, idoka ka kare ngadengo nana." He hawadeka weneda, "Jedokma, Iyo tuja nehenani natna to kakare ngadengo."Taidoya, nana to ka moro wanana ma wena, "Yadoka ka kare ngadengo nana."
10
Mowalka, he toyo da kanukka labarana, "Ahanyikada matamu ma da itehabaliyi?"
11
He toyo da baleha, "To kangarango Maroba Yesus na hakerongo tana mono na oragadi matagu. Mowalka, Iyo wena labaragu, 'Halakow la Siloam mono bahaya na pola tomu', mag halakowa mono bahaya na pola togu, mono gu itewa."
12
He iyo weneda labarana, "Gin natna Toyo?" Iyo na baleha, "Yayo jag tajakmaya."
13
Mowalka, he iyo da ngodiyi to kamoro matana wanana labara to kawohoko.
14
Nena lodo Maroba Yesus bana hakerongo tana mono na bugeradi matada he toyo nana lodo rahi kangote.
15
Maiyaka, he to kawohoka da kanukka piya nena toyo ahanyina mam ite. Ma wena labarada, " Iyo na orad na hakeroni na tana la matagu, mono yayo bahaya na pola togu mono itewa."
16
Orongo nana, ka pirrango tokawohoka hayo weneda, "Nana Toyo ja kawalikmaya la Maroba Allah orongo Iyo ja dokukmani lodo kangote." He hawadeka weneda, "Ta idoyaka, ahanyikkana yina toyo ka doki jala mana rayini yina tadko bangara kahengo yiyo?" Maiyaka, mada mahewa.
17
Mowalka, he iyo mada kanukkawalya yina to moro mata, "Ahanyina pahangadam tutna Iyo orongo Iyo na bugeragudi matamu?" Nana Toyo nabaleha,"Iyo nana to Nabi."
18
He to Yahudi engango ba jada hatena labarana, nena to wanana na moro hijai mata tabollo bahenna na itte, dukngo he iyo bada kamakoni yina to katungo wali la to bahena bana ite habali,
19
mono na kanukka labarada, "Yiyi anamuni, yi kamoro matana hawemu wal wunge dadina?Bahekana, ahanyina nebahenna nama ite?"
20
To katungo na balehayi he iyo mono wena, " Ma tajaya ne iyo ba ana mani mono iyo bana moroi matana walngo bana dadi,
21
tabolo aha nyina neba hena nama mana ite, yama jama tajakmaya;jedoka garan ka bugeranadi matana, yama jama tajakmaya. Kanukka daguya iyo, iyo na matuka; iyo na hanewe tutna na pola to dagna."
22
To katuna wenena patokna orongo he iyo kabohi he to Yahudi. Orongo, he to Yahudi da ngoni, ne tangango to ka daikaya Maroba Yesus baiyo Kristus, ja hillu hawakmayi la Sinagoge.
23
Idoka orona toka tuna mawenna, "Iyo na matuka, kanukka dagkakmoya."
24
Mowalka, pa du wudawayo he to to Yahudi da kamakoni yina toyo ka moro matana wanana, mono wenena labarana, "Woni li daika Maroba Allah, ma tajaya yina toyo ba to doki jalaya."
25
Iyo na baleha, "Nena Toyo to doki jalaya, yayo jag tajakmaya; nenni na hawu hatajagu, bajahehona na moro hoi matagu tabollo bahenaka itewaka."
26
He iyo wenena labarada, "Apan harayig labaramu? Ahanyina Ma mabugerayi matamu?"
27
Iyo na baleha, "Yayo wenena labaramu, tabollo yoyo jam wawakmaw rongokmaya; aba yoyo mam rongo walya? ne yoyo kag dadi ana pahawedenaga Iyo wemu?"
28
Mowalka, he iyo da regaya iyo mono weda, "Yoyo ana pahawedenagu natna Toyo, tabollo yoyo an pahawede nagui Musa.
29
Yama ma tajaya Maroba Allah kole bana hanewe labarai Musa, taidoyaka tutna yina Toyo, jama tajakmaya bagidow walna!"
30
Yina toyo na baleha mono wenena labarana, "Nahakilla ate ne yoyo bajam tajakaya ba gidow wal Na, ne Iyo kolebana bugeragudi matagu.
31
Da tajaya yi Maroba Allah ba jana rongo to ka doki jala, tabollo bagarakani ka kabohini nai Maroba Allah mono karayini haben-Na, Maroba Allah na rongoya Iyo.
32
Wal atna koha bahena, jag kal rongokmawa hawu toyo bugeradi matada to kamoro matana wal wunge dadina.
33
Yina to baja kawalkaya la Maroba Allah, Iyo jana dakma rayini aha-ahango."
34
He to Yahudi da baleha mono wenena labarada, "Yoyo dadi la jonga doki jala, mono yoyo bengo hanuwagama yama?" Maiyaka, he iyo da wudayi hi toyo.
35
Maroba Yesus bana rongo he to Yahudi bada wugayi hit to moro mata; kole bana hatoboka tongadi iyo, Maroba Yesus wenena, "Ne yoyom hatena labara Ana To piyo?"
36
Nana toyo na baleha, "Garan na Iyo, Mori, Tonam Yayo kag hatena labara-Na?"
37
Maroba Yesus wenena labarana, "Yomi iteyaka Iyo. Iyo nana ka kahanewe dongagu."
Nana Toyo na baleha, "Mori, yayo hatena!" Mowalka, na kawojo la bara-Na.
39
Maroba Yesus wenena, "Kag wo li latta weneg Yayo mag mawa la ponu tana yiyo tonam he iyo jaka iteho, kada ite mono he iyo ka ite kada moro."
40
Kapirrango kawohoka kanengo labara-Na da rongo, mono weda labara-Na,
"Ne yama ma moro?"
41
Maroba Yesus wenena labarada, "Ne bam moro ka, janekmango doki jalam,;taidoyaka orongo bawemu, 'Yama ma ite', enga dongo banengo doki jalamu."