Olebe-Olebe nai Maroba Yesus Jada Hatenakma-Ya ¹ Pojaka nana, Maroba Yesus na halako woletan Galilea. Jana wawakma halako la Yudea orongo he to Yahudi habali kama hamateya bawenewaldan Iyo. ² Koleheka nana, lodo mageborada to Yahudi, nena lodo magebora Mawo Royo, na doheka ³ Orongo nana, olebenai Maroba Yesus weneda labara-Na, " Halakoka wal hena at la Yudea tonam hit to pahawede-Mu kada iteya pahayillim Yoyo mono harayim. ⁴ Orongo, ja nenekmango toyo ka rayi kabunyini langka ahakani ka tajawa kadanga bawekana. Bam rayikan hahayo, hadedon na to-Mu la ponu tana." ⁵ Orongo, olebei Maroba Yesus dagu jada hatekma-Ya. ⁶ Maroba Yesus wenena labarada, "Jana nekmahongo maloga-Gu, tabolo namalogamu ne hangatango. ⁷ Naponu tana jana butnekmagu ate, tabollo na ponu tana nabutnega ate Yayo orongo Yayo bag toku hangataya tutna ponutana, orongo he parayina nana kabokalai. ⁸ Halakomla yommi la magebora nana. Yayo jag halakokmahowa la magebora nana orongo rahi-Gu jana dukmahongo." ⁹ Pojaka bawena nana, Maroba Yesus enga donna bana engango la Galilea. ¹⁰ Taidoyaka, koleha ole be-Na bada halako la magebora na, moi Moraba Yesus jalla Na halako ha bali, taidoka jana dedonekma, tabolo na halako kanawa. ¹¹ He to Yahudi da mayegan Iyo la magebora nana, mono wedda, " Gikn Iyo?" ¹² Na dangai kakamamhongo la jongada to kadanga tutna Iyo. Ned kawenna, "Iyo to dohaya." ne jaladi kawengo, "Jedokma, na hamayillango to danga." ¹³ Taidoyaka, janekmango hawu toyo ka panewe lurho tutna Iyo orongo kabohidi he to Yahudi. Maroba Yesus Napanuwango La Padona Maroba Allah ¹⁴ Ba tongro halakona nana magebora, Maroba Yesus na tama la Padonna Maroba Allah mono na halegeya na hanuwana. ¹⁵ He to Yahudi da bangara mono weda, "Ahanyik kana yina toyo ba nengo pahatajana ne kahengo, ba jana kanuwamo?" ¹⁶ Maroba Yesus nabalehayi mono wenad, "Pahanuwa-Gu jakawalikmaya la pola to dagu-Gu, tabollo walna la Iyo kahawedewa Yayo. ¹⁷ He hawu to ba bekan rayin yi pabenna Maroba Allah, da tajaya yi pahanuwa-Gu, ba walkana lai Maroba Allah jedoka walna la pola to dagu-Gu. ¹⁸ To ka hanewe ka wali la pola to dagna, tabollo to kamayegango kangakko tutna Iyo kahawedeya, na tena mono ja nekmango jaka tena dalo la pola tonna. ¹⁹ Nei Musa jana wo bekado Pata Taurat labaramu, janekmango hawu toyyo la jongamu ka dokuni yina pata? Aba mam kawukro nehinguw kag hamateya bawemuga Yayo?" ²⁰ He to danga da baleha, " Yoyo tamanag wad ja bokala! Garan ka kawukro hamate-Wu?" ²¹ Maroba Yesus weneda labarada, " Yayo parayi-Gu hawunehe pahayilli mono yom tangami bangara. ²² Musa na wilahaw, dokani nana jawalnekmana lai Musa, tabollo walna lai obu waikana, mono yoyom wilaha toyo la lodo kangote. ²³ Ne hawu to bawilahakaya la lodo kangote tonam Pata Musa ja laiyikmaya, abam mam bani labara-Gu orongo Yayo bag pahatogaha wal ate mod toyo la lodo kangote? ²⁴ Abim butnekango ate tutna ka dedo, taidoyaka butnen ate ka tena." Nei Maroba Yesus nana Sang Mesias ya? ²⁵ Mowalka, kapirango to ka engango la Yerusalem wedda, "Ja ikado Iyo yina Toyo pahamate? ²⁶ Tabollo iyaka, iteyala, Na panewe la aro loho na dedo mono he iyo janekmango patokida labara-Na. Enga he to pahatena hattu da taja kadoyaka ba Iyo nana Kristus? ²⁷ Tabollo iyaka, da tajaya gidowalna yina toyo. Tongrongo nana, Kristus bana mayo,ba doknekan Kristus bana mayo, janekmango hawu toyo katajayaIyo bagido walna." ²⁸ Orongo Nana, ba tongo mapuwana Maroba Yesus la padona Maroba Allah, Iyo da kawullo, "Yommi tajakakwa Yayo mono tajawa bagido walig Yayo. Taidoyaka,Yayo jag makmawa wali la pola to dagu-Gu, taidoka Iyo ka hawedewa Yayo nana ka tena, Yomi jam pewekmani Iyo, ²⁹ tabollo Yayo tajaya orongo Yayo walig la Iyo mono Ijala ka hawedewa Yayo." ³⁰ Mowalka, da kawukro kama wopaya Iyo bawedda, taidoyaka ja nekmango hawu toyo ka jojaya Iyo orongo rah-Na jana dukkikmaho. ³¹ Taidoyaka, dangayi wal he toyo kahatena labarana Maroba Yesus. Weneda, "Bana maka nai Kristus, enga Na rayihongo karehi danga tadko balang wali la he hapoja harayina yina Toyo?" To Badding Yahudi Kawukro Wopaya Maroba Yesus ³² He to kawohoka da rongo ahan patokda to danga tutna Maroba Yesus, ma ne hatena kalangngo mono to kawohoko hawedeya he kajawaya na padonna Maroba Allah ka wopaya Iyo bawedda. ³³ Orongo nana, Maroba Yesus wenna, "Na maloga-Gu bag olegu hokmonaka mono pojaheka nana, Yayo halako Gun ka labarana Iyo kahawedewa Yayo. ³⁴ Yomi mayega-Ga Yayo, tabollo jam tobokakma-Wa. Mono, gi donegga Yayo, yami jana dakma kam ma habali." ³⁵ He to Yahudi weda la hawu toyo hela hawadeka, "Gi dohalakona yina toyo jada hil tobokokmaya Iyo? enga halako Nan la barada to yahudi kama bobara la jongada he to Yunani, mono hanuwadi he to Yunani? ³⁶ Neha tok-Na ahanyinena nehawe-Na, 'yomi mayega-Ga Yayo, tabollo jam tobokakma-Wa. Mono, giga Yayo do negga,jana daknekma kam ma hhabali?"' Maroba Yesus nahanewe tutna yina Wad Kateng ³⁷ Nala hadukka lodo, la hadukka magebora nana, Maroba Yesus na dede mono na kawullo, wene-Na, "Banekango kama doyo kanaa mayo labara-Gu mono innuu. ³⁸ To kahatena labara-Gu, kahengo pa tok na Hurata Hori, wal dalo la pola tonna na joro na we morha." ³⁹ Ha wenai Maroba Yesus nana Wad, ne pa hibbada to kahatena labara-Na. Orongo, Wad nana ja wonekmahon orongo Maroba Yesus ja daikakmahoya. Pahibatango tutna Maroba Yesus ⁴⁰ Kole bada rongo nepa toki, kapirrango wali hela iyo weneda, "To yiyo to Nabi tepijaya." ⁴¹ To hawadeka weneda, "Iyo nana Kristus," To hawadeka weneda, "Kristus enga mana wali la Galilea? ⁴² Nena Hurata Hori jawenekakna nei Kristus walna la duwui Daud mono wali la Betlehem, kalingora pa do enganai Daud atnana?" ⁴³ Mowalka, na dak ka bera la jongada he to orongo Iyo. ⁴⁴ Kapirrango to lajongada he iyo da kamaddin wopaya Maroba Yesus, tabollo janekmango hawu toyo ka joja-Ya. Nena Jahatenada Kapirrango To Ka Baddingun Yahudi ⁴⁵ Orongo nana, he kajawa Padonna Maroba Allah da bali la be-be toyo mono to kawohoka, ka nukka labarada iyo, "Aba yommi majam marongani Maroba Yesus?" ⁴⁶ He kajawaya Padonna Maroba Allah da baleha, " Janekmango hawu toyo kahanewe hengo hit toyo!" ⁴⁷ Hit to kawohoka dabalehayi iyo, "Ne yommi na hamayilla mowamka? ⁴⁸ Nengo hawu toyo la jongam be toyo bajedoka to kawohoko kahatenaya ne Iyo? ⁴⁹ Taidoyaka, he to danga jaka tajaya na Pata Taurat yiyo da kolengo jakadoha!" Bana tulluni Nikodemus ⁵⁰ Taidoyaka, Nikodemus, na hawu to la jongada he iyo, athona ka tobokoyai Maroba Yesus, weneda pa tokida labarada, ⁵¹ "Nena Pata Taurat ja pamayilla kakdan toyo, toma ja rongoya ne hatokna mono ba tajaya ne ha rayina?" ⁵² He iyo da baleha, "Ne dimmi to Galilea jalam? Kanukka mono iteila neba janengo nabi ka mayo wali la Galilea." Mawinne Hawopa Kadahngo Lai Olena ⁵³ Mowalka, he iyo tangada da bali la umada dihha-dihha.