¹ he Yommi, Tangami toyo Galatia ka kabonga!A Garani yika kala gorami? jala aro mata mowamini itui maroba Yesus Kristus bada kadelloya yila aro toyo danga? ² neni yitu kagu kapatani hawegu labarami, mu hiba kaduya yina waddi Katengo? orongo badoku kani yina pata taurat, orongo bami rongo wango hatena? ³ apa kabonga ngadeya yommi? kolemi kapunge wani yina wadi katengo, ato wolto wani yina kulho dagumi? ⁴ Wola wa elominika bami mayilani yina mayila kahengo dangana -- ba oro ha wola wa memakayi? ⁵ ato nejalango bana wogimi yi waddi katengo labara mi mono daha yilgimi yika jeka moda la jongami orona bam dokuni yina pata taurat , ato orongo bam rongo wango hatena? ⁶ Kahengo yitui Abraham bana hatenaya yitui maroba Allah, koha kahengo hitu kaapewa nani labarana ba kahoda tenaya. ⁷ oro ineya, kam taja wanila tangada hitu toyo kaha tena hela anai Abrahamui ha wewango. ⁸ Hurata hori, kataja mowaya la pungena yiyoi maroba Allah naha tenai hitu tangada ka je toyo Yahudingo oro hatenada, ul mowada talarani Linai Mori la baranai Abraham bawena, " tangada toyo pahama ringiyi ledemu yoyo. ⁹ lodonaka, hitu kahatena daha maringi oleni yitui Abraham yina toyo kaha tena. ¹⁰ tangada hitu toyo ka engango yila pata taurat engada yila jonga haro, orongo neni yitu kama tulho. " mi kolengo jeka doha tangami toyo jeka hadoku la tangana yiha tulho la hurata paa taurat mono karayini. ¹¹ lodonaka, itedanka oro jahilu nekmango hawu toyo paha tena la bara nai maroba Allah ledengo pata taurat, orona, toyo katena na morho oro hatena na." ¹² ta idoya, pata taurat jena hapungekma wali yila hatena. tabollo, " toyo ka rayini yiha tokna pata taurat na morho orona". ¹³ Kristus nama pahigoda wali yila haro pata Taurat kadadi haro labara da, orona nenka kama tulho, "dama yilapola hitu toyo kama tero la yayu paka dello!" ¹⁴ Ledengo manoda lai Yesus Kristus, aknyuru nai Abraham na dadi bana duki yila jongada hitu toyo ka je toyo Yahudingo, lopo wani na hatena na dadi da hiba Waddi katengo hattu paha unna mowada da. pa haunna nai Maroba Allah mono Pata Taurat ¹⁵ Bagu ole begimi, gu wogimi tuja morho malo lodo: Ba poja paha rahi mowakaya, langka la jonga ole toyo beleka da, jahilu nekmangoka iha toyo ka patalaraya ato taba laraya kenemo wango nola paha harahi mowa. ¹⁶ Bahenaka, yitu paharahi paha dukinai Maroba Allai lai Abaraham mono tangada ana suhuna. Maroba Allah jena tokhenek mani, "la barada ana suhuna," ka aro la tanagada ana suhu. " mono la ana suhumu," ih na na aro yila ha wu toyo, yitui Kristus. ¹⁷ Neha tokigu, pata taurat na hudda yila doyo ka 430 ngo baje hilu na dadi ma pata ya yina rahi paha mono mowanai Maroba Allah. Oro iyaka, yitu paharahi mowa jena dadikma ba pungani. ¹⁸ hitu paha burru bana kapungeka wali la pata Taurat, lodonaka hitu paha burru jehilu na kapungek mayika wali hilu paha rahi. Ta idoyaka, Maroba Allah na waya naka nyuru la baranai Abraham ledena yitu paha rahi mowa. ¹⁹ Lodona, aba manewal pongo Pata Taurat? Pata Taurat ba woiya orongo banedi hitu hajala-hajala, koha ba nemedi hitu ana suhu kahengo paha rahi mowa. Pata Taurat paha lakoya ledengo hitu malaikat wango paha lede. ²⁰ Ta idoya, yitu paha lede jena dadikma ledeni tut hawu toyo aki, ba wakani yitui maroba Allah hawu kadini. ²¹ Loko hedok mona, yina Pata Taurat jena pakoba kakngo yila paha rahinai Maroba Allah? Taidoya jedo nekma! orongo, yina pata Taurat ba woiya ba kole donga kaya morho, yika tena walne hina yila pata Taurat. ²² Ta idoya hurata hori na raddi kohani tanga kohana mono tangana na toyo la jonga jala wango yitu paha rahi wango hatena ledenai Kristus Yesus ka wokaya la barada kaha tena. ²³ baje neme honi yina li hatena, itta da raddi da la kabu pata Taurat, da tahaka da habali da to jala koha ba nemeni na ha tena paha tingo. ²⁴ Lodonaka, Pata Taurat opaha dani itango koha nemeni yitui Kristus koha baha tenada wango li hatena. ²⁵ Bahenaka, Na hatena nemme mowani. Itta je hilu remak mango pata Taurat ka hamatarada idda. ²⁶ Lajonga nai Yesus Kristus, Yommi tangami anai Maroba Allah mi ledengo li Hatena. ²⁷ Tangami yommi paha ihho wagimi yitui Kristus boge mowani yitui Kristus. ²⁸ Jehilu hawattek madika hitu toyo Yahadi ato toyo Yunani, toyo ha ata ato toyo paha talo, kabani ato mawinne orongo yomi tangami nogimi dalo lai Yesus Kristus. ²⁹ Yi yomi ba dagu kana gimi yitui Kristus , maka yomi ana suhu nagimi yitui Abraham mono hitu kamangu daguna ka hengo paha rahi mowa.