¹ Kabulu Pato doyo kkalongango, yayo gu baliwa la harona Yerusalem olemai barnabas mono ngodyai Titus olegu. ² Maghalakowa orongo hatoki mono talaradi labarada tutna lina paha duki la jongada hit toyo jaka Yahudingo. Taidoyaka gurayani na bama hatoboka mehango hitu toyo kabokola tonam kaha tajani ba ahani harayigu mono ahani boda longa harayigu jana li lokok mayi. ³ Loho, Titus ka olega jeka ngeju hingma hongo loko toyo Yunanik ya. ⁴ Mana dadi yiyo orongo nedi ole beyo poleka kaha lako kabunyi hatetuni yina mahigo bayikada dalo la kamawolu kamarayi tonam kabali ngodiya labara hajode. ⁵ Ta idoyaka jama wawa nekma kawojo labarada langka ja moja kango tonam katena Lina Morda ka engada labaramu. ⁶ Tabollo, hi toyo kabokola , kaja mango gona labaragu orongo Maroba Allah jena hawate-watek mango ja newikmango hataba daga. ⁷ gobana orong bada itewa baha tenawa hadukina linai morida labarada toyo jaka ngeju, kahengoi petrus paha tena hadukini Lina Morda tangada hitu toyo ka ngeju. ⁸ orongo aha yilliledenai Petrus tut dadi ana witti ana lima tutda hitu toyo jeka ngeju, mono kaha yili ledena labaragu ka dadi ana witi ana lima hitu toyo jeka Yahudingo. ⁹ Pojaka Yakobus, Petrus, Monoi Yohanes baiteya ba iyo kangora taja tutda hena ana kangote bada tajaya nama manawara ha wodaga la baragu. da woya nali Hatena la ka ngote. Labara nai Barnabas mono la baragu kama halako labarada hitu la toyo ka je toyo Yahudingo. Tabolo iyo halako newaldadi la barada hitu toyo ka ngeju. ¹⁰ haka ereda labarama apeyi hitu toyo milla, oro iya tuba toggu magu ringani rayini. ¹¹ Tabollo, Bana ma yitui Kefas la harona Antiokhia, gu kayakani orongo bana jala. ¹² orongo toma abi nemedi hitu toyo wali la kaliboi Yakobus, Kefas na doma mowaka muyo dongadi hitu toyo ka je toyo Yahudingo. Ta idoya, bada mayo na eringo mono an hawate wu daguna orongo bana kabohidi kabokela toyo ngeju. ¹³ Toyo Yahudi hawadeka hadoku ka wohoka, lopoi Barnabas naha doki kawohokada. ¹⁴ orongo bagu iteya harayida bajena hatuja yila Lina Morida, maweguni yitui Kefas la aroda ngara dukada toyo danga, "Ba toyo Yahudi kawu morha mera ka je toyo Yahudi wu. ¹⁵ Itta toyo paha dadi toyo Yahudi mono ja toyo jalak mada la jonga toyo jeka toyo Yahudingo. ¹⁶ Ta idoya ja nekmango ha wu toyo pa hatena orongo bana rayini yina Pata Taurat, tabolo ledeni yina hatena labara nai Maroba Yesus Kristus. Loho Ita daha tena mowa la bara nai Maroba Yesus Kristus ha tenada ledengo bada hatena yai Kristus, oro je rayik madani yina pata Taurat. Orongo, ja nekmango ha wuyo toyo pa hatena orongo bada rayini yina pata Taurat! ¹⁷ Ta idoyaka, batongrona kaha tena da yila jonganai Kristus, da dukini na pola todda ba toyo jalada, ato yitui Kristus kangodi dosa ya? tabollo jedo nekma! ¹⁸ Bagu hakode habali kaya yitu hapojagu hegarini, ihi nanka yitu yayo ba to toyo kaheppoya yina pata. ¹⁹ Orona, ledena yitu na Pata Taurat, yayo gu mate mowa wa tutna yina pata Taurat kana dadi bagu morhowa la baranai Maroba Allah. ²⁰ Yayo da kadello wagani yitui Kristus. Jahilu yanekma ka ka morho, tabolloi Kristus neya kamorho la pola toggu. Yina morhogu ba hena pa halakogu wani na kulho dagu gu morha lede hatenaya la barana Ana na Maroba Allah, kama nawaraga mono kawogani na pola to-Na tangani tutugu. ²¹ Yayo je gu patakmani kanyuru wali lai maroba Allah orongo ba nemekani na li hatena ledena yitu na Pata Taurat, ja nekmango gonna ka matenai Kristus!