¹ Yuulung O howo diluma, wedee parente e u buung eni du ewar, noo hama we panene. ² Nami ebit ei i mi atamiei, paa bala, noo hama we puin med nami towong ohodana. ³ Duru we turu mi du pi naaholdang, ataaidang karaka mi lami, yaha duru tei weseng. Aring wail, tom nami ataai, tom nami ebuni. ⁴ Duru we onoo hama Lahatala opaa bala puin tanoo weseng Aratara. ⁵ Ei ta'noo Il, wedee apanene noo ba pi araleleng he du dang wedee ei ukarang eile, om te yaha matara hama duuin pi tom ayom t wain mi nu ta ara oyemi, tanoo madulung woil oHami Madulung mi. ⁶ Ei med tene taring ana ma Kristus Yesus duru we tei weseng. ⁷ Duuin we noo du pi ommi weseng ang piring duru we ooi odaala otoho opoo weseng ene med, utei anoo. ⁸ Mating paa oin do ati noo noohe, abulu, aring na oin du ohadana du, nei num du i abulu-abulu oatinoo ubang, duuin e iring du Lahatala oatinoo ubangang du, o nooe panene ma nami noo towong ohadana. ⁹ Duuin we i ara teteng ei yalahain taborong tahii baahala Taurat ommi du med. Ei daala e meng dang aring du ountu aradang. ¹⁰ Nami ba nimi abiti du, ahowo diluma minu namihi miolo noanghi yuulung elete. ¹¹ Wedee i ahol duuin he nami orupu duuin du oahala mi tede ang you, hukung om we mi te dang you. Utub Ohomi, Mahene Yaha ¹² Na Artemas woi med Tikhikus ahowo i olap hoo na yebang ahowo Nikopolis mi weseng ma palii maab oyel. ¹³ A kawaa towo Zesan ei ta, hukung onami turu woi med Apolos yuulung nun ye hama lami he, duuin e ara booei. ¹⁴ Obulu du tei nami noo nun ba, kreyeng noo utoho hedu yo bobomong yaring puin toho dilele taana. ¹⁵ Nami noo towong ba nara hama-hama hedu ei mahene noo ubang med i o hadana, woi med nami ba niring ukarang. Oatino ommi noo hama i barapi iaringta.