O ABULU WE UUTUBU ¹ Ee du'uyn dee iinauutubu yo bo o abulu we uutubu. ² Nami loti hining tama'a du Ii yom tahang uuada iiring uubu'ung no'ohi t'biring azu'u uudumi om dumi, uukarang om mi tahang no'o om dumi. ³ Didi iiring obo hining ii mi tama'a du iipnen iiaten du mong wede'e nami ba pong ahol o uutubu tubu puyn nami ara ladiming laboro dang, du'uyn didi anggur o mangsing dang de'e o no'o we uutubu. ⁴ edu'uyn e yuwunun obo lawata nun ayom apahang yo loyi uukarang yoeyknewe uukarang ⁵ yebu'ung, saleh, yo bang om nu uub'lente bala lamoni no'ohi yo loti ey me'ehe, edu'uyn ee Lahatala amapa'a du ano'o na den dang ey. ⁶ Du'uyn didi nami awolo Lawata ya waha hini du uubu'ung no'o-no'o, ⁷ Na leleng ayrnu om mi ano'o nami opong puyn ano'o om kreyeng no'o du om mi. Oyn uutubu om dumi du aa naba we uubang duru we pnene. ⁸ mating lorong abulu ba nami no'o towong om ayahayn dang du'uyn e pi wleweng du ey mala, wede'e ey yaha du uubang ma tarahama. ⁹ Mangsing nun du yo tuwung ewar na leleng ayrnu om mi pnene puyn yuwunun om ano'o snang no'ohi yuwunun du ara tebeng ey. ¹⁰ na ta'ay ey iipnene tro'oyn ee nami iiatino'o ahol eedu'uyn e na leleng ayrnu om mi nami Lahatala ano'o mati lawen, o tayom pa'a du puyn didi ee Ey duru we pi Juruselamat ¹¹ Wede'e Lahatala uukarang uuntu snang witi ho'o du aring du ara aang med nami no'o towong ohadana. ¹² Ee du'uyn ee pnene aten ba saleh dang du hiti'ing elete o didi pli'i mati hu'u to'ong. Ee du'uyn ee pi pi weseng uubu'ung abulu woy med saleh. Oyn yel wed domi. ¹³ Ohowe pi uudumi ba berkat along du pi adanang, o ho'o o ma du Lahatala o kemuliaan du ara , yo mi mati med tey Juruselamat Yesus Kristus ¹⁴ Ey y'waha, y'hiri du med tene Ey piring hawoho pi ahala du eyle no'ohi o m'dulung we om mi o na nami ba Ey u ale'e uutara ba na no'owe pnene he du. ¹⁵ Na nun oyndo uuetubu puyn yuwunuyn du ayom apahang ehapa didi bo wibawa puyn. Nami den oho we ii no'o lama ereng.