^{2 3 1} Weseng Obaulu ⁴ med ma Titus ey nom hele, ma pi barapi o u dudumi mi il loling noo hama omong Lahatala Yesus Kristus tey weseng eme yele TITUS YO KAREYENG UTOHO MOIN KRETE MI PENETUWU AHOWO ⁵ nadoro eyle ba iring med moin krete bang mi ataain, duuin i naba yodey he du i anoo tening woil med penetuwu-penetuwu ahowo moin koto aring ana mongwedee na u emeten duuin ⁶ nami du uil uil yaha penene hedang obo piri nu med o ey knewe didi nami abulu, woil med nami yuulung o ahala lap mongwedee he yaha we panene he duuin med ma teteng karang ⁷ wedee ey ba jemaat o ubuung du uil uil yaha panene he dang med ma Lahatala o kareyeng u taroong oho yaringta dang, hanoong ariing he dang araka na hedang yamoling he dang, woil med nami o na u tetele hedang, ma untu lap ommi ⁸ yobo yatang nami opepe o noo eyaha om hulu o abulu abulu, ahala o waraa hedang yom yaha u lele noo ⁹ yo ya mating du apuin dumi o atinoo ubang noo, o arahama nami u nara skol ang, duuin e ey tayom paa noo du puin nami ayom apahang woil med yuulung ara teteng he du ahapa ¹⁰ wedee nami noo towong teteng karang oho yaring ta woil med kaluwi mitata yuulung ba moin yahudi hini o tuunu ommi ¹¹ nami dopo uil uil atadu upaul, wedee yuulung leleng bala towong ene utubu du na yaha momong puin nami noo towong anoo mala ¹² nami oindoro o nu, aring duru yuulung o tangwala yolo ubang "Krete hini ba kalayu o yele, mongwedee binanta oweleweng aring nami maroo empiri du maraain." ¹³ o saka du abulu, aring duru we u atino noo ehapa duuin e yuulung tabiring aruu ma o uundumi du ommi ¹⁴ Yahudi hini o along lorong e o mating du i haay alepeng ey nani e yuulung penene noo u yaai du o hos ataai ey ¹⁵ oba il abulu, barapi il abulu. duuin de nami ba karoo kamail woil med atinoo aholdang, pirinu didi il abulu dang, huu mi tanut mi du mongyaha momong ¹⁶ yuulung yata tele du puin ubang Lahatala uair nami du pi o paarang puyu, nami du om teteng, om paluhu ukarang eyaha du panene laheledang