¹ Sura' yatee ludio mai Paulus, sabua'na Puang Allataala anna Rasulna Puang Yesus Krists. Naturona' Puang laumpomatotto' pangngoreanna tomakka napilei Puang, anna laku patudu lalan katonganan langngan Puang, ² anna uppomatoto' kaparannuan anu' dengan dandinna Puang mekkalao diomai yamo katuoan lambi' sae lako lakona. Anu' angkanna nadandi Puang mekkalao dio mai Lana kanna'i asan. ³ . Anna illalan wattu makka napatantu Puang, kodi'motee naturo Puang launpalambi' parentana Puang Allataala, tounpasalama'ki. ⁴ . Lulako Titus, tokuala anak illalan pangngorean. Natamba' moroko Puang Allataala, Ambeta, anna dio mai Puang Yesus Kristus. PEKKARANGANNA TITUS DIO KRETA UMPILE PEBAWA ALUK DIO KRETA ⁵ Nasurung kupatorroko dio Kreta, ammu pamakka pangngatosan apa apasiapi ta'dannapi tiato' mapia. Anna laummakka'ko pebawa aluk lako tondok tondok, susitomakka kukuakko o. ⁶ Inte lamu akka' e tomasero, to mesa bainena, angkanna ana'nga manggoreanasan langgan Deata, ta' da umpogau' nakabassinna Puang Allataala. ⁷ Anu' inte pebawa aluk illalan dumaa' e, ta' da mala to buda sassana anu' iamoto ummato' pengkarangan Deata, ta' da malangka penawa, ta'da pa' kearasan, ta'da simalango, ta' da madommi' ma' siala, Anna ta'da ma'podo koi'. ⁸ Appo' madotta' ma' pobengan lako tomase- mase , uminawa nawa kamapiaan, mapia penawa, to ma' gau' malolo, masero penawa,anna ta'da utturu' i penawanna. ⁹ uppetoei mottong kada katonganan, susito makkanna napa' patuduan, napolalan mala umpakilala tau unturu'i paretta ladipo tuona anna uppakilala tau to ta'da ma'perangngi. ¹⁰ anuk deen buda ta'da ma' patongan, na porai ma' kada bu'buk, anna toma' pakena kena, la'bi la'binna ludiomai to umoreanpi kabiasaan mak tille. ¹¹ Tau ia to o, ta'da la mu tangka' ma' kada, budami pendaporanna tau nasussai anu' umpa'patuduan tangianna pepatudu mapia napolalan buda tau masiri'. ¹² deen mesa tomanarang na dio Kreta na kua; angkanna to Kreta tak da asan tonganna kada na pokada, mak pokauk susi leali tadi sara sara , barebe,makuttu. ¹³ Inte tula' tongan lamupake umpa'patuduan lako tau anna malara ummorean pepatudu kasaranean. ¹⁴ Ta'dako laumpatongan tilolo tilolo tama'guna yato sina tilolo to tae' ma'perangngi lako Puang, to umboko'i katonganan. ¹⁵ Ta'da ia dengan pemalinna tomasero, sapo lako tokadake anna to ta'da mangngorean langngan Puang buda ia pemalinna. ¹⁶ Nakua dio pudu'na kuissanan anna kuorean Puangallataala sapo ta'da napasituru' pa'pokau'na. Tauiatoo mesinasina pa'pogau'na, moka utturu' battakada Deata, anna ta'da ma'din ma'pogau' mapia.